|
محاور جديد الله يعينه
بسم الله الرحمن الرحيم الأخوه الأعزاء حبيت أجرب المحاوره نويت ألعب مع الشاعر : فتى الجود علماً بأنها أول محاوره لي والله يعين وأعذروني أن تأخرت في الرد لأني بصراحه أول مره: مرحبا ترحيبةٍ عاليه مثل الجبال = بك يا فتى الجود والخيل من خيالها
النصر نوى يسجل هدف على الهلال = والرجال شهود والخيل من خيالها |
حياك الله يامسفر المصارير
وقاف طيب وممتاز وفي انتظار الشاعر فتى الجود تحياتي للجميع-- |
ارحب يا ابو منيره بدايه ممتازه ومشجعه ولك التوفيق
شد حيلك وانا ماسك صف في انتظار شاعرنا فتى الجود |
ارررررررررررررررحب يابو منيره
ارررررررررحب من حيث سرت لين جيت واستلم نفدا خشمك:
والبقا و اقلط تقهوى على صفر الدلال*** مقتفيها عود والخيل من خيالها الهلال هلال لا جت ثقيلات الحمال*** ما يكوده كود والخيل من خيالها والعذر والله مادريت لين نبهني احد الاعضاء...... مهوب انت اللي يسفه وانا عصابت راسك! اخوك فتى الجود |
الأخ : ابن وتيد حياك الله
أمسك الصف والله يعينني غالي بالحيل |
البقاء يا فتى الجود ما عليك وهذا ظني فيك يا الغالي وأستلم :
شد حيلك يا السنافي نبي نقنص شمال = وحيلنا مشدود والخيل من خيالها صاحبك لمن قنص صاد الأرنب والغزال = وأن بغيت فهود والخيل من خيالها وتقبل تحياتي ،،،،، مسفر المصارير وين الصفوف |
أرحبووووووووووووووووو يشعار
لاهنتو مسفر المصارير .و فتى الجود أزهلو صفوووووووووووووووف ونا تراني في صف فتى الجود من غير قصور في مسفر الله لايهينكم واصلوووووووووووووو |
ابشر بسعد يابو منيره
موجوديييييييييييييين |
الأخ : أبن هديهد
مرورك شرف أهم شي وجودك في صف فتى الجود أو في صفي مشكور يا الغالي |
صاحبك ياصاحبي معك بيسوق الحلال ** مرتبط بالذود و الخيل من خيالها
حط زادك يالسنافي عاى ظهر الرحال *** قودها و نقود و الخيل من خيالها |
ارررررررررررررررررررررررررررررحب يابن اهديهد دايم وانت اتشرفني بوجودك في صفي وهذا من طيب راسك نفداك وابشر بعزك اليوم ودم اخوك فتى الجود |
خلوووووووووووها
قدتها في دبرة اللي عليه الأتكال = الله المعبود والخيل من خيالها كان في ممشاك يا صاحبي منتب عدال = شق حلقك عود والخيل من خيالها |
محـــــاورة قـــويــة من البــدايــة والله لايهينكــــــــم ياشعارنا مسفر المصارير و فتى الجود الليييييييييييييييييييل شدو حيلكم واانا تراني في صف مسفر المصارير ومن غير نقص في اخوي فتى الجود تحياتــــــــــــــــــــــــي للجميــــــــــــــــــــع |
أرحب مليووون يا أبو السلاطين .حياك الله أمسك الصف عساك على القوه أخوك : مسفر المصارير |
والخيل من خيالها الشاعرين ابومنيره و فتى الجود صح الله السنتكم وانا اليوم ضدك يا ابن وتيد مع ابو منيره كنه يجوزنيها الا على طاريك يا ابن وتيد وين صعوط المجانين ووين وزيرك وشلونكم وشلون دياركم عساها ممطوره يمكن نمركم قريب وانت يافتى الجود وشلونكم عساكم طيبين وشلون نواف عساه طيب علوم(اللي يستعطي) هههههههه وانا اليوم ضدك انت وابن وتيد مع ابومنيره كنه يجوزني واصلوا ياشعار لاهنتوا ولاهنتوا يالصفوف وشدوا حيلكم (عليكم الميل يا ابن وتيد) |
في طلب خوتك يالقرم سويت المحال *** ثم عسفت القود و الخيل من خيالها الاوله راحت ولا تعود تثني في السوال *** لا تعود نعود و الخيل من خيالها |
أرحب يا الحر الله يحييك
ومنيره عسى الله يجيبها وجودك في صفي شرف لي يا الغالي |
