لبيك و هبالك و ضحكك و ممشـاك=ياللي ذبحتيني على طلعـة سهيـل
سبحان من جمّل بك الحسن و أنشاك=يا نكهةٍ تطغى علـى نكهـة الهيـل
مديت حبل رشاي لك مدي رشـاك=مستعجـلٍ لونـي احـب التماهيـل
دلّك حَسين و طلعة الحِسن تغشـاك=يا ظبيةٍ ترعـى نبـات المجاهيـل
يا درةٍ ما هيـب توجـد بالأكشـاك=في غبـةٍ معهـا تضيـع التزاهيـل
حاشاك من مرمى هل النمّ حاشـاك=ياللي سحابات النّقـا لـك مداهيـل
كلّ الغلا لك و الحلا قبـل منشـاك=علّ و عسى دربي لوصلك تساهيـل
على وَشك و إلا بعيدات الأوشـاك=أبنتـظـر دام اللّيـالـي مباهـيـل