تسوقنا الدنيـا علـى غيـر مشهـاه=وتحدنـا الاشغـال مـنـا ومـنـا
عن صاحبٍ رغم البطـا مانسينـاه=لو راحـت ايـام السنـه مااتصلنـا
ياصاحبي ياطيّب الصيـت والجـاه=العفـو منكـم والمعـاذيـر مـنّـا
حنـا بذلنـا جهدنـا اللـي قدرنـاه=ولاجت لنـا الدنيـا علـى مانتمنـا
اليا اعترض سيلٍ صغير وقطعنـاه=لاعقبـه السيـل الكبـيـر يتثـنّـا
ولاترانـا صاحـب الجنـب نرفـاه=ماتنقّـل لـه هرجـة الشيـن عنّـا
نضيق من ضيقه ونرضى من رضاه=ولانعـده غـيـر رجّــال مـنّـا
طبعٍ لنا مـن روس اهلنـا ورثنـاه=وبنمـوت ماماتـت مذاخيـر اهلنـا
من يستحق مواصل الطيـب نرعـاه=ونواصلـه حتـى ولـو ماوصلنـا
نقـدّر ظروفـه وندمـح خطـايـاه=ونجاملـه ليـن يتـفـرّق ظعـنـا
اليا اتصـل لابـد نضحـك محيـاه=ونذكّـره بالطيـب كنـتـم وكـنـا
واليا انقطع من قوّ ظرفـه عذرنـاه=مانشغلـه ونقـول حـنـا وحـنـا
نبـا اليامنـا خطـانـا ارتكبـنـاه=وقفّـت بنـا دنيـا الشقـا ماذهنّـا
نجيـه باعـذار الوجيـه المسـمّّـاه=ونقـول كـلٍ مـن ظروفـه معنّـا
ويقول معذوريـن والجـاه بالجـاه=ليـن يتقـرّب شامنـا مـن يمـنـا
شرواك يامن تكسب الطيـب يمنـاه=ياصاحـبٍ منـه المشاريـه جـنّـا
قل اتصالي حدّ قلبـه علـى اقصـاه=وغلاه نـادى هاجسـي لـه وغنّـا

من يستحق مواصل الطيب نرعـاه= ونواصلـه حتـى ولـو ماوصلنـا
نقـدّر ظروفـه وندمـح خطايـاه= ونجاملـه ليـن يتفـرّق ظعـنـا

المشاركة الأصلية كتبت بواسطة خلف الدوسري (المشاركة 156175) من يستحق مواصل الطيب نرعـاه ونواصلـه حتـى ولـو ماوصلنـا نقـدّر ظروفـه وندمـح خطايـاه ونجاملـه ليـن يتفـرّق ظعـنـا كلمـااات .. رااائـعه .. من رااائـع المشرف القدير // صالح الجعيدي تسلم الآيـادي على إختـيااارك .. الراااقـي .. بـ رقـي .. تواااجـدك .. الجمـيل ما ننحرم .. منك ولا من .. عطـاااءك .. الممـيز لك الود خلف الدوسري

المشاركة الأصلية كتبت بواسطة خاطر محمد الخاطر (المشاركة 156258) السلام عليكم ورحمة الله ,,,, بيض الله وجهك يالجعيدي والله اني استانس لي شفت مشاركه باسمك لاني خابرك ذويق فالقصيد ماشالله عليك بيض الله وجهك وصح الله السانك ولسان قايلها

المشاركة الأصلية كتبت بواسطة نايف الخييلي (المشاركة 156412) صالح الجعيدي صــح لسانك ولسان سعود الدهيمي وعـــز الله عرفت تنتقي القصيده الجزله الله يعافيكـ من يستحق مواصل الطيب نرعـاه= ونواصلـه حتـى ولـو ماوصلنـا نقـدّر ظروفـه وندمـح خطايـاه= ونجاملـه ليـن يتفـرّق ظعـنـا بيتين لهــا معــنى كبيـــر

المشاركة الأصلية كتبت بواسطة يحيى الودعاني (المشاركة 156417) بيض الله وجهك أخوي صالح قصيدة طيبة جداً و هذا من طيب ناقلها لاهنت

المشاركة الأصلية كتبت بواسطة أبونواف الدوسري (المشاركة 156428) لأخ القدير صالح الجعيدي ... تسلم يمناك بما خطت ...قصيده رائعه .. وصح لسان الشاعر سعود الدهيمي. تقبل كل تقدير وأحترام. أخوك أبو نواف الدوسري.