قالها ابن الذيب من هواجيس باله = كلمهً يلعب بها والبال زيني
قالها يومه طرى له ماطراله = من هواجيسً تشيب المرضعيني
غرني بعض الرجال بكثر ماله = ماادرى ان الموت في حبل المتيني
كيف ينفعني وبعض الناس خاله = ماايدوم البيت دام الساس طيني
ماش وين اللى عواايده الشكااله = مثل ابن ظافر حمد ليته يجيني
الثنا والجود دايم في خياله = علمه ظافر سلوم الطيبيني
جود العليا ولزمها عياله = وادركوا من علمته دنيا وديني
واهني من باع حضه واشتراا له = سار في درب النبي وأخزا اللعيني
موقفه مااكل الرجال ينااله = من بغا ممشاه يقعد مرتيني
حالفً ماخذ على الطرقي رياله = وبالثلاث محرمً انها ماتجيني
لالقيت اللى على السكه لحاله = يلتفت ويقول وين الطيبني
اوقف الموتر حيا وأبغى الجماله = يوم ولد الاش وجه مايليني
والطمع في كروه الرجلي رذاله = خص به وان جا مجال للغانميني
والردي في حالهً مهيب حاله =يااعوينه من كلاااام الطيبيني
الولد وان طاب طيبه من خواله = بالخوال يسئل قبل الوالديني
أركبه لعيون من زين دلاله = ماتحاكوا في قفاه الرامسيني
مبغى غيري وانا مابغا بداله =قاعدً لي في الرجا مده سنيني
مااقعدنا بالعمل نبغا الرزاله = نأخذ العليا طريق الفايزيني
اشرب الفنجال وأخلى البياله = طيبً واحب سلم الطيبيني

ابن خر الذيب يطرا له جماله = عندنا مثله ربوعً طيبيني
عندنا ابن حسين يفعل ماطراله = يلطم العايل وهيفً لسميني
كم نقله خبرهً من حر ماله = لا لقاهم بالخلا متعطليني
ضوهم ضوه ودلالهم من دلاله = شوف عيني وأسمعوا يااحاضريني
الولد وان طاب طيبه من عمامه = وان تردى فعرف انهم خايبيني

المشاركة الأصلية كتبت بواسطة الواضح لا هنت يانايف وصح لسانك ولسان الشعار وفي انتظار جديدك

المشاركة الأصلية كتبت بواسطة عبدالرحمن الشرافي اخوي / نايف الخييلي لاهنت على ذكر هذه القصيدةى الشهيرة وسالفتها لكن يوجد خطتء فالبيت التالي : للشاعر / مسعود بن عنبر الصخابره . الولد وان طاب طيبه من عمامـه=وان تردى فعرف انهم خايبينـي حيث ان القافيه انكسرت هنا لأن قافية الشطر الاول على ( اله ) والبيت الصحيح هو: الولد وان طاب طيبه من خواله = والعمام الطيبين مكمليني واكرر شكري لك على نقل هذه القصيدة ولي رجعه للموضوع لك مني فائق التحية والنقدير

الولد وان طاب طيبه من خواله = بالخوال يسئل قبل الوالديني

الولد وان طاب طيبه من عمامه = وان تردى فعرف انهم خايبيني

الولد وان طاب طيبه من خواله = وان تردى فعرف انهم خايبيني