::: مـنتدى قبيلـة الـدواسـر الـرسمي ::: - تدري وش اللي يجرح القلب جرحين >>>>>>>>>>>

تدري وش اللي يجرح القلب جرحين >>>>>>>>>>>

--------------------------------------------------------------------------------

قصيده معاناة يتيم والله أنها خنقتني العبره
الله مع كل اليتيم إن شاء الله والله يعوضهم

تدري وش اللي يجرح القلب جرحين
ويمد حبل الحزن فيك ويشده
أنك تناظر طفل من غير أبوين
يمشي ودمعه سايل فوق خده
منظر صعيب ويقسم القلب قسمين
لا قام يمسح دمعة بكف يده
يمشي ولايدري طريقه على وين
لين التعب من كثر ماتاه هده
اثقل حروف يشيلها فيه حرفين
لا أب يدريبه ولا أم ترده
في خطوته رحله ودمعة وسكين
وخط توسد بالمراسي مخده
جيت أسأله بالله قلي ولد مين
وبغى يجاوب واختنق صوت رده
أنا يتيم ومالدربي عناوين
وجزر الحزن فيني يساوي لمده
وطعم الطفوله ماعرفته لها لحين
وثوب السعاده صرت ماني بقده
أبكي الى من شفت غيري سعيدين
لين البكا فيني يوصل لحده
وأقفي ورحت أمسح دموعي من العين
وعيني تناظر دمعتة فوق خده
وهذا اللي يجرح القلب جرحين
ويمد حبل الحزن غصب ويشده

حبيت انقلها لأن بها من الاحزان ما يكفي

اليتيم وما أدراك ما اليتيم

منقوله مع التحيه للجميع
__________________