أغليك يادار الوفاء والـله أغليـك=غـلا حقـيقـي صعب شـيءٍ يـزوله
يـادارنـا مافيه دارٍ تحاليـك= مهـما نلـف الكون عرضه وطوله
لو خيروني بيـن لندن مع التشـيـك=وباقي ديـار الغـرب دولة ودولة
إني لقـول الزين ياهوه واديـك=وادي الدواسـر والكرم والرجـولـة
وشـلون ينسى الدار منهـو ربا فيك= ماظـنتـي نســيانـهـا بالسهولة
حمـاك رب الكـون باللي سكن فيك=أسـلافنا أهـل التضحيـة والبطولة
ماضيك يبهـجنا ليا قيل ماضيـك= وحاضــرك زاهي والجميع شهـدوله
ياحبني لإسمـك وشـوفـك وطاريـك=حـب اليــتيـم إليا لقا من يعوله
وياحبني لجـّوك وشمسـك وأراضيـك=في وقتـنا الحاضر ووقـت الطفوله
المغـترب يادار ماهـو مجافـيـك=بس القدر غصــبٍ عليـنا قبـوله
أفـرح ليا جيتـك من البعد ناصـيك=كني سجيـنٍ بالفـرج صوتوله

المشاركة الأصلية كتبت بواسطة أبونواف الدوسري (المشاركة 153095) الأخ القدير راشد المسعري ..لك جزيل الشكر علي نقل هذه القصيده.. وصح لسان قائلها ويرجعه بالسلامه الي أهله وذويه غانم سالم. أخوك أبو نواف الدوسري.

المشاركة الأصلية كتبت بواسطة هايف العماني (المشاركة 153125) الشاعر القدير والغالي ابومحسن صح الله لسانك وبيض الله وجهك على هذه الأبيات الرائعه والقصيدة الجزله كيف لا وهي في مهد الأباء والاجداد ودار الكرامه والشهامة ((وادي الدواسر)) . صح الله لسانك ونبغيك تنفض لنا وتعطينا كل مافي الارشيف. تقبل تحياتي،،

المشاركة الأصلية كتبت بواسطة فهدالمحيسن (المشاركة 153137) مشاركة جميلة تشكرون عليها

المشاركة الأصلية كتبت بواسطة يحيى الودعاني (المشاركة 153151) صـــــــــــــــــــــــــــح السانك مليون يالذيب وبيض الله وجهك الله يعز أهل الوادي و جميع الدواسر بدينه

المشاركة الأصلية كتبت بواسطة شجاع الخريم (المشاركة 153393) الأخ العزيز والشاعر الكفؤ أبــــــــــــو محســـــــــــن أعزك الله ، وبيّض الله وجهك على القصيدة الرائعة وتقبل مروري،،،

المشاركة الأصلية كتبت بواسطة العـمـور (المشاركة 153563) صح لساااانك ملااااااين على ذا القصيدة الي تنومس من سمعها,,

المشاركة الأصلية كتبت بواسطة سالم بن صمهود (المشاركة 153894) صح الله لسانك يابن مسعر وبيض الله وجهك يالقرم الصلف