|
((الديـك فحّـل والجمـال مـحـدوده ))؟؟؟؟؟
قصة احد الخويا مع الشاعر الفارس ( ناهض بن سحمي القرفي البقمي)
عندما حكم الملك عبد العزيز الجزيره العربيه (رحمه الله) واستتب الامن في اطرافها قام بتعيين اميرا لمحافظة (تربة البقوم ) وكان احد اخويا هذا الامير يرغب في الزواج من بنات قبيلة البقوم فسمع عن ناهض بن سحمي القرفي البقمي وقابله وقال له انا رجل اريد الزواج من القبيله واريد بجاهك وسمعتك الطيبه ان تخطب لي عند ربعك 0 قال له 00 (وش اصلك ومن أي قبيله ) فرد عليه اصلي وفصلي (دراهمي ) فتركه وانصرف وتمثل بهذه الابيات/
امسيت قلبي فيـه داخـل ومظهـار = مثل القليـب اللـي تعاقـب وروده يـارازق اللـي مايحـب التجظـار = يتكل على الله لو تغايـص لهـوده واخيـر مانحـرز عليـه التغفـار = وان قيـل هـرج مانثـمـن ردوده يـوم اتذكـر ماطرقنـا ومـاصـار = الديـك فحّـل والجمـال مـحـدوده راع الدراهـم طـامـع بالتخـيـار = واشفى لجنـدٍ مـا يجـاوز جنـوده امنول النا حسك في جـل الاوبـار = بعيـد الديـار موسعينـن حـدوده ومقياضنا وادىٍ عديمٍ فـى الامـدار = مع بدوة الجوزا حـراوي سعـوده بدا سهيل وجزفـوا منـه الاثمـار = واهل الدبـش كـل تذكـر عهـوده راحوا هل الحره من الهيل ويسـار = واهل حضن لزموا مناهـي عـدوده والموركـه مابيـن سانـد وحـدار = فـي واديٍ مزيـن ذواري نفـوده دايم منازلهـم علـى درب خطـار = واهل قطيـعٍ ينكتـب فـي خـدوده وحنا لنا في غاوي الحـزم مصفـار = نرد الحوا في القيض ماخبـر زوده وان لاح براقٍ مـن الشتـو جـرار = على طروق العرق وايسـر نفـوده نزوع له نتبـع هـوا كـل مغـزار = نتبـع قطيـعٍ زادنـا فـي ديـوده ياطول مانرعى بها زيـن الاقفـار = فـي مرقـبٍ راع الغنـم مايـروده ونزاور الحربي على جيش ومهـار = والجيش قدامه رجـال (ن) تقـوده انصبحـه قـدام يبـدن الاسـفـار =ومر(ن) ضحا والصدق يبدي شهوده |
رد: ((الديـك فحّـل والجمـال مـحـدوده ))؟؟؟؟؟
العزيز الغالي أبو مقرن
لاشلت يمناك يالقرم على كتابة هذه القصة والقصيدة الطيبة وعز الله إنه رد عليه رد يشفي الكبود فصح الله لسانك ولسان الشاعر الفارس ( ناهض بن سحمي القرفي البقمي) تقبل الود والتقدير من محب الجميع |
مشاركة: ((الديـك فحّـل والجمـال مـحـدوده ))؟؟؟؟؟
راحوا هل الحره من الهيل ويسـار = واهل حضن لزموا مناهـي عـدوده بيض الله وجهك والموركـه مابيـن سانـد وحـدار = فـي واديٍ مزيـن ذواري نفـوده دايم منازلهـم علـى درب خطـار = واهل قطيـعٍ ينكتـب فـي خـدوده وحنا لنا في غاوي الحـزم مصفـار = نرد الحوا في القيض ماخبـر زوده وان لاح براقٍ مـن الشتـو جـرار = على طروق العرق وايسـر نفـوده نزوع له نتبـع هـوا كـل مغـزار = نتبـع قطيـعٍ زادنـا فـي ديـوده ياطول مانرعى بها زيـن الاقفـار = فـي مرقـبٍ راع الغنـم مايـروده ونزاور الحربي على جيش ومهـار = والجيش قدامه رجـال (ن) تقـوده انصبحـه قـدام يبـدن الاسـفـار =ومر(ن) ضحا والصدق يبدي شهوده يابو مقرن ذكر المواركه الشاعر فذكر كثرتهم وهم قد اشتهرو بالفروسيه والكثره العدديه في البقوم ثم ذكر القروف بصيغه غير مباشره عندما حاربوا جند العراق واتمنى انك تنزل عن هذي المعركه تقبل تحياتي ابو زيد الغييثي |
رد: ((الديـك فحّـل والجمـال مـحـدوده ))؟؟؟؟؟
لاهنت يا ابو مقرن
وصح الله لسانك ولسان الشاعر |
الساعة الآن 09:38 AM
 |
Powered by vBulletin® Copyright ©2000 - 2025, Jelsoft Enterprises Ltd.
---