السلام عليكم ورحمة الله وبركاتة


مناسبة القصيده ////شخص كان من افضل رجال القبيله من كل النواحي الرجوليه و لكن مشى في طريق الهلاك وتغير الحال من افضل شخص الى شخص عادي او يكاد لا نذكر اسمه وذكرته وهاجت قريحتي الشعريه بهذي الابيات ////

ولى زمان المرجله والمواجيب=ماهو تشبع مير طرق وغصيبه
وقفت سنينه وبتدا يطلع الشيب=والراس الاسود قام يكثر مشيبه
هذي مقادير الزمن والتجاريب=مصيبتن ياكبرها من مصيبه
من ماضي الدنيا لنا يمين وصحيب= واليوم جرحه مالقينا طبيبه
عز الله انه فزعة الذيب للذيب = يروي كبودن ظاميه من قليبه
ويابعد مهدافه وبعد المحاضيب=وتبكي عليه الناس من شوف صيبه
من شوفته يكويني جمر اللواهيب=واقول هذا للمراجل ضريبه
وذكره يماريبه على الجود والطيب=ويفك عسر المعضلات الصعيبه
مشكاي للي يعلم الجهر والغيب=يشفي جروحن من زمانه عطيبه

ولى زمان المرجله والمواجيب=ماهو تشبع مير طرق وغصيبه
من ماضي الدنيا لنا يمين وصحيب= واليوم جرحه مالقينا طبيبه
عز الله انه فزعة الذيب للذيب = يروي كبودن ظاميه من قليبه