|
قصة البنت مع اخوها
السلام عليكم ورحمة الله وبركاته قصة قديمه جرت على بنت من الباديه عندما جاء أخوها في نصف الليل قصده يسرق إبل زوج أخته وعندما قرب من منزلهم قلد صوت الذيب وقام يعوي , سمعته أخته لكن ماتقدر تطلع عليه خايفه من حماتها إخت زوجها فقالت هذه البيات مدري طرب وإلا من الجوع ياذيب يامجفل الغزلان حنا المعازيــــــب في فيضة السرداح والبل عوازيب ياذيب ياللي جر صوت عوى به ياذيب لاتقهرك عنها المهابـــه البوش كله يم خشم اللهابـــه سمعتها حماتها فظنت أنها تناجي عشيقا لها وأنشدت الحماه يقذلك من بد البني الرعابيب لادارها السّوام يلقى عذاريب يابنت ليا الذيب ينهشك نابه تراك مثل اللي جلب له جلابه فردت البنت بهذه القصيدة موضحة الأمر لحماتها ... إني عذيّه مادخل عرضي العيـــــــب مادوّجت عليه حرش العراقيــــــــــب يوم ان نجوم الليل مثل المشاهيب وتحدّره من عايات المراقيــــــــــــب وحياة جلاب المطر من سحابــــــه أنا كما عدٍ قليل شرابــــــــــــــــــه الذيب أخوي اللي يشيل الكسابه واللي ظلمني جعلها في شبابه العذر وسموحه اذا فيه تقصير..........لشّيب |
بيض الله وجهك علي القصه والابيات الرائعه
|
لا هنت ياتركى الودعانى على هذا المرور الطيب.... ...........لشّيب |
لشّب جعل من ارثك في الجنه عزالله قصه وقصيده رائعه. ونتظر جديدك.. اخوك / فهد الغريري.. |
لاهنت يابو هادى على هذا المرور الطيب.. والله يجعل شيبانك وخالك فى الجنه ومن يقرأ <<<<<<<<<<لشّـــــــــيب>>>>>>>>>>> |
إني عذيّه مادخل عرضي العيـــــــب مادوّجت عليه حرش العراقيــــــــــب يوم ان نجوم الليل مثل المشاهيب وتحدّره من عايات المراقيــــــــــــب وحياة جلاب المطر من سحابــــــه أنا كما عدٍ قليل شرابــــــــــــــــــه الذيب أخوي اللي يشيل الكسابه واللي ظلمني جعلها في شبابه لاهنت والله أخوي لشيب... بيض الله وجهك وسلمت يمينك على ذا النقل القمه... بانتظار المزيد من مشاركاتك المميزه. النادره |
لا هنتى اختى النادره على هذا المرور الكريم... و بيض الله وجهس على هاذى القصيده الشيقه..وتستاهلين وكفو .....لشّيب....... |
لا هنت يا لشيب على ذي السالفة والقصيدة
تحياتي لك |
[font=Arial]لشّيب جعل من ارثك في الجنه عزالله قصه وقصيده رائعه. ونتظر جديدك.. تحياتي القلبية لك أخوك دغش البطي [/font] |
لاهنت اخوى دغش البطى.. احب ان اشكر جميع من مر على القصيده وأتحفنا بالردود التي وجدتهامن الجميع> .......... لشّيب........ |
|
وشيبانك فى الجنه لاكن لوأن الكتابه توقف شوى نقراه ........... و.......... الله ليهينك يابويرالغرره على المرور الطيب ....... لشّيب.......... |
لشيــــّب لاهنت وبيض الله وجهك على القصه والقصيدة ولاتبطي بجديدك ،،، |
لا هنت اخوى البراق على المرور الكريم. ......... لشّيب.......... |
الله لايهينك ياصلب جدي على القصه والقصيده وننتظر ابداعاتك الجايه ان شاء الله . |
الساعة الآن 12:51 PM
 |
Powered by vBulletin® Copyright ©2000 - 2025, Jelsoft Enterprises Ltd.
---