يا ونتي ونة خلوج من النوق=على ولدها بالتهاليك معتاق
اقفوا بها ربع مع كل خنتوق=وقامت تلفت للحوير بالاشفاق
قامت تصعفق بين صافي ومصفوق=واحفاه من ضرب العصا كل مرهاق
من أول تقطف ثمر كل زملوق=واليوم صانعه خبيثات الأوفاق
جسمه مثل جسمي من الحال مسروق=يشدي لغصن يبست منه الاوراق
أهي تعرضها لوابيث وصفوق=فرقا ولدها من خبيثات الأوفاق
وانا تعرض لي من الناس مخلوق=حش الضمير وزاد قلبي بالاحراق
هليت دمع العين واخفيت انا الموق=ومن دمعها الصافي على حجرها راق
على وليف زيد القلب بفتوق=اختف عقلي يوم نو بالافراق
سقيم عقبه ما تطعمت بالذوق=قفا وعرضني خبيثات الأطراق
غض النهد زين التعازيل منتوق=ما شفت أنا غيره على غايتي لاق
سبحان مسويها على كل مخلوق=من مركز القبله إلى سيف الاشراق
شفت الشعر دانق من العنق مفهوق=متفرع من مارق العنق دلاق
زاف على زاف من المتن مفروق=غاش ردوفه شافه القلب واشتاق
ياما حلا شك القلايد على الطوق=وخدود يوضن في حسينات الارناق
خده كما برق ليا ناض بشعوق=غرو على قلبي وعقلي معه تاق
والياطرى لي تاق قلبي وانا اتوق=والا لغير الشوق مانيب عشاق
اصفر عفر يعطي من الورس برموق=على حسن ما راق ما هيب مبهاق
لكن عليها الورس والمسك مدفوق=ولون كما شاش تماراه بالساق
خواصر هباع من ردفها فوق=وخصر كما الخاتم به السير خفاق
لكن رماش العين لا غضت عن الموق=ريش النعام اللي بالاجناح خفاق
كن العسل في مبسم العذب مذلوق=بالهجس والا راعي القيل ما ذاق
ادوج وسط الناس من غير معلوق=كني قريص فيه سم الحنش ساق
لا حول حل بداخل القلب ساروق=كني سوى شراب خمر وترياق
معجم ما أعلم من القيل منطوق=باسباب خود صار للقلب سراق
يا طارد بدماي لا تقبل السوق=أخذ القضا من واحد بالعهد باق
ختم الجواب وخاتم القيل داروق=وين انت يا اللي ما تجي لي بالوفاق

المشاركة الأصلية كتبت بواسطة عبدالرحمن الشرافي (المشاركة 160530) عزتي له اخوي/ صالح الجعيدي الله يعطيك العافيه ويبيض وجهك وجعلنا مانخلا منك يالقرم وجعلك الله ذخر للمنتدى يالغالي قصة جميلة وقصيدة جزلة تحياتي

المشاركة الأصلية كتبت بواسطة أبونواف الدوسري (المشاركة 160539) الأخ صالح الجعيدي الله يكون في عونه قصه جميله وقصيده جزله سلمت يداك بما خطت وعساك علي القوه مع تحيات وتقدير أخوك أبو نواف الدوسري

المشاركة الأصلية كتبت بواسطة sultanalwadi (المشاركة 160595) بيض الله وجهك يا صالح قصة جميلة والقصيدة أجمل وأجمل ما في الموضوع إنك كاتبه

المشاركة الأصلية كتبت بواسطة ولد السلاطين (المشاركة 160713) الاخ : صالح الجعيدي بيض الله وجهك على هذي القصه الرئعه والقصيده الجزله وننتظر جديدك وابداعاتك وتقبل ودي لشخصك الكريم ::

المشاركة الأصلية كتبت بواسطة سالم بن صمهود (المشاركة 161159) الاخ / صالح الجعيدي لاهنت على نقل القصه مع قصيدتها قصه محزنه الله يخلف عليه بالجنه ولا المره راحت عليه وهذي عوايدهن اذكرابيات لشاعر لايحضرني اسمه الان يقول. ياحسن ودي بقربك وديبـــــه = واستوى عندي مراحي ومقعادي هي تقول ابغيك والقلب مدريبه= والعذارى مايدانن الابعــــادي

المشاركة الأصلية كتبت بواسطة صقر العرب (المشاركة 165204) خــــــــــــــــــــــــالص التقدير والشكر على ايرد قصة وقصيدة جزلة فعلا تسلم يمينك ننتظر الجديد