1 الى اقبل ظلام الليل واقفى شعاع النـور=تدنيت جمس كامل الوصـف بوصوفـه
2 على غاية الركاب لا من عطـاه الجـور=سوات الفريد اللي عطى الربع من خوفه
3 يفـز وينـز وراكبـه دايـم مـسـرور=جديـد وعنيـد راكبـه ماحـد يطوفـه
4 يبي حزة المقيال فـي مجلـس مخبـور=وسيع الرباع اللي تباشـر بـه ضيوفـه
5 مقر النشامى واشقر البـن فيـه يـدور=وراعيه ماحسـب خسـارات مصروفـه
6 على نفقة الفصـام ذبـاح جـل الخـور=يعشي عشـا العشـرة ثلاثيـن مردوفـه
7 جزيل العطا فوق الوطا مشكل ومنعـور=خذا الجود ابو فهـاد بافعـال معروفـه
8 عليه الثنا مـردود مـن شاعـر مامـور=الى قال قـول مـاورا قولـه حسوفـه
9 على الصدق والبرهان حاشى نقول الزور=ونفسي ترى ماهي على الزور مكلوفـه
10 احب المدايح في هل المـدح بالمقـدور=واحب الامور تصيـر حـرة ومكشوفـه
11 عسى الله يخيب حظ رجل يغـط النـور=ويبـذر بـه المعـروف ماكنـه يشوفـه
12 تروح العمار وتنقضي والصدور = تفـوروكم واحـد يحـذف ولاشـاف حاذوفـه
13 ولاشك من يرقى العلا مايـروح حـدور=يعليـه فعلـه والشياطـيـن مكتـوفـه
14 مشينا وشرفنـا علـى عاليـات القـور=وشفنا حـرار فـي حجـا راس نفنوفـه
15 يسير القدم بالشف والعيـن لـه سابـور=وكـل علـى هجسـه يسوقنـه شفوفـه
16 أحب أمدح المشكل على فعله المذكـور=عريب الجدود اللي تقوى بـه ضعوفـه
17 وياكاتب الحسنى على صفحة المنشـور=حسانيـك يـا الفصـام بالبـر مخلوفـه
18 بذرت الجميل وناشنـا طيبـك المبـذور=لحقنا الربيع وصارت الـدار مصيوفـه