|
لي بنت عـم ماوطـت درب الادنـاس***ولادنسـت يـوم النـسـاء يدنسـنـي
هذه القصيده لشرعان السويدي الشمري والبعض الاخر ينسبها لحسين الاطرق السويدي الشمري ولكن الاغلبيه تتفق على الاول وتدور احداث القصة في قصة عشق بين الشاعر وبين ابنة عمه الى وصل الامر الى الزواج وكانت هذه المراءة من اجمل بنات قبيلتها وعرفت بجمالها الكبير وعرف الشاعر شرعان بحبه لها وكان النساء في ذلك الوقت (يروون) الماء من البئر وكانت تذهب هي وخمسة من بنات قبيلتها وذات يوم اتاهم قاطع طريق وطلب ان يقبلهن واحده تلو الاخرى والا سيقوم بقطع (قربة) من ترفض ولم يوافقن فقام بشق ( القربة ) وخوفا من الفضيحة قام باقي النساء باشاعة خبر بين القبيلة انها مكنته من نفسها ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الامر الى شرعان وقام بتطليقها لكنها كما يبدو بينونه صغرى يستطيع ان يسترجعها من خلالها وبعد مضي 3 اشهر جاء قاطع الطريق وبين حقيقة الامر وعندما علم شرعان بالحقيقة ذهب الى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها :
ياراكـب ثنتيـن يـشـدن الاقــواس=مـن دار ريضـان الحجـر حركنـي مافوقهـن كـود الدويـرع وجــلاس=وسفـايـف بـيـن اربــع يلعبـنـي تحركنا مـن عندنـا حيـن الامـراس=ومضـى سـواد اللـيـل مابركـنـي حكن علم عذفـا يسـارن مـن الـرأس=والظهـر مـع ورد الحفـر يشربنـي وحطو لهم مع هقلـة الحضـر بـلاس=عن الحضر واللـي بالخـلا يسرحنـي وليـا لفيتـوا عنـد مدقـوق الالعـاس=الجـادل الـلـي بالمحـبـه محـنـي قولوا على حبل الرجا نطـوي اليـاس=ولبيـض غيـره كلـهـن يحرمـنـي ولو يندوي جرحـي دويتـه بزفـواس=ولا بني رفـاف البيـت منكـم ومنـي والله يعـلـم بالخفـايـا والآجـاس= وحيث مضى من صغـر سنـك وسنـي وياعم اللي طعت بي هـرج الانجـاس=طاوعت هرج النـاس واخلفـت ظنـي طعـت بـي ياعـم دايـس ودربـاس=وعــوارض صدقتـهـا وابعـدنـي ومن لااخذ من درس الاسلاف نبـراس=تمضـي حياتـه بالـرجـا والتمـنـي واقفيت ادير بظامـري كـل هوجـاس=علـى وليـف بالحشـا غـاب عـنـي تكبي خواطرهـم ليـا جيـت عسـاس=ولاتقـل انـا منهـم ولاهمـب مـنـي ومريـت دار ماتقـل جنـة الاونـاس=وونيـت ودمـوع العـيـون ذرفـنـي جيت المراح اللـي بالعشـب محتـاس=العشب فـي مضـرب وسـادة معنـي محذا شبـة النـاس ومشتاقـة الـراس=وثــلاث لايـبـكـن ولاينبـكـنـي لي بنت عـم ماوطـت درب الادنـاس=ولادنسـت يـوم النـسـاء يدنسـنـي ضربتها وانا احسب الضـرب نومـاس=طلقتهـا يـوم افخـت العقـل مـنـي ياناس كيف العيـن تبكـي علـى نـاس=وكيـف العيـون بـلا رمـد يسهرنـي لو ينشكي حبي علـى ذيـب لاخمـاس=يسـرح مــع الطلـيـان مايجفلـنـي ولو ينشكي حبي علـى طيـر قرنـاس=اضحى الضحـى