يا جاهل رح انشـد اليـوم عنـا = وقل قالها نفجاني ماخذ بالاسبـاب
واحسبي الله يوم علمٍ لفنّا = قد ضيق الخاطر مع العلم بإسهاب
و يا كبرها وشلون ( ... ) جهلنا = حيثه يفاخر بالتعنصر والاحزاب
وعن سفيه القول ما قد شحنا = علم لفانا وما حسبنا له حساب
وعن الردي في هرجته ما زعلنا = ولا الردى مع الفشيلة له احباب
ناسٍ على القالات حنا وحنا = ولا جيت بيته صك من دونه الباب
يا بو سعد في ظهورنا ينهشنّا = ولا قاموا عندي ( ... ........)
مير البلا من ناس دوم اتغبنّا = لا صد سبك ويوم يقبل ترّحاب
يبي المفارق مير منا وحنا = تاج على راسه وتووجٍ للاصحاب
مانيب ابلايمه ولا يستجنّا = من كبر عيبه صار ما عاد ينعاب
خذنا المراجل والردى له جعلنا = آلاد مرشد هم عريبين الانساب
ااايه اغرره وعدواننـا مـا تهنـا = حنا هل السيف الذي ماله جـراب
وللسيوف بكفوفنـا صـوت حنّـا = والقوم من صفق المخابيط هـرّاب
حن ترثة جُميلة مروين الأسنا = افعالنا بالهوش والى شب شبّاب
كم ديرةٍ قد دمرت من سببنا = وعدواننا بنجيه بشلفٍ وحرّاب
وديارنا فوق المعالي تبنّا = واللي بغاها امصيره مدفون بتراب
دواسـرٍ ذي لابتـي وماتـونـا = تسمع عزاويها والى صاح مرقاب
وجيـه قـومٍ مطلقيـن الأعـنـا = فوق المهار ويصبح الدم سكـاب
الى غزينـا غـزوةٍ مـا هِزمنـا = والى غزانا قومٍ اليوم قـد خـاب
الـى حكينـا قولنـا فـي فعلنـا = والى فعلنا فعلنا الهـوش يرتـاب
الى عدينـا افطرقـةٍ مـا جِهلنـا = اهتزت اراضيها مع جبال واهضاب
واللي نخانـا كلنـا لـه فزعنـا = لاد الغريـري للمّـروات كِسـاب
حنا مع الرفيـق وعلـى ماتمنـا = الا الردى في حين تحكمه الاسباب
متوارثين الطيـب وحتـى ولدنـا = يفوح ريح الطيب منه بالاطيـاب
يا جاهلٍ يا سِعدنـا ويـا سعدنـا = حتى الولد منا هو فكاك الانشـاب
فينا الكريم والطيـب فينـا وحنـا = فينا الشجاع وفينا قطاع الارقـاب
ويا جاهلٍ رح انشد اليـوم عنـا = يقولها بن غرير عمى عين حرّاب