قالوا كـذا مبسـم هيـا قلـت لا لا=بين البروق وبين مبسم هيـا فـرق
ويالله بـنـوٍ مدلـهـم الـخـيـالا=طافح ربابه مثل شرد المها الـزرق
لا جا على البكريـن بنـا الحـلالا=ولاعاد لا يفصل رعدها عن البـرق
يسقي غروسٍ عقب ماهـي همـالا=وحط الحريق ديار الاجواد له طرق
يسقـي نعـامٍ ثـم يمـلا الهـيـالا=ويصبح حمامه ساجعٍ يلعب الـورق
جريت انا صوت الهـوى باحتمـالا=في وسط بستانٍ سقـاه اربـعٍ فـرق
طبّيت مـع فـرعٍ جديـد الحبـالا=وظهرت مع فرعٍ تناوح به الـورق
روشن هيـا لـه فرجتيـنٍ شمـالا=وبابٍ على القبله وبابٍ على الشـرق
مبسم هيـا لـه بالظـلام اشتعـالا=بين البروق وبين مبسم هيـا فـرق
برقٍ تـلالا بأمـر عـز الجـلالا=واثره جبين صويحبي واحسبه بـرق
يا شبه صفرا طار عنهـا الجـلالا=طويلة السمحوق تنزح عـن الـدرق
له ريق احلى مـن حليـب الجـزالا=واحلى من السكر الى جاء من الشرق
حنيت انـا حنـة هزيـل الجمـالا=ينقض ردي الخيل قد حسـة الفـرق
ويـا قلتـةٍ فـي عاليـات الجبـالا=ماها قراح مير مـن دونهـا غـرق
ماعـاد للصبيـان فيهـا احتـمـالا=من كود مرقاها يديهم غـدن طـرق
قالوا تتوب من الهوى قلـت:- لا لا=الا ان تتوب ارماح علوى عن الزرق
قالوا تتوب من الهوى قلـت:- لا لا=الا ان يتوبون الحناشل عن السـرق
قالوا تتوب من الهوى قلـت:- لا لا=الا ان تتوب الشمس عن مطلع الشرق

قالوا تتوب من الهوى قلـت:- لا لا=الا ان تتوب ارماح علوى عن الزرق
قالوا تتوب من الهوى قلـت:- لا لا=الا ان يتوبون الحناشل عن السـرق
قالوا تتوب من الهوى قلـت:- لا لا=الا ان تتوب الشمس عن مطلع الشرق

المشاركة الأصلية كتبت بواسطة عبدالرحمن الشرافي قالوا تتوب من الهوى قلـت:- لا لا=الا ان تتوب ارماح علوى عن الزرق قالوا تتوب من الهوى قلـت:- لا لا=الا ان يتوبون الحناشل عن السـرق قالوا تتوب من الهوى قلـت:- لا لا=الا ان تتوب الشمس عن مطلع الشرق الله الله الله اختيار موفق وجزل ابن العم / فالح الشكره الله لا يهينك على نقل هذه القصيدة الجزلة للشاعر الكبير/ امير الغزل/ محسن الهزاني . تحياتي القلبية لك

المشاركة الأصلية كتبت بواسطة مجروح الزمن ما قصرت يا فالح الشكرة عاد ذا القصيدة من احب القصايد لي وكنت ادور على تاليها وبيض الله وجهك على ايراد ذا القصيده

المشاركة الأصلية كتبت بواسطة ســـــعـــــود بيض الله وجهك يافالح الشكره , واختيارك جزل دايم يالقرم اخوك / سعود الخييلات

المشاركة الأصلية كتبت بواسطة دغش البطي الله الله الله اختيار موفق وجزل ابن العم / فالح الشكره أحسنت الأختيار يالقرم الله لا يهينك على نقل هذه القصيدة الجزلة للشاعر الكبير/ امير الغزل/ محسن الهزاني . تحياتي القلبية لك