بمويكـره مستكنـي ولو ينشكي حبي على قـب الافـراس=عيـن نـهـار الـكـون لايفزعـنـي ولو ينشكي حبي على الميـت مانـاس=يثـور مـن بيـن النصايـب يـونـي ولـو البيـوت مشددينـه بالامراس=يعيـن مــع الخـفـرات لاينبنـنـي وحتى النجوم اللي مـع الليـل غـلاس=لـو ينشكـي حبـه لـهـن وقفـنـي ولو ان غوطة (دم سلمان ) واضـراس=يــدرن بماقلـبـي لقلـبـه يكـنـي تلقى سهـل جبـة هضـاب ومنحـاس=وحتى الجبـل بالقـاع صـار متثنـي اشرفت رأس ضراس من فوق الاطعاس=ولالـوم طـراد الهـوى لـو يجـنـي هليت دمـع العيـن واوميـت بالـراس=ورافقت كـور العيـس يامـا ابعدنـي ورفعت نفسي عن شبا كـل وسـواس=البعـد احلـى مـن حـيـاة التمـنـي انـا زبـون الحـرد للخيـل مدبـاس=ياكلشـن شهـب الشـوارب نخـنـي نفسي تشوم عن التدلبـح مـع السـاس=ولاعاش من هـو عـن رفيقـه يكنـي من شيدوا (زينة ) على غيد واغـراس=ليـا نسـيـت رسومـهـم ذكـرنـي ياعم انا لـي طلبـة الـراس بالـراس=ياعـم شـوف رسومهـم ماانمحـنـي ولو صرت ان القلاع ماشلت الاضراس=والمـوس مايقـطـع بلـيـا مسـنـي ياصار ماربعن علـى الـرائ جـلاس=وجنحـان طيـر السـعـد يلفحـنـي نصـيـر دوم للصقاقـيـر مــدواس=مثـل اللـي يسمـع صفيـر المغنـي والله يـلـولا بـكــرة يـبـوونـاس=حبه سكن باقصـى الضمايـر محنـي والله لـو هـي ماتبينـي فـلا بــاس=لاشـك خبثـان النـفـوس طـردنـي وانا احمد اللـي خالـق كـل الانفـاس=وجعـل وسـاع القـاع مافيـه منـي دار بـدار ولامنـاخـات الانـجـاس=ياصـار مايمـنـاك عيـنـك تـزنـي في بلدة الغـراف مـن جملـة النـاس=ولا نيب من يرجـي الخلايـق تحنـي دار به الاكـرام والطيـب بـه سـاس=دايــم تذكـرنـي لـيـال مضـنـي وبعد القصيدة رجعت له ابنة عمه وعاش معها باقي العمر. اتمنى ان هذا النقل يعجبكم،،، وتقبلوا تحيات أخوكم/ آل جعيد الدوسري |
يعني البنات سمحن لرجال ان يقبلهن الاهي فشق قربتها وبعدين البنات اتفقن على ان يقولن انها مكنته من نفسها اكبر دليل على ان النساء كيدهن عظيم ولكن في النهايه بانت البينه والدين دين اللة شكراًلك اخوي آل جعيد الدوسري على هذه القصه والقصيده الطيبه وبيض اللة وجهك يالذيب اخوك ومحبك ابو زابن |
لو ينشكي حبي على ذيـب لاخمـاس=يسـرح مـع الطليـان مايجفلـنـي ولو ينشكي حبي على طيـر قرنـاس=اضحى الضحـى بمويكـره مستكنـي ولو ينشكي حبي على قـب الافـراس=عيـن نهـار الـكـون لايفزعـنـي ولو ينشكي حبي على الميـت مانـاس=يثـور مـن بيـن النصايـب يونـي يابري حاااااااااااااااااااالي بريااااااااااااااااه يالحب الي على اوصول ماهو حب زمانك ذا لاهنت يالجعيدي على النقل المتميز |
أبو زابن و ابن وتيد ،، مرحبا والله مسهلا ،،، مروروكم الطيب يكفني فخر يالنشاما. وتقبلوا تحياتي.
