|
مطلوب يالنشاما
مطلوب قصيده
شاقني فعل الدواسر متيهة الغريب..... بصراحه دورتها هنا مالقيتها من كثر القصايد الله يزيد ويبارك. |
رد: مطلوب يالنشاما
؟
|
رد: مطلوب يالنشاما
|
رد: مطلوب يالنشاما
أخي سلطان بن دخيل الله
هذه القصيده للشاعر مرزوق المقاطي العتيبي ذكرها الأخ نايف بن مسرع ..مسئول العلاقات العامه في منتدي قصايد ومدح وفخر الدواسر بتاريخ 13/5/2007 في منتدانا العامر وهي: يسرني إهدائكم هذه القصيدة التي وصلتنا عن طريق الامير/ عبدالعزيز بن تركي بن سعود وهي للشاعر/ مروزق المقاطي العتيبي يشيد فيها بالموقف المشرف لقبيلة الدواسر الذين تسابقوا على تأمين مبلغة الـ ( 25000000) ريال ، فدية لابن عمهم الصخيبري الذي أعتقه الله ثم وقفة الأبطال المشرفة ......... فإليكموها : (( صدق ياطيب الدواسر وطيب سلومها )) شاقني فعل الدواسر متيهة الغريب=لابةٍ تاصل الكايدة بعزومها صاح ابن عواد فيهم وعيّن له مجيب=غاليٍ ذكره والارقاب غالٍ سومها يوم جا ينقل صوابه من الدنيا صويب=والليال السود ترخي عليه كمومها قايمٍ في الدم والدم موضوعٍ صعيب=ناشفٍ ريقه ونفسه تزيد همومها ماوراه إلا أملحٍ يبتر العظم الصليب=والخصوم النايبة ما تحن خصومها انتخى: يالابتي يا منزحة الحريب=وادركوا عشرين مليون ثاني يومها موقفٍ غصاب يخلص طليبٍ من طليب=صدق ياطيب الدواسر وطيب سلومها يكتب التاريخ وتجف محبرة الاديب=ولو تجف المحبرة والقلم مالومها والله لاني ولـْد عمه ولاني له قريب=مير وقفات النشاما تجيك علومها دون نقصٍ فالقبايل بلاشكٍ وريب=القبايل ماحدن يقدر يغط سهومها كل قومٍ لهم فالمرجلة قسم ونصيب=وانا من قومٍ خيار القسوم قسومها أتمني أني وفقت أرجو السموحه من أخي نايف بن مسرع أخوكم أبو نواف الدوسري |
رد: مطلوب يالنشاما
الاخ العزيز سلطان بن دخيل الله سبقني نايف الله يبيض وجهه ولا اتشرف بخدمتك طال عمرك اخوووك ابو زابن |
رد: مطلوب يالنشاما
بسم الله الرحمن الرحيم
اخواني نايف الخييلي ابونواف ابوزابن المسعري الله يرحم والدينا ووالديكم من عذاب لنار ولا يهينكم ويبيض وجيهكم على فزعتكم ولاهي غريبه عليكم ياطوال العمــــــار محبكم في الله والله يشهد على ذلك:سلطان ابن دخيل الله الشكره |
رد: مطلوب يالنشاما
شاقني فعل الدواسر متيهة الغريب=لابةٍ تاصل الكايدة بعزومها صاح ابن عواد فيهم وعيّن له مجيب=غاليٍ ذكره والارقاب غالٍ سومها يوم جا ينقل صوابه من الدنيا صويب=والليال السود ترخي عليه كمومها قايمٍ في الدم والدم موضوعٍ صعيب=ناشفٍ ريقه ونفسه تزيد همومها ماوراه إلا أملحٍ يبتر العظم الصليب=والخصوم النايبة ما تحن خصومها انتخى: يالابتي يا منزحة الحريب=وادركوا عشرين مليون ثاني يومها موقفٍ غصاب يخلص طليبٍ من طليب=صدق ياطيب الدواسر وطيب سلومها يكتب التاريخ وتجف محبرة الاديب=ولو تجف المحبرة والقلم مالومها والله لاني ولـْد عمه ولاني له قريب=مير وقفات النشاما تجيك علومها دون نقصٍ فالقبايل بلاشكٍ وريب=القبايل ماحدن يقدر يغط سهومها كل قومٍ لهم فالمرجلة قسم ونصيب=وانا من قومٍ خيار القسوم قسومها وتقبل تحياتي أخوك/سلمان بن فارس بن قويد |
الساعة الآن 09:59 PM
 |
Powered by vBulletin® Copyright ©2000 - 2025, Jelsoft Enterprises Ltd.
---