|
ممكن سؤال
السلام عليكم
احبابي سمعت أن يوجد أبل تسمى الشرفا وهي مرغوبة من الناس وهي في الاصل عند الدواسر فما ميزت هذه الابل وعذروني لاني اول مرة اسمع بها |
رد: ممكن سؤال
الشرفا هي الشرف وهي مجاهيم واصلها يعود للاشراف ثم درجت على الدواسر منهم
وبعد معركه واره درج منها على الدوشان وبعدها ادرجت للهواجر وذالحين منتشره بين العربان وآل سعود هذا بختصار (( قصة الشرفا )) |
رد: ممكن سؤال
ابو زيد بيض الله وجهك وما قصرت
ممكن اسال وشلون انتقلت للدوشان وما الميزة فيها لتكون مرغوبة بهذا الشكل وهل هناك صور |
رد: ممكن سؤال
اقتباس:
ووجهكـ ابيض س/ كيف انتقلت الى الدوشان ؟ ج/ بعد معركه واره الشهيره قرب حدود الكويت بين الدواسر بقيادة الامير / شارع بن شايع ال قويد وبين الدويش امير مطير والشعلان أمير الروله من عنزه دارة الدايره على مطير والروله وهم منهزمين اغار الدويش على بن مليبين المصارير وكان عنده الشرف واخذها وقفا بها و درو الخيالات فقاموا افزعوا و واعتزوا بها " خيال الشرفا بن الاخيل " وفكوا بعض الابل وبقى بعضها عند الدويش والشرف حافظوا عليها الدوشان وتعتبر مثل رمز لهم والشاهد اللي كان في " كون لبن " الشهير وهو تحالف الملك عبدالعزيز و مبارك ال صباح معهم 10 قبائل او اقل ضــد مطير في كون لبن وهو من الايام الشهير بين القبايل قال عماش الرجعه الدويش لولده عبدالله " الشرف ماقط وخذت منا واليوم بنحميها " وقدر الله ان في الجهه المقابله للغزو فرسان الغياثات وكان عقيدهم " السهيلي آل محيميد الغييثي " وقم يا السهيلي وذبح عماش الدويش - لا والله اللي رايح من صيد امس - وثم في هذي الاوقات ذبح عبدالله بن عماش ماني متوكد من اللي ذابحه المهم تنكسر مطير ووخذت الشرف منهم بعضها وليس كلها وادرجت على بعض القبايل كان كسب الملك عبد العزيز ذاك اليوم 500 بعير لان مطير خسرة 5000 بعير ومن ضمنها بعض الشرف أما ميزت الشرف انها سلاله معروفه من عام 1000 هجري اوا كثر لانها قد تكون درج على الدواسر في عام 1000 من عند الاشراف وهي انفس الابل المجاهيم يعني سلاله قديم عريقه اما المميزات الشكليه اتركها لا اهل المجاهيم فهم ابخص مني فيها |
رد: ممكن سؤال
حبيبي ابو زيد بض الله وجهك ما قصرت كفيت ووفيت
|
رد: ممكن سؤال
اقتباس:
احبك الله ووجهك ابيض وماسوينا الا الواجب وقلنا اللي نعرفه محبكـ ابو زيد الغييثي |
رد: ممكن سؤال
احبك الله كما احببتنا يا ابو زيد
واتمنى لكم دوام الصحة والعافة وطول العمر على طاعته |
رد: ممكن سؤال
اقتباس:
ابوزيد الغييثى مساك الله بالخير الخييلات ردوا ابل بنى عمهم المصارير ( الشرف ) من عتيبه والسالفه صارت على وقت محمد بن جريس جنوب فى الوادى هذا للعلم الله يسلمك اخوك/ عبدالله |
رد: ممكن سؤال
اقتباس:
مسا النور ولاهنت بس ياخوك كنت اضنها على الدوشان ردة البل بس الوكاد بعد واره غزا الدويش بن مليبين المصارير اما الخييلات انت ابخص ولاهنت على التوضيح وانت سباق بالخير محبك ابو زيد |
رد: ممكن سؤال
اقتباس:
اشكركم على التوضيح وبيض الله وجيهكم |
رد: ممكن سؤال
ابو المثنى مشكور على سؤالك وبيض الله وجهك ابو زيد الغيثي على المعلومات القيمة والنافعة شكرا لكم جميعاً ياخوان
اخوك فتـــــى الوداعيــــــــــــــن |
رد: ممكن سؤال
بيض الله وجيهكم ومشكور اخوي عبدالله الخييلات علا التصحيح وفعلااا الخييلات ردو ابل المصارير ومن ذاك اليوم وعزوه الخييلات ( خيالت الشرفا) واشكركم جميعااا وجزيلااا ,,,,, وتقبلو مني الاحتراام والتقير,,,,,,,,,
|
رد: ممكن سؤال
حبيبي فتى الوداعين والحبيب سعود
اشكركم على المرور ولكم الشكر والتقدير |
الساعة الآن 07:49 AM
 |
Powered by vBulletin® Copyright ©2000 - 2025, Jelsoft Enterprises Ltd.
---