|
بيض الله وجهك يا آل جعيد على القصة والقصيدة الرائعتين
تقبل تحياتي،، |
بيض الله وجهك يا آل جعيد على القصة والقصيدة الرائعتين
تقبل تحياتي،، |
أخوي: هايف العماني و أخوي: دغش البطي ،،، الله لا يهينكم وبيض الله وجيهكم على مروركم العطر. وعز الله أنه شرف لي يالنشاما. وتقبلوا خالص تحيات أخوكم/ آل جعيد الدوسري |
السلام عليكم ورحمة الله وبركاته
ال جعيد الله لا يهينك بلدة الغراف ونهي فية تقبل تحياتي اخوك:خالد الراجح |
اقتباس:
|
اقتباس:
أخوي: أبو عبدالمحسن المسعري: طول الله عمرك بالقرم. مرورك شرف لي. بالنسبة لمشرفنا "ابن وتيد" ترى قــلــبــه أخضر. وتقبل تحيات أخوك/ آل جعيد الدوسري |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
السلام عليكم ورحمة الله وبركاته ،،، بداية القصيدة التي في المشاركة :-
نوخت سمحه فوق مزموم الأطعاس= أرمي نظر شوفي على قد ظني جيت المراح وشفت به مشعة الرأس= وذكر علي أجروحي اللي مضني شفت الثلاث(1) اللي على الدار جلاس= أبا الخبر منهن ولا خبرني ياراكـب ثنتيـن يشـدن الاقـواس=مـن دار ريضـان الحجـر حركنـي (1) نصايب القبر.................................................. ............................. [line]وقد أجابه عمه أبو زوجته بقوله/
قولو لبن مشعل خذ الهرج بقياس= ذي عادت الأيام لا دبرني اللي معه ميز وناموس في الرأس= يقدّم لأهل عوص النضا كل فني ويحط له بن وهيل ومحماس= ودلال في حيد الوريثة يجني وحياة جلاب المطر رازق الناس= يافيك نيات الردى ما طرني لاكني ما بغي اللمس في خاتم الماس= حيث إن فنك ما يباعد لفني وسلامتكم يالغاليين ،، |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
صالح الجعيدي يعطيك العافيه علي هالقصه والقصيدة وبيض الله وجهك خالص أحترامي لكـ |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
بيض الله وجهك يا آل جعيد على القصة والقصيدة الرائعتين
|
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
وليا لفيتوا عنـد مدقـوق الالعـاس=الجـادل الـلـي بالمحـبـه محـنـي قولوا على حبل الرجا نطـوي اليـاس=ولبيـض غيـره كلهـن يحرمـنـي الله ...الله ... الله اي والله يا ابن وتيد .... ذا الحب .:) اخوي الكبير/ صالح بيض الله وجهك على اختيار هذه السالفة الجميلة ولاتحرمنا من أمثالها تحياتي |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
الإخوان العزيزين / خالد الراجح ،، المحبوب الدوسري ،، سطام آل بريك ،، عبدالرحمن الشرافى ،، مـــرحــبــا يالغاليين ترحيبة المطر ،، و لاهنتم على مروركم العطر ،، ويشهد الله أنه شرف لي. لا عــدمــتــكــــم ،، مع خالص التحية والتقدير للجميع. |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
الاخ صالح الجعيدي يعطيك العافيه اسمح لي القصيده وصاحب القصة هو
