::: مـنتدى قبيلـة الـدواسـر الـرسمي ::: - نـرزق علـى النـيـات والـعـرق دســاس


	قـدّمـت يـسـر الله عـلـى قـولـة الـنــاس الـلـي تعاتبـنـي عـلـى ضـيـق صـــدري مالومـهـا لــو قـالـت الـنــاس حـســاس تحـكـم عـلـى الظـاهـر ولاهــي بـتــدري أحـدٍ كلامـه لـي عـلـى العـيـن والــراس صــادق وصـافـي لــي ولا قــلّ قـــدري وأحــدٍ كـلامـه لــي درر مـثـل الألـمـاس نصـايـحٍ تـرفـى عـلــى الـعــز جـــدري وأحـدٍ كلامـه لـي عـلـى قــب الافــراس عــدوْ تــوّ العـيـن يـــدري وأنـــا أدري وأحــدٍ كـلامـه لــي غــرور وتغـطـراس يضحـك بنـاب أبليـس والقـلـب غــدري وأحــدٍ كـلامـه لــي فـضـولـي وبـــلاس يـفـرح عـلـي ويـذيـع الاخـبـار بـــدري وأنــا عـلـى طـبـع وسجـيـه ونـومــاس مـاهـمـنـي حــاســـد ولا وجـــــه ودري نـرزق علـى النـيـات والـعـرق دســاس الـلــي عـــلا عـــلاّه والـحــدر حـــدري أمشـي وأنـا مـن ضيـم الايــام محـتـاس وأكـنـاه مــن خـوفــة هـــدور يـهــدري ضاقـت علـي وحـلـوق الاجــواد يـبّـاس جــار الـزمـان وتـالـي الـوقــت كـــدري ولا كـوانــي غـيــر مـدقــوق الألـعــاس الـلـي كـلامـه سـحـر والـطـرف خــدري قـدّمـت لــه قلـبـي عـلـى كــف قـرنـاس هـديـة المـغـرم مـعــا غـصــن ســـدري حب ووفاء وإخلاص وأشواق وإحساس لـلـي سـبــى عـقـلـي ولاكـنــه يـــدري! أقــفــى وخــلانـــي والاعـــــذار دُرّاس أضمـر بهـا مــن قـلـة الـعـرف غــدري طـاع الوشـاه وغـيّـره هــرج الانـجـاس والــيــوم لا عــنّــا ولا عــنــه نــــدري الشاعر عبدالله ابن شايع القحطاني