بسم الله ابداء وآتعوذ من ابليس=ويمر في فكري نوادر حواسه
واشعل فتيل الشعر ذبلة فوانيس=وآشد بيت الشعر ويهز راسه
ماهمني ضحك الوجيه المعابيس=الكفو مثلي يشهره عرق ساسه
شاعر وامثّل لابتي يالقرانيس=ماني بمثل اللي يحب اقتباسه
شاعر يميّزني كثير النواميس=مارحت ادوّر للشعر خلف طاسه
الى بغيت اكتب تضخ الهواجيس=تارد علي من هيبتي في حماسه
لا نيبب متنبي ولاني ولد قيس=لكن جدّي من زحول الفراسه
آقدّر الطيّب بعيد المراميس=لو هو بعيد الجد ومنزح بناسه
اللي جهوده للنشامى محاريس=وهرج ٍ بلا معنى يجنب مداسه
وطيب النوايا مارضخ للوساويس=يكفيه ثنتين الثقه والمراسه
وإلاّ انت ياللي من هواة المراويس=لامرجله لا شعر ولامن دراسه
بعض العرب بعد التجارب طلع تيس=والظاهر ان ربعه تحب انتكاسه
تعيس عايش في مغبة متاعيس=ومثله يموت وحالته في تعاسه
ودي بشوف الخود لو هن عوانيس=آخير من جلسة رفيق الدناسه
اللي عيونه للمراجل عواميس=نظرة ردى يشهد عليها مقاسه
ماقلت كل الناس لكن تضاريس=ومن شيء بالعينين شفت انغماسه
ناس ٍ على ماقيل مثل النسانيس=يمشوا على وجهين ضحك وشراسه
وناس ٍ لنا قدوة على خير تأسيس=صار المثل فيهم على قوّ باسه
يستاهلون المدح لو هم مفاليس=ولا الردي تاجر وبايع نحاسه
واجب علي في ذكرهم العن ابليس=مادام جدّي من زحول الفراسه

المشاركة الأصلية كتبت بواسطة خلف الدوسري (المشاركة 157967) إبـداااع صالح الجعيدي آبيـاااتـ .. رااائـعه صح .. ذوقـك .. وفكرك على هذا .. الإنتقـاااء .. الممـيز والحضور.. الجميل تحيتي لك خلف الدوسري

المشاركة الأصلية كتبت بواسطة الرجباني 2 (المشاركة 157973) إبـداااع صالح الجعيدي آبيـاااتـ .. رااائـعه صح .. ذوقـك .. وفكرك على هذا .. الإنتقـاااء .. الممـيز والحضور.. الجميل تحيتي لك الرجباني2

المشاركة الأصلية كتبت بواسطة أبونواف الدوسري (المشاركة 157980) الأخ صالح الجعيدي لا هنت علي نقل هذه القصيده . وصح لسان الشاعر ناصر الجعيدي. أخوك أبو نواف الدوسري.

المشاركة الأصلية كتبت بواسطة شوق2 (المشاركة 157983) واشعل فتيل الشعر ذبلـة فوانيـس=وآشد بيت الشعـر ويهـز راسـه ماهمني ضحك الوجيـه المعابيـس=الكفو مثلي يشهره عـرق ساسـه شاعر وامثّـل لابتـي يالقرانيـس=ماني بمثل اللـي يحـب اقتباسـه شاعر يميّزنـي كثيـر النواميـس=مارحت ادوّر للشعر خلـف طاسـه الى بغيت اكتب تضـخ الهواجيـس=تارد علي من هيبتي فـي حماسـه لا نيبب متنبي ولاني ولـد قيـس=لكن جدّي مـن زحـول الفراسـه بيض الله وجهك يامشرفنا المميز على الاختيار الجزل0 وعسىىىىىىىىى يمينك مايجيها العطب0 قصيده جميله 0 صح السااااااااان شاعرها ملاااااااااااايين0 مشكووووووووور يالقرم ولك وافر التقدير وعظيم الامتنان

المشاركة الأصلية كتبت بواسطة العضوالمنتدب (المشاركة 158265) ابداااااااع يامجـــــرم ولاهو غريب عليك الذوق الراقي وناصر مبدع بلا حدووووووود