لي بنت عم ماوطت درب الادناس سعد بن مشعل وقعت القصة على وجه التقريب حوالي عام 1283 هـ قائل القصيدة هو الفارس الشجاع ( سعد بن مشعل بن شاحن من فخذ الهلبات من قبيلة بلي من اهالي طريف عاش الى عام 1309 هـ كان يرحمه الله شجاعا وفارسا لا يشق له غبار وكريما الى ابعد الحدود ومناسبة قصيدته انه في يوم من الايام حل عليه ضيوف من الحويطات واقام لهم الوليمة وذبح الذبائح ودخل الى الضيوف وجلس معهم وترك الزوجة تشرف على اتمامالوليمة وعندما حان موعد تقديم الطعام الفى اليه ضيوف اخرون وقدمة الوليمة ( وقلط ) الضيوف وزاد عدد على ( الضيفة ) وحس في نفسه التقصير بالواجب وبعد ما رحل الضيوف ودخل على زوجته وهو يهدر مثل الجمل الهائج وضربها وطلقها وارسل الى اخيها لياخذها الى مضارب ابيها وفي اليوم التالي سافر الى مكان قرب حائل لانه لايستطيع الاقامة في ارض طلق زوجته وابنة عمه التي احبها حتى الموت وعاش بعدها حياة تعيسة لانه لا يقدر ان يعيش بدونها وفي سنة من السنين مر على طريف في طريقه الى الشام وبالذات مر على مرابعهم التي تحمل اجمل واحلى الذكريات عندها فاضت قريحته بالابيات التالية التي منها : لي بنت عم ماوطت درب الادناس والقيصدة يقول فيها : ياراكب ثنتين يشدن الاقواس **** من دار ريضان الحجر حركني مافوقهن كود الدويرع وجلاس **** وسفايف بين اربع يلعبني تحركنا من عندنا حين الامراس **** ومضى سواد الليل مابركني حكن علم عذفا يسارن من الرأس **** والظهر مع ورد الحفر يشربني وحطو لهم مع هقلة الحضر بلاس **** عن الحضر واللي بالخلا يسرحني وليا لفيتوا عند مدقوق الالعاس **** الجادل اللي بالمحبه محني قولوا على حبل الرجا نطوي الياس **** ولبيض غيره كلهن يحرمني ولو يندوي جرحي دويته بزفواس **** ولا بني رفاف البيت منكم ومني والله يعلم بالخفايا والآجاس ***حيث مضى من صغر سنك وسني وياعم اللي طعت بي هرج الانجاس *** طاوعت هرج الناس واخلفت ظني طعت بي ياعم دايس ودرباس *** وعوارض صدقتها وابعدني ومن لااخذ من درس الاسلاف نبراس **** تمضي حياته بالرجا والتمني واقفيت ادير بظامري كل هوجاس *** على وليف بالحشا غاب عني تكبي خواطرهم ليا جيت عساس **** ولاتقل انا منهم ولاهمب مني ومريت دار ماتقل جنة الاوناس **** وونيت ودموع العيون ذرفني جيت المراح اللي بالعشب محتاس **** العشب في مضرب وسادة معني محذا شبة الناس ومشتاقة الراس *** وثلاث لايبكن ولاينبكني لي بنت عم ماوطت درب الادناس **** ولادنست يوم النساء يدنسني ضربتها وانا احسب الضرب نوماس **** طلقتها يوم اخفت العقل مني ياناس كيف العين تبكي على ناس *** وكيف العيون بلا رمد يسهرني لو ينشكي حبي على ذيب لاخماس *** يسرح مع الطليان مايجفلني ولو ينشكي حبي على طير قرناس *** اضحى الضحى بمويكره مستكني ولو ينشكي حبي على قب الافراس **** عين نهار الكون لايفزعني ولو ينشكي حبي على الميت ماناس **** يثور من بين النصايب يوني ولو البيوت مشددينه بالامراس **** عين مع الخفرات لاينبنني وحتى النجوم اللي مع الليل غلاس **** لو ينشكي حبه لهن وقفني ولو ان غوطة (دم سلمان ) واضراس **** يدرن بماقلبي لقلبه يكني تلقى سهل جبة هضاب ومنحاس **** وحتى الجبل بالقاع صار متثني اشرفت رأس ضراس من