::: مـنتدى قبيلـة الـدواسـر الـرسمي ::: - زينوها وادفنوها والكفن ثوب الزفاف

السلام عليكم
هذي قصيده قريتها وعجبتني وحبيت انقلها لكم

زينوهـا وادفنوهـا والكفـن ثـوب الزفـاف
غصب عنها زوجوها وسلموهـا للغريـب؟!!
مجبره ماشاوروها قصدهـم شـرع العفـاف
مادروا إن البنيـه مغرمـه ولهـا حبيـب!!
جهزوها وهي تبكي وترتشف دمع إرتشـاف
وخبروها إن موعـد الفـرح منهـا (قريـب)
مالقت أحدا" فهمهـا وهمهـا ناظـر وشـاف
إن حكت باللي سكنها مالقـت الهـا مجيـب
وكانهـا هـي وافقتهـم جرعوهـا الزعـاف
حالها من فعل أهلها صـار محـزن ومريـب
والحفل قرب وقامت ترتجف خـوف إرتجـاف
كل يوم تقول باكـر الفـرج بـإذن الرقيـب
باكر يمكن يفهمـون قصتـي بآخـر مطـاف
جا باكر ثم عـدا وجـا بعـد باكـر عطيـب
وعلقوا عقـد الإنـاره وإحتشـد فـرد وآلاف
أيقنـت إن الجـرح جرحهـا مالـه طبيـب
وإنها لازم تطيع أمرهـم وترضـى الجفـاف
جو لها والدمع يغرق جفنها الحلـو الرطيـب
قالوا يـاالله إلبسـي ثوبـك اللـي للزفـاف
كفنوهـا وفـي نظرهـم زوجوهـا للأديـب
فرشوها الهـم دايـم والأسـى لهـا لحـاف
ياحسافـه دخلوهـا والحشـا يغلـي لهيـب
وأحكموا قيـد البنيـه وإسجنوهـا بإلتفـاف
وادعتهم وهي تقول حسبي الله [[الحسيـب]]
رحلتي ماهيب طويله ورجعتي بعد القطـاف!!
سافرت عن دار أهلها وقلبها خطر [[وصويب]]
سافرت مع منهو خطفها من أمانيها الضعاف
خايفه مستوحشـه والعـرق منهـا صبيـب
وقلبها ينبض بذكرى ماضيه فيهـا إختـلاف
حاولت ترضى بقدرها وللحدث هي تستجيـب
بس عيت تقتنع وعشقهـا ذاك <الضفـاف>
هو سألها جاوبيني ليـه دمعاتـك (سريـب)
ليه لي ماتنظريـن وأنازوجـك شخـص واف
قالت بنبره خجوله أنا فـي وضـع" رهيـب
غصب عني زوجونـي وإطعنونـي بالرهـاف
هو سكت لحظة تأمل وش أسـوي يامجيـب
عقله وقلبه نطقها صاحـب النخـوه يعـاف
قال منهو غير حبـي يسكـن بقلبـك نجيـب
من تولى عرش قلبك إهتنـي بـه ياعفـاف
وباكر الرجعه تراها وإمسحي الدمع العجيـب
خايف إني أمسكك وأقتـرف ذنـب إقتـراف
إضحكت ضحكه وقالت مابعد هالطيـب طيـب
الله يجازيك عنـي بالأجـر ويسـر الطـواف
إرجعت وقالت رجعت ياأهل الشرع[[الغريب]]
بنتكم جتكم ولكـن مـن بعـد ذل وحسـاف
وإبعثت مرسول عاجل أنـا جيتـك ياالحبيـب
النذر اللي نذرتـه صـار وافـي يامنـاف?!
إجلست يـوم وتأخـر لارسالـه (ولامجيـب)
وعقلها يمه تشتـت وبـدت بالغيبـه تخـاف
مرها طفل صغير وإسألـت عـن الصحيـب
قال مات ليلة زفافـك وإندفـن بعـد الزفـاف
ناحت بحسـره وطالـت الليالـي والنحيـب
وودعت قبل اللقاء حلمهـا الزاهـي وطـاف
إقتلوهـا مرتيـن وشابـت ماقبـل المشيـب

اتمنى تنال علي اعجابكم 00