::: مـنتدى قبيلـة الـدواسـر الـرسمي ::: - هباس وبنت عمه شف حلفه وش سوى بنت عمه (قصه وقصيده)

- :: قسم قصــه و قـصيــده :: (http://alduwaser.org/vb/forumdisplay.php?f=19)

هباس وبنت عمه شف حلفه وش سوى بنت عمه (قصه وقصيده)

السلام عليكم ورحمة الله وبركاته ،،
- منقول - بداية القصه عن وحده من اهل المنطقه الشماليه

كانت بدويه تسرح عند إبل اهلها وتقابل لها واحد دايما وتحبه ويحبها حب عفيف وكان يخطط على خطبتها بس العايق الوحيد ان واحد من عيال عمها حاجرها وحالف ان قرنها الاشقر ما يلتوي الا على يمينه واللي يحبها مهوب من جماعتها....

وفي يوم من الايام يوم رجعت من الابل لقت في جنب بيتهم ( بيت الشعر ) بيت جديد مبني ...

سألت امها عن البيت من هو له ...

قالت لها امها ان ذا بيتها هي وهباس ( اسم ولد عمها ) ...

قالت لأمها انها تحب واحد وحالفه انها ما تزوج الا هو قالت امها هباس في بيت ابوه روحي واطلبيه يفك الحجر عنك وتعوذي منه يمكن يفك يهون عنك ....

راحت له البنت ولقت عنده رجال ودخلت عليهم ... وقالت اني طالبتك بوجيه الرجال اللي عندك انك تتركني في سبيلي" ما ابيك " ....

ضحك وقال انا قايل ان ها القرن الاشقر والله ما يلتوي الا على ذراعي حيه والا ميته ...

رجعت للبيت وجهزت السم وراحت به لأمها .... وقالت لها اللي صار معها ...وقالت انا حالفه انه ما ياخذني وشربت السم .....

مااااااااتتتتتتتتتت

هباس ولد عم البنت قبل ما يدفنونها طلع قرنها ولواه على يمينه وهي ميته ومن شدة الفقر ما كفنوها وادفنوها بملابسها ... وقال هباس يميني ووفيت بها ...

ويوم ماتت أهلها ما لقوا احد يسرح عند ابلهم واستأجروا واحد من عيال جيرانهم يسرح عند الابل وكان الولد صغير سن ...

"حبيبها" صار يتردد على ابلها ويلقى الولد .. سأل ولد وين البنت اللي كانت تسرح عند الابل .. سأله الولد ليه تسال ... قال لاني مضيع لي ابل ويذكرون ان فيه بنت جتها الابل وطردها وابي أسألها عنها وين طردتها ... قال الولد البنت يقولون انها شربت سم وماتت ...

ما صدق قال في نفسه أكيد ان احد شافني معها وردوها لا تسرح ... وقالوا للولد إذا سأل عنها احد قل انها شربت سم وماتت ....

قال حبيبها احسن لي ارسل قصيده لواحد من ربعها اللي امون عليهم واسأله وش صار بالضبط ...

قال يا ولد تعرف واحد اسمه منير قال الولد أعرفه قال انا بعطيك رساله وصلها له واذا قراها ارجع برساله منه .. قال الولد هاتها ...

استلم منير الرساله و هو يقول فيها :

يا منير ما جاكم عن الترف ذكار=صحيح وان صخيف الروح غادي
صحيح والا نطلبلـة علـم قمـار=او جا عنه راع العلوم الوكـادي
وكنك ضربت الكبد نطحٍ بمسمار=من يوم قيل الموت للترف صادي
وانس على كبد كما حر مخطـار=شي جرا جاء للبـلا مـن فـوادي
ودك لوالدنيا تصنـت للاشـوار=والموت ياتي لـه نذيـرٍ ينـادي

يوم قرا منير القصيده .. ما كان يدري عن اللي ارسل له من كان يحب بس قال اكيد ان اخر من مات اللي شربت السم وانه كان يقصدها ورد عليه يقول...

صحيح ماهي نطلبلـة علـم قمـار=وانا عنـه راع العلـوم الوكـادي
دنياك هذي ما تصنـت للاشـوا ر=تضرب على مشهات نفسه عنـادي
لوشاورتنا كان ما حق مـا صـار=نفدي بناسٍ عـن ظبـي الحمـادي
ياحيف ياعضودٍ كما وصف جمار=يودعهـن القبـر المهبـا سمـادي
ونهود حدر الجيب غضات الاثمار=والـدود ياكـل مغتـرات الثنـادي
وشقرٍ ضفرهن طولهن خمسة اشبار=يعبا لهن غير الرشـوش الزبـادي
وياحيف ياهبـاس للتـرف قبـار=هبس قرونه عقب ما هـن بعـادي

وسلامتكم ،، منقول ،،
مع خالص التحية و الاحترام.