فوق الاطعاس **** ولالوم طراد الهوى لو يجني هليت دمع العين واوميت بالراس **** ورافقت كور العيس ياما ابعدني ورفعت نفسي عن شبا كل وسواس **** البعد احلى من حياة التمني انا زبون الحرد للخيل مدباس **** ياكلشن شهب الشوارب نخني نفسي تشوم عن التدلبح مع الساس **** ولاعاش من هو عن رفيقه يكني من شيدوا (زينة ) على غيد واغراس **** ليا نسيت رسومهم ذكرني ياعم انا لي طلبة الراس بالراس *** ياعم شوف رسومهم ماانمحني ولو صرت ان القلاع ماشلت الاضراس ***** والموس مايقطع بليا مسني ياصار ماربعن على الرائ جلاس **** وجنحان طير السعد يلفحني نصير دوم للصقاقير مدواس ***** مثل اللي يسمع صفير المغني والله يلولا بكرة يبووناس **** حبه سكن باقصى الضماير محني والله لو هي ماتبيني فلا باس **** لاشك خبثان النفوس طردني وانا احمد اللي خالق كل الانفاس **** وجعل وساع القاع مافيه مني دار بدار ولامناخات الانجاس **** ياصار مايمناك عينك تزني في بلدة الغراف من جملة الناس ***** ولا نيب من يرجي الخلايق تحني دار به الاكرام والطيب به ساس **** دايم تذكرني ليال مضني والمراد ( بسمحه هي ناقته ) وبعد ان ارسل القصيدة الى عمه ووالد زوجته يطلبه العفو والسماح بارجاع زوجته اليه فعرض عمه الشيخ هليل بن شاحن بن هلال المطرفي على ابنته زوجة سعد بن مشعل ولكنها رفضت العودة الى زوجها الذي ضربها وطلقها وطردها واهانها بين القبيلة رغم انها تحبه حتى الموت ولكن كرامتها وشيمتها منعتها من الاستجابه فارسل اليه عمه هليل الابيات التاليه قال الشيخ هليل : قولوا لابن مشعل خذ الهرج بقياس ذي عـادة الايــام لادبـرنـي اللي معه ميز وناموس بالـراس يقدم لاهل عوص النضا كل فنـي ويحط له بـن وهيـل ومحمـاس ودلال في حـد الوريثـه ايجنـي وحياة جلاب المطر مغني الناس يا فيك نيات الـردا مـا طرنـي لكن ما ابغا اللمس في خاتم الماس حيث ان فنك مـا يباعـد لفنـي اطو العزا يا مكرم الضيف بالياس ودور بدلها يا حراوي مضني روتها لي جدتي الباغة من العمر 87 سنة كانت تقطن في طريف وتضيف جدتي ان احفاد الشيخ سعد المطرفي نزحوا الى حوران بسوريا ومنهم بالمفرق بالاردن ومنهم ايضا بالمدينة المنور فالفارس لا شمري كما ذكر غريب ولا عنزي كما ذكر مهدي هداهما الله لانه سبق تسال في عدد ماضي عن القصيدة التي نسبها غريب الشمري لشمر ومهدي بن عبار العنزي لعنزة هذا ما احببت ايضاحه للاخوة القراء حتى يكون الجميع على بينه من الحقيقة ولي تحاشي الملابسات واعادة الحق لاصحابه الرياض (( عليا ذياب الرويلي )) جريدة اليوم 7 محرم 1408 هـ العدد 5190 ولك تحياتي خوي النشاما |
رد: لي بنت عـم ماوطـت درب الادنـاس***ولادنسـت يـوم النـسـاء يدنسـنـي
أرحـب يا خوي النشاما ،، مسموح يالقرم ،، فالخطأ وارد في القصة والقصيدة ،، و لا هنت على المشاركة و التعليق و التصحيح ،، وننتظر إبداعاك وجديدك يالغالي. مع خالص التحية و التقدير ،، |
الساعة الآن 09:27 PM
 |
Powered by vBulletin® Copyright ©2000 - 2025, Jelsoft Enterprises Ltd.
---