البارحه من كثرة الهم محــــزون =علم لفانى زاد همي عليـــــه
يامن يعلمنى عن الراى وشلـــــــون = أشرح قضيه للوجيه الرضيـــــه
عندى عجايز تالى الليل يشكـــــــون =يرجون رب البيت جزل العطيــه
من صوتهن كن أسفل القلب مطعون = والعين مانامت ولالى دعيـــــه
وعيالهن فى ضلمة الليل يبكــــــون = ياناس وين أهل الكرم والحميه
نادو بعالى الصوت ياناس تكفــــــون = يامن تجون الشهم حام الونيـه
نخص شيخ الشمل حذراء تتيهـــون = زعيم قوم ماتهاب المــــنيـــه
شيخ لصعبات المواجيب ممنــــــون = من نسل بدران عليه التحيــه
عبدالعزيز اللى له الناس يثنــــــون = وقاه ربى كل شر وبليــــــه
ساعه وصوله ياالنشاماء تقولــــون = سلام ياللى مايخلى خويــــه
الملك ضاع ولابة لى يشوفـــــــون = ميز عليه الصك يأهل الحميه
والله مايذكر علينا يتمـــــــــــــــون =ولى عزوة ماله بنجد سويـــه
ربعى مقابيس الوغى كان تدرون = لا شب نار الحرب نكتب وصيه
يالله عسى ربعى علينا يحنــون = يالخالق المعبود رب البريـــــه
وصلاة ربى عد جمع يصلـــــون = على نبي الاسرة الهاشميه