ياكِـبَـرْ مـقـدار منـهـو قـــد تـربّــع وسْـــط داره=ومـن طلـع مـن داره ايشـوف الإهانـه تحتـريـه
ومـن لا يعـدّك راس مـال فعـدّ معرفتـه خسـاره=ومـن لا يحَشْمـك بالغيـاب فـلا أبـد تبكـي عليـه
ومن وقف يمّك بساعات العسر فاحرص وباره=وافـتَــدَهْ بـالــروح لـــو انّـــك بـتـقـدر تـفـتـديـه
واحــذر الـلـي قــد تغـشّـا طبعـهـم ذلّ وحـقـاره=ولا تـمـاري بالجـهـل عـالـم ولا تـمـاري فقـيـه
واحفظ لسانك ترى كثْـر الحكـي كسْـر الجبـاره=وامدح اهل الفضل واحذر مـن مدايـح بالوجيـه
واحفظ اسـرار الرفاقـه واستـر العيـب ومـداره=واحْسَـنَ الظـن بخـويّـك واحـتـرس خـلّـك نبـيـه
ولا تكون من اللذي يشفي على حرمـات جـاره=لا بـارك الله فــي عيـونـن شفّـهـا مــا تشتهـيـه
ولا تصـدّق مـا يقـال مـن الحكـي لجـل الاثــاره=وخــلّ عقـلـك يحـكـم الـواقـع بتفـكـيـرن نـزيــه
واخفـض الجنحـان للشايـب وزوّد فــي وقــاره=وخـلّـك الـخـادم لــهُ وْاحْـشِـمْـه ونـفّــذ مايـبـيـه
وارحـم المسكيـن واللـي قـد تغـرّب عـن ديـاره=وارحـم اكسـور اليتيـم الـلـي فـقـد امّــه وابـيـه
واقنـع بحالـك ولا تحـرص علـى نـيـل الامــاره=ذنبـهـا اكـبـر مــن الـلـي وســط بـالـك ترتجـيـه
وقّر وْهِيْـبَ الرجـال ومـن يهيـب تهـاب نـاره=واعرض بْنفسك عن الجاهـل ولا تجـادل سفيـه
والمـروءه خلّـهـا تـرقـى عـلـى راس المـنـااره=وخــل قـدوتـنـا رســـول ٍ عـــزّ مـنـهـو يقـتـديـه
وعزّ نفسك عن سؤال الغير واحفظ هالعبـاره=((لا بـارك الله فـي يميـن ٍ ماتنـال اللـي تبيـه))

وارحم المسكين واللي قد تغرّب عـن ديـاره=وارحم اكسور اليتيم اللي فقـد امّـه وابيـه