جرى مدمعي من مقلة العين سايل = ودارت لواليب الفكر بالمثايل
وافضيت أنا من قاصي القلب ما زهي = جيل ولاني فيه بالعون عايل
ياالله يا المطلوب يا والي الأمر = طالبك ياراعي العطا والفضايل
تفرج لمن قلبه غدا الهم دوبه = هم ثجيل محد له بشايل
أشوف فى ذا الوقت دنيا تغيرت = قامت على الاجواد تنشر شلايل
دنيا كفي الله سوها لو تزخرفت = لابد ياتي دربها العدل مايل
ويلاه من عصر مضى من قديمى = راعي الحكم عيسى وحن له قبايل
الكل منا مستريح وهاجع = ولا عرفنا الباس هو ويش قايل
واليوم ياحكم الكلينزي علينا = نطلب من الله ما لحكمه طوايل
أهل العهد ماصدقوا فى مقالهم = خلوا عهدهم والعهد له دلايل
بالعز ياربع من الذل شاموا = خلوا منازلهم قصور طوايل
خلوا منازلهم على جيل سيف = ماهمهم بنيانها والنخايل
امورين المدح والله عانهم = يستاهلون المدح بين القبايل
ساروا لديرة راعي المجد والثنا =عبدالعزيز اللي من آلاد وايل
شيخ مشت له كل الاقطار بالرضى = غصب وبأمر الله راعي الفضايل
من ساحل أعمان الى حد رنية = ونجد ويتلاها قفار وحايل
ومن عقبها الطايف ومكه ولاها = وجده دخلها بأمر منشي المخايل
مع لابة فى طاعة الله جاهدوا = أهل الفرنج وبمرهفات الصقايل
أيضا وياراكب على اكوار ضمر = هجن هجاهيج أخيار أصايل
فج النحور وبالتواصيف كنهن = مثل القطا لى طار والقيظ حايل
انصوا بلاد من قديم غدى لها = وهي البديع دار ذرب الفعايل
أبن حسن الله يجازيه رحمه = واللي تبقي حاش درب المراجل
ودنوا لكم مايطرب البال سيره =ماشور ساج واخطفوا بالرسايل
عدوا سلامي لابن شاهين وأحمد = فروخ الحرار اللى تصيد الفصايل
وأثنوه للي يكرم الضيف لى لفا = أبو مهنا لاعرته الملايل
وأثنوا سلامي صوب شخص نوده = أبن بطي سلمان زين الخصايل
يستاهلون المدح بالعون كلهم = افعالهم ماتنسى والجمايل
وصلاة ربي عد ما طاف طايف = واعداد ما غنى حمام الرسايل