اقبل علينا من بعد غيبه العام = شهر الفضل شهر الكرم والشهامه
شهراً تنزل به على خير الانام = قران محفوظاً الى يوم القيامه
يجزيبه اللي بالمخاليق علام = اللي فرض شهراً علينا صيامه
ويفوزبه من هو على الخير عزام = المؤمن اللي محتسب في صيامه
اللي على المسكين قايم والايتام = يرسم على وجه الضعيف ابتسامه
ولوالدينه سامع الشور خدام = يمشي بطوع ولينن في كلامه
بالجود يسعى تاركاً كل الاثام = ساجد وراكع صادق الاستقامه
مافاتته بالفرض تكبيره إحرام = وعند القيام متابعاً مع إمامه
ومزكياً للمال واصل للارحام = جزل العطى ينفق ويطعم طعامه
به ليلتن من عاشها ذكر وقيام = عبداً تقي مخلصاً في قيامه
تحسب ثلاثه مع ثمانين عام = واربع شهوراً فوقهن بالتمامه
واللي قضاها بين سهرات وانغام = ضيعبها خيراً وحصل ندامه
ويالله يامجري على الخلق الاحكام = ياباعث المخلوق محيي عضامه
تجعل لنا صوم على مر الاعوام = في طاعتك نمشي دروب السلامه
صلاه ربي عد ماطيف بإحرام = على النبي واعداد وبل الغمامه