::: مـنتدى قبيلـة الـدواسـر الـرسمي ::: - ضمن أمسيات مهرجان صيف الشرقية 2007 .. سعد آل بريك : شف البنقال يامال الوجع ويحل بالبن

ضمن أمسيات مهرجان صيف الشرقية 2007 .. سعد آل بريك : شف البنقال يامال الوجع ويحل بالبنقال

تغطيه ومتابعه / حسن مسرع الدوسري
ضمن أمسيات مهرجان صيف الشرقية 2007 والتي تنظمها صحيفة زوايا شعبية أقيمت مساء يوم السبت الماضي الأمسية الشعرية الثالثة وذلك على مسرح الغرفة التجارية بالدمام ، أحياها كلاً من الشاعر عبدالله بن راجس والشاعر والاعلامي سعد ال بريك والشاعر فالح بن قشعم وقدم الأمسية نادر بن جخير وبحضور الأمير سلطان بن سعود بن محمد والشيخ احمد الخليفة من مملكة البحرين الشقيقة وعدد من رجال الاعمال يتقدمهم الشيح مبارك السويكت والشيخ ابراهيم السويكت والشيخ مشاري الجميح وكذلك عدد من الشعراء في مقدمتهم الشاعر / حاكم مشعل المعلا والشاعر سلطان الهاجري والشاعر لبنان الدوسري وضيوف ومتذوقي ومحبي الشعر وقد امتلئت مدرجات المسرح بالجماهير وقد تفاعل الحضور مع قصائد الشعراء .

مشاهدات من الأمسية :
تفاعل الحضور جداً مع قصيدة الشاعر والاعلامي سعد آل بريك والذي ناشد بها خادم الحرمين الشرفين الملك عبدالله بن عبدالعزيز ال سعود حيث قال ( وهبنا الله أولاً بالإسلام وثانياً بقيادة حكيمة واعية تطبق شرع الله من كتاب وسنة.ومن هبات الله علينا في هذا الوطن الذي ينعم بالأمن والأمان أن ولى علينا من يخاف الله فينا ويتقية .. خادم الحرمين الشريفين الملك عبدالله الذي ما أن تولى مقاليد الحكم في البلاد حتى حرك عجلة الإصلاح وطالب الجميع بالشفافية وقول الحقيقة ليتسنى له محاربة الفساد ورفع الضلم عن العباد فجاءت هذه القصيدة من مواطن مخلص لدينه ووطنه ومليكه كما هي بدون رتوش) :

يابومتعب طلبت من الشعب يصدق معك لا قال = وانا بصدق وبصرح عن أهل الظلم وأربابه
أنا واحد من أبناء الوطن غصبن على الجهال = لزوم إن انحارب مـن يغـط الحـق وكـتابه
يابومتعب ترا بعض العلوم الي تصير طوال = ولكن عدلكم يا سيدي ما خاب طلابه
تراك أنته عمر هذا الزمان وسيد العدال = وانا في وجهك من الريس الي حرك أحزابه
هناك اقزام تحسب نفسها في مرتبة الأبطال = تسموا بك وتبطش في بلدنا سرق ونهابه
شف البنقال يامال الوجع ويحل بالبنقال = عثت فينا فساد وساقت المنكر وتسعابه
ولا نقدر نسوي شي والله عالم بالحال = غدوا كنهم هم اهل للوطن في غفلة اصحابه
يابومتعب جعلني فدوتك والناس تبغي مال = غلت كل البضايع والمراقب ما نطق جابه
لعب فينا الغني الي سبق اسمه (رجل أعمال) = غدينا لعبتن عنده وبالغصب انجبرنابه
يقولون التسعود والتسعود كذبتن تنقال = وتلقى المنشأة مليانه بكومار وقرابه
وبنكون حاست الشعب وعليها شدت الأغلال = ترا حتى المعاش الي يجينا ما نتهنابه
مبلا تجني الأرباح من راتب فقير الحال = يحسب له متى ينزل عشان يسد طلابه
نبي وقفت جنابك وقفتن تهتز منها جبال = ونبي فزعتك من جور الغريب الي مكن نابه
انا داخل على الله ثم عليك انك تسر البال = ياليتك تشفي جروح الزمان الي هقينابه
وشعبك ترجي الآمال في وقت غدت الآمال = ولكنك يابومتعب كفو للسيف ونصابه
جعلنا ما نذوق الحزن في فقدك يا راس المال = لأن الي مثل شرواك درع ونتعزوابه

1
2
3
4
5
6
7
8
9
10
11
12
13
14
15
16 يابومتعب طلبت من الشعب يصدق معك لا قال وانا بصدق وبصرح عن أهل الظلـم وأربابـه
أنا واحد من أبناء الوطن غصبن على الجهـال لزوم إن انحارب مـن يغـط الحـق وكتابـه
يابومتعب ترا بعض العلوم الي تصير طـوال ولكن عدلكم يـا سيـدي مـا خـاب طلابـه
تراك أنته عمر هذا الزمـان وسيـد العـدال وانا في وجهك من الريس الي حرك أحزابـه
هناك اقزام تحسب نفسها في مرتبة الأبطـال تسموا بك وتبطش في بلدنـا سـرق ونهابـه
شف البنقال يامـال الوجـع ويحـل بالبنقـال عثت فينا فسـاد وساقـت المنكـر وتسعابـه
ولا نقدر نسـوي شـي والله عالـم بالحـال غدوا كنهم هم اهل للوطن في غفلة اصحابـه
يابومتعب جعلني فدوتك والناس تبغـي مـال غلت كل البضايع والمراقب ما نطـق جابـه
لعب فينا الغني الي سبق اسمه (رجل أعمال) غدينـا لعبتـن عنـده وبالغصـب انجبرنابـه
يقولون التسعـود والتسعـود كذبتـن تنقـال وتلقـى المنشـأة مليانـه بكومـار وقـرابـه
وبنكون حاست الشعب وعليها شدت الأغـلال ترا حتى المعـاش الـي يجينـا مـا نتهنابـه
مبلا تجني الأرباح من راتـب فقيـر الحـال يحسب له متى ينـزل عشـان يسـد طلابـه
نبي وقفت جنابك وقفتن تهتـز منهـا جبـال ونبي فزعتك من جور الغريب الي مكن نابـه
انا داخل على الله ثم عليك انـك تسـر البـال ياليتك تشفي جـروح الزمـان الـي هقينابـه
وشعبك ترجي الآمال في وقت غدت الآمـال ولكنـك يابومتعـب كفـو للسيـف ونصابـه
جعلنا ما نذوق الحزن في فقدك يا راس المال لأن الـي مثـل شـرواك درع ونتعـزوابـه