ارحب يابو سلاطين تراحيب المطر و مرررررررررررورك شرف
اخوك فتى الجود |
ارحب يالحر و الله الساعه المباركه و نواف ابشرك طيب و تراه حاجر منيره مير لا تتعب نفسك و توجع نفسك في صف ابو منيره:)
اخوك فتى الجود |
خلوووووها
خابرك يا صاحبي تفعل فعول الرجال = مسعري معدود والخيل من خيالها النبي نهانا يا خوك عن كثرة السؤال = والله يذل اليهود والخيل من خيالها |
منيره لــ نواف عسى ربي يخليه لبوه |
أبــــــــــــــــــــــــو منيــــــــــــــــــــــــرة الليييييييييل تراني تعبت من التصفيق يالذيب جب الصالي وتــــــراني بخاويكم للمقنـاص احجزولي محل ولا السواق فتــــــــــــــــــــــى الجـــــــــــــــــــــود أرفق على أبــو منيرة وعطه على جوه تراه غالي عندي والليييييييييل الليييييييييييل |
أبو السلاطين الله لا يهينك يا القرم مكانك جاهز الله يحييك أخوك : مسفر المصارير |
الأخ : فتى الجود
لنا رجعه بع الصلاة |
وانت من لاد الحبيبي مرويت السلال *** فاليال السود و الخيل من خيالها
ذب ياسرحان واعتل على روس الطوال *** في هبوب النود و الخيل من خيالها |
الحر ماعاد قال شي عقب ما جاتنا منيره:)
صديق مصلحه لا يغرك:) :) ابو السلاطين ابشر بالي يسمح خاطرك و ابو منيره غالي عند الجميع ولا ماهو غالي مادمحنا زلته! اخوك فتى الجود |
لاهنتووووووووووووووووووووووو ينشاما
جعلكم العافيه |
عليهم الميييييييييييييييييييييييييييييييييييل
انا وابو السلاطين في صف ابو منيره لونه عطاهم منيره وينك يالحر والله لميلها على قلتك يالقاطع |
|
ارررررررررررررررررررحب يا ابن وتيد ولا تعبت على الكرسي:):) اخوك فتى الجود |
ارررررررررررررررررررررحب يابن العم تراحيب البدوا بالمطر اخوك فتى الجود |
خلوووووها
شاكرك ومقدر اللي قلت يا نسل الأبطال = ما عليكم زود والخيل من خيالها دام ابن عمي معي ما علي من قيلٍ وقال = أنت دايم في الوجود والخيل من خيالها |
مرحبا بك ملاييييين يا المسعري أبشر با السعد طال عمرك أمسك الصف وأبشر با الخير أخوك: مسفر المصارير |
أبن وتيد وجودك مشرفني يا الغالي شدو حيلكم ونظموا صفوفكم أخوك : مسفر المصارير |
خلووووووووووووووووووها:
ياعميلي راحوا احفاد ابو بكر و بلال *** يتبعون قرود والخيل من خيالها ويش رايك في دعاة(ن) تنادي بالظلال *** الحريم تقود و الخيل من خيالها |
ولا ندمت يا فتى الجود
ابشر بالسعد يا ابو منيره |
خلووووها
يا الله أنك تنصر الأسلام وتصلح كل حال = وبا النعم ياربي زود والخيل من خيالها دام أبو متعب يقود المملكه ما فيه مجال = رايهم مردود والخيل من خيالها |
اخوي مسفر المصارير تشرفت باللعب معك و استفت منك الكثير و لولا العمل ما انتهى كملت معك لكن اهم شي في ذا المحاوره انا كسبنا منيره:):) اخوك وابن عمك فتى الجود و اتمنى ان تجمعنا معك المحاورات القادمه |
يعطيك العافيه أخوي : فتى الجود . أنا اللي استفدت لأني لعبت مع شاعر كبير ومنيره تراها لــ : نواف الله يخليه لك . وإلى اللقاء في محاورات قادمه. |
يا الله أنك تنصر الأسلام وتصلح كل حال = وبا النعم ياربي زود والخيل من خيالها دام أبو متعب يقود المملكه ما فيه مجال = رايهم مـردود والخيـل مـن خيالهـا بشرى لاهل المنتدى بالشاعر الجديد ابو منيره نتمنى له التوفيق |
الساعة الآن 03:12 AM
 |
Powered by vBulletin® Copyright ©2000 - 2025, Jelsoft Enterprises Ltd.
---