يقول من عدَّى على نايف الحيد = شم الصقور اللي رفيعٍ وكايد
أشرفت به وبخاطري شيٍّ يزيد = ما اريد ابوحه للوجيه اللدايد
شيٍّ مضايقني على غير ما اريد =والله يحل المعضلات الكوايد
من لابةٍ عند اللوازم مواريد = يِردون لو الموت بالجمع كايد
من دون قومي نايفات الجراهيد(1) = جنوب بالوادي هم أولاد زايد
لا صحت تنخاهم يجونك أواليد = بحد السيوف اللي تقص الورايد
دخيلهم حموه وقت اللغاديد(2) = يوم الشريف أرسل وراه الطّرايد
أرسل وراه جيوش غطت سما البيد = غطّت سما البيد اجموع وفرايد
صدُّوهم اربوعي على شِمَّخ النيد(3)= أولاد زايد بالملاقى زوايد
مادمت في عِطيا وربعي مسانيد = وكلٍ على ربعه يعد الوكايد
إن جيت أعدد من اخصال الاجاويد = ما تاخذه صفحات كل الجرايد
تمت وصلوا على ماناح بالغيد(4)= على النبي اعداد خضر الجرايد