منـا الـولا والحـب والسـمـع والـطـوع=لملـوكـنـا حــكــام شــبــه الـجـزيــرره
ال السعـود الـي بهـا الطيـب مــزروع=اهـل الوفـاءوهـل السـيـوف الشطـيـره
أمـر يابـو متعـب وحنـا لــك اخـضـوع=وظــرب بـنـا جــم الـبـحـور الـغـزيـره
حـنـا سعـوديـيـن والـــراس مـرفــوع=مــن فـظـل ربـــي ماعلـيـنـا قـصـيـره
رجـالـنـا رجــــال مــاهــو بـتـصـبـوع=تـسـنـد عـلـيـه المعـظـلـه والـعـسـيـره
نجمـع عـرب بالطيـب ونفـرق جمـوع=لاجـاء نهـار(ن) فيـه قـبـس الذخـيـره
رجالـنـا ف الـحـرب تـقــول مـسـلـوع=ينـطـح طـوابـيـر الـجـيـوش المـغـيـره
يسهـر شهـر ولا سـنـه كنـهـا سـبـوع=ويـخـوظ غـبــات الأمـــور الخـطـيـره
لـديـن خــدام(ن) وعــن دارنــا دروع=ومــن لايـخـدم الـديـن مافـيـه غـيــره
تغـرب نجـوم الخلـق ونجومنـا طـلـوع=ورغم أنف الاعدى مواصلين المسيره
ولانلتفـت فـي كــل حـاقـد وصـرطـوع=تـكـرم نفسـنـا عــن عـفـان وعـثـيـره
لاجــا نـهـارن فـيـه فــارع ومـفــروع=الـــي زبـنــا بـعــون ربــــي نـجـيــره
بعض البشر من نعمـت العقـل منـزوع=يالله طـالــبــك الـعــفــاء والـسـتـيــره
واللـي بـلا عقـل القلـم عـنـه مـرفـوع=والله ولـيـه عـالـم(ن) فـــي مـصـيـره
هـذا وانـا مـن قـوم لـي اصـل وفـروع=وربعـي بنـي عمـي( سليـم )الشهـيـره

المشاركة الأصلية كتبت بواسطة راشد المسعري (المشاركة 212095) الله يبيض وجهك يالجبريني على هذه القصيدة الجزلة والنعم بك وبربعك " سليم " من عهد الصحابة إلى يومك هذا ولك مني أجمل الود والتقدير ،،،

المشاركة الأصلية كتبت بواسطة ابو زابن المسعري (المشاركة 212105) صح السانك وبيض الله وجهك قصيده كايفه ونعم بك وبربعك

المشاركة الأصلية كتبت بواسطة أبونواف الدوسري (المشاركة 212109) الله يبيض وجهك يالجبريني على هذه القصيدة الجزلة والنعم بك وبربعك " سليم " من عهد الصحابة إلى يومك هذا ولك مني أجمل الود والتقدير ،،،

المشاركة الأصلية كتبت بواسطة ابو لورنس (المشاركة 212268) والنعم يالغالي وقصيد حلوه وانا مالفت انتباهي الا عنوان الموضوع حنا سعوديين قلت وش عنده هالاخ مسوي نفسه سعودي وحنا عيال شغالات وناوي مقاشره بس اشوى دخلت ولقيت الموضوع قصيده هههههههههههه

المشاركة الأصلية كتبت بواسطة بنت الاشراف (المشاركة 212218) صح لسانك ولاهنت على القصيده الرائعه..