لو توصف صاحبك قلت بعدين=ما ينبغى له وصف دامه صحيبي
قالو من تعلمنا عنه قلت عارفين=تتناقلون العلم لشخص غربيبي
قالو من ايا قوم نلقاه من وين=قلت اذكروا للناس حلو الشعيبي
قالو من اقوام ورى طريف راسين=قلت العنوز ويلحق الطيب طيبي
قالو كبير صحون من اهل التطاعين=قلت الشمامره ومالفاهم طليبي
قالو من الي يلحقون المخلين=قلت قحطان ودون شك وريبي
قالو من الي بعدهم بعد عرقين=قلت المطيري وجارهم ما يخيبي
قالو عساهم من هل العسر واللين=قلت السبيعي وماعليهم معيبي
قالو عساهم من هل الشعر والدين=قلت الحروب وما تجيبه يجيبي
قالو من الي ضربهم ضرب حدين=قلت( الدواسر) وما قسم لي نصيبي
قالو صعيب عليك تعد الكثيرين=قلت اطلبوا وما تطلبونه اجيبي
قالوا من الي قد تسمو نجارين=قلت ذولا بني يام سقم الحريبي
قالو من الي توصف بوصف السلاطين=قلت ماهو من العجمان وصفك مصيبي
قالو من الي بالحرايب شجيعين=قلت الخوالد وللحريب النشيبي
قالو من الي يكسرون المعادين=قلت الظفيري ونعم حاضر وغييبي
قالو من الي بالملاقى شديدين=قلت السهلي محني نصاب الحديبي
قالو من الي يردون المغيرين=قلت الهواجر ولنار كرمهم حطيبي
قالو من الي للمصاحب نقيين=قلت البلوي مزود الضيوف التراحيبي
قالو من الي يعدلون الموازين=قلت ذولا بي مرة خصيمهم نحيبي
قالو من الي بالمعارك قويين=قلت البقوم مذبحات الحريبي
قالو من الي يسكنون الميادين=قلت ماهو من الحضران قالو عجيبي
قلت اسمعو الهرج عسى ياصل الزين=الي ربط قلبي بحبه عطيبي
ربعي وربعه فكاكت الثار والدين =قالو عتيبي قلت وصلتم عتيبي
اهل السيوف الي تقص بالحد نصيبن=معشية طير حام وذيب القليبي
اهل الرمك ذباحة القعد والضين=قالو قريب وقلت وشيب شيبي
حبه سكن بالقلب والقلب مسكين=ولو انتخى بالناس قالو قريبي
بحب الشرف ماهو بحب الملاعين=بحب الشرف ماهو بحب الذهيبي
لكن رماني بسحم السراحين =الي تعاوى بكل رجم ورقيبي
ويا حب ياملعون يا حب ياشين =كني عمى وبالليل مضيع دريبي
تلبس من لبووس السعاده فساتين =والبس وافصل من التعاسه ثوبي
خليتكم للناس مصدر عناوين =وامسيت انا الي ساقط يا نديبي
وطعنتني بالود بسهوم وسكاكين =وصدك يجيب الموت واثرك طبيبي
واثر المعزه بين ربعك وادنين =وجمعتك ما تقبل بليا خطبيبي
وكل القبايل فووق رجم المعدين =ما ذم هذا وذاك فعله كسيبي
وكل القبايل فيها اجواد ورديين =وحسب المعزه جبت معنى رتيبي
والعتيبي قاله لحن من التلاحين =لعل هم الجوف قلبه يطيبي
بدعتها بالقاف يا قرة العين =بدعتها لو دونكم شمسي تغيبي
ويالله ياخالق الخلق يا معين =تستر علينا من جمر اللهيبي
وختامها صلو على من ثبت الدين =محمد الهادي لربه حبيبي