|
قصه وقصيدة لأسم لامع لايحتاج للتعريف
بندر بن سرور شاعر معروف واسم لامع لايحتاج لمزيد من التعريف القصة انه ذهب لعمه في يوم من الايام وخطب بنته العم وافق على الخطبه وبعدها سافر بندر يترزق الله وفي اثناء سفرته مر عليه واحد من جماعته وبعد السلام والسؤال عن اهله اخبره هذا الشخص ان اليوم زواج ابنة عمه من شخص غني طبعا بندر تضايق وزعل من هالتصرف . .. وكيف ان عمه يزوج بنته لشخص ثاني مع انه معطيه كلمه وكل هذا بسبب المال ... هنا توهجت لنا قريحة شاعرنا الكبير لتخرج بهذه الرااااائعه التي لن تنسى ابدااااا وأصبحت مضربا للأمثال
يالله يـاجـال الامــور المـهـمـة = تجلا وهج قلـب بـرا حـال راعيـه البـر دجتـه والبحـر رحـت يـمـه = يقطعـك ياحـظ علـى الله مساعيـه يوم ان ولد اللاش رزقـه علـى امـه = رزقي على اللي ميت القشـع يحييـه يامـل قلـب كـل مـا مـات هـمـه = دارت دواليـب الدهـر ليـن تحييـه فـراق شمـل النـاس عيـا يلـمـه = وقت يشيب الراس مـن شايـة فيـه احـدٍ ينـام وحـط راســه بكـمـه = واحدٍ تخـم النـوم عينـه وتخطيـه واحـدٍ يحـاول بالـردى بنـت عمـه = واحدٍ يحاول ستـر عـذراء عوانيـه مانـي وانـا بنـدر ببـيـاع دمــه = يقطعـك يابيـاع دمــه ومهفـيـه اللـي يبـيـع لابـسـات الازمــه = ثـور يبـا بيـض الرعابيـب تغنيـه يزعل ليـا جـت ليلـة الـدور يمـه = يرضى بسوق المال فـ..خوه وفـ..ابيه خطـو البخيـل الـي كبيـرٍ معـمـه = يقـرا الكتـاب وواجـب الله يخلـيـه إمـا هـرج لـك فـي رفيقـه بنمـه = والا عطـا وامـه تضيـع هقـاويـه انشـدك ياللـي كـل فـرض تتـمـه= تقرا الكتـاب وكـل فـرض تصليـه ويش القليـب اللـي غميـق مجمـه = مافاد غرسه ماه .. عطشـى سوانيـه تخالـف الانظـار شــرق ويـمـه = وكل هدف رآيه من النـاس مرضيـه سـم السبـب ياعـارف عنـه سمـه = سم السبب ياعارفـه قبـل اسميـه من أروع الأبيات وأجملها |
لاهنت اخوي االبراق على هذه القصة الرائعه والله يرحم ابن سرور
تقبل تحياتي،، |
بيض الله وجهك يالبراق مبدع في كل شي يالقرم
|
لاهنت أخوى البراق صح لسانك ولسان بندر بن سرور أبيات رائعه عاطر التحايا هند |
اخوي الغالي البراق في البدايه اهنيك ياطويل العمر بهذي الترقه الى مراقب وعزالله انك تستاهل اكثر من ذالك ونشكر الاداره بهذا الشي. وكما عوتنا بالعلوم الغانمه ها انت تتحفنا بهذي السالفه الاكثر من رائعه والقصيده التي اذا قلنا انها جزله فشوي في حقها..... لا خلا ولا عدم يالنشمي.. ولا تبطي بجديدك. اخوك / فهدالغريري,,,, |
مشاركه اكثر من متميزه
عن شاعر من منا لا يحب شعره من اكبر شعراء الجزيره واكثرهم جزاله تقبل تحياتي |
لا هنت يا البراق يا المبدع
قصة و قصيدة رائعة جدا تحياتي لك |
قصه وقصيده في قمة الروعه لشاعر أشهر من نار على علم... لا هنت أخوي البراق على طرحها هنا... النادره |
البراق
ولا زلت براق مثل ما عهدتك الله يرحم الشاعر الكبير بندر بن سرور لاهنت يا البراق اخوك ابو عبد الله |
مرحبا والله ومسهلا بكل من مر على الموضوع وسجل تعقيبه شاكر لكم جميعا على الإطراء الطيب وليس بمستغرب على أمثالكم تحياتي لكم ،،، |
لاهنت يالبراق على القصيده الي كنت ابحث عنها من فتره
وبيض الله وجهك يالبراق وصح لسان بن سرور وعز الله انه شاعر ومايستاهل الي صار له اخوك عبدالله الشكري |
صح لسانك يالبراق وانت صاحب الجديد
|
لاهنت اخوي االبراق على هذه القصة الرائعه والله يرحم ابن سرور تقبل تحياتي،، |
الشكري عماري دغش البطي حياكم الله جميع ومشكورين على المرور والتعقيب تحياتي ،،، |
الله لايهينك يا البراق على هالأختيار الرائع ... والله يرحم الشاعر بندر بن سرور .. |
الساعة الآن 03:37 AM
 |
Powered by vBulletin® Copyright ©2000 - 2025, Jelsoft Enterprises Ltd.
---