::: مـنتدى قبيلـة الـدواسـر الـرسمي ::: - قصيدة للشاعر ناصر السعيد المسعري الدوسري في بلده جلاجل

- :: قسم الـشعر العــام :: (http://alduwaser.org/vb/forumdisplay.php?f=16)

قصيدة للشاعر ناصر السعيد المسعري الدوسري في بلده جلاجل

عروس شعري

يا بنت ياللي تدعي القلـب يهتـز
........ قلبي رهيف أدنـاة شـي يهـزه
خذ وصفها وصفٍ دقيق وموجـز
........ من زينها قلـب المولّـع تجـزه
عروس شعري يا جماعه تركـز
........ والرابح اللي تنتحي لـه بركـزه
قولي هلا من خاطرٍ بالفرح حـز
........ يا مرحبـا بضيوفنـا كـل حـزه
سلام أحلى من خـلاص المبـرز
....... وأزهى من زهور نمت حول برزه
يا مرحبا عـد الطهـا لا تلزلـز
....... يا زين نثره بالسماء وزين لـزه
بعـد التحيـة والكـلام الممزمـز
....... لابد لي مع مرتـع الجـود مـزه
دار لنا بسديـر يـا علهـا العـز
....... في ظل حكم بالرقـي زاد عـزه
ياللي تريـد الطايلـه لا تعيجـز
....... ما يطلع الرجـال لازاد عجـزه
عروس شعري تبغي اللي إلا فـز
....... يبين فعلـه فـي ديـاري وفـزه
اللي فعولـه دوم بالعيـن تنخـز
....... أوضح من أم عنيق قل ضلع خزه
ترى الفتى ما هوب بالهرج يرتز
....... طيبـه وجـوده والفعايـل تـرزه
أحذر يهبط همتـك مـن تطنـز
....... حقود قلبٍ لا هـذر فيـه طنـزه
لامن تكابـر مجلـس قـام ينبـز
....... ما يدري أن العيب والعار نبـزه
الضلع مدهال النشامـا إلـى نـز
........ ولا خير في ضلـع جفانـا بنـزه
والخاتمة صلوا على محطم الرجز
........ مقاتـل الكافـر علشـان رجـزه

ناصر السعيد المسعري الدوسري
جلاجل