معي شهاده جامعيـه ولاعنـدي عمـل=اربـع سنيـنٍ طاولتنـي ونـا مليتهـا
ياليتني مارحت للمدرسـه يومـي طفـل=كان استرحت من الشهـاده ولاشليتهـا
واليوم ادوّج فالشوارع تقول انـي خِبـل=واحلامـي اللـي قـد تمنيتهـا خليتهـا
لاون حظي قام سجلـت فالنـادي شبـل=كان الجماهير اعشقتنـي ونـا حبيتهـا
وان زانت الهجمه وسجلت فالمرمى دبـل=جتنـي ملاييـن المهبّـل ولارديتـهـا
لكن ويش اقول في حظي اللـي منجطـل=اعَنّـزه بـيـدَيّ ويطـيـح لافكيتـهـا
قالوا لي ان سوق الفواكه فتح باب الأمل=تلقى الدراهم فيه ياكيتهـا مـن كيتهـا
وقّفت فالبسطات احَرّج على ثوم وبصـل=والعـم بنقالـي ولـه بدلـةٍ شقيتـهـا
يوم انه اصبح قال وين المغارف والسطل=ذي حزمة الكراث وش فيـك مارشيتهـا
اظهر وفارقني ولاعاد لك عنـدي شغـل=ورواتبك والله ان يجي الحول ماشديتهـا
واقبل علي باللوح كنه بيطرد لـه همَـل=يبـي يعاقبنـي علـى غلطـة سويتهـا
كسرت لوحه فوق راسه وجوّدت الحبـل=واربع مية جلده علـى غاربـه عديتهـا
مايدري انّا ناخذ القوم في وقـت الجهـل=لكـن ذالدنيـا قبـس فوقنـا كبريتهـا
وسافرت ادوّر للوظايف على كوكب زحل=يوم الوظايف فوق الارض انتهى تثبيتها
عينت لي ناسٍ ترحّب وترمـي بالعُقـل=ناسٍ تعَرفْ اسمي ونـا مابعـد مريتهـا
قدّمت معروضي عليهم ونا قلبـي وجـل=من ذلةٍ يظهر لي شروط ما استوفيتهـا
قال الزعيم اهلا وسهـلا تقـدم يابطـل=كل الرقـوم الشاغـره عندنـا صفيتهـا
نبي نحطك مستشارٍ على شـون الـدول=رتبة وزيـرٍ والـوزارات ذايـع صيتهـا
نعطيك خمسين الف راتب ومعها اربع فلل=واربع بناتٍ كـل وحـده تزيّـن بيتهـا
سميت بالله وشكرته على هـذا الفضـل=ذي نعمـةٍ مانيـب مضبـوط لوكبيتهـا
ولاانتبهت الا ونا جالـسٍ فـوق الجبـل=وشهادتي قدمي على الحيد قـد حطيتهـا
عرفت بان السالفه زيف وخـداع ودجـل=قصه تبي تمشي ونـا بالفعـل مشيتهـا
لاكن ماينفـع مقـامٍ بـلا قـول وفعـل=والنـار لـولا شـدة البـرد ماشبيتهـا

المشاركة الأصلية كتبت بواسطة مشاري الرجباني (المشاركة 230346) صح لسسسسسان الشاعر سعد ومشششششششكور وماقصرت اخوي دوسري مطنوخ على القصيده الحلوه والرزق على الله يخوك تقبل مروري البسيط اخوك مشآري..

المشاركة الأصلية كتبت بواسطة نايف الخييلي (المشاركة 230349) قصيده رائـــعه وشكلها طالعه من قلب عافاك الله يـــا مطــنوخ على إتحافنا بهــذه القصيده الطريفه وصح لسان قايلها والله يعيـــن

المشاركة الأصلية كتبت بواسطة خميس الغييثي (المشاركة 230374) مطنوخ المطنوخ بيض الله وجهك والوظيفه بنسعى لك فيها والله يكتبها ان شاء الله

المشاركة الأصلية كتبت بواسطة الزين (المشاركة 230385) تسلم يمينك يالمطنـــــــوخ علي النقل وصــــــــــــــح لسان الشاعـــــــــر لاكن ماينفـع مقـامٍ بـلا قـول وفعـل=والنـار لـولا شـدة البـرد ماشبيتـهـا الزيـــــــــــــــن

المشاركة الأصلية كتبت بواسطة عبدالله بن قويد (المشاركة 230480) قصيده رائـــعه وشكلها طالعه من قلب عافاك الله يـــا مطــنوخ على إتحافنا بهــذه القصيده الطريفه وصح لسان قايلها والله يعيـــن

المشاركة الأصلية كتبت بواسطة ابو زيد الغييثي (المشاركة 230703) مايدري انّا ناخذ القوم في وقـت الجهـل ------------لكـن ذالدنيـا قبـس فوقنـا كبريتـهـا لا لا لايدورها بالجهل ، الله يخلي الاسلام وان شاء الله يمشون فيه اهل الخير ، وفي اللي مثله محبكـ / ابو زيد