|
زامر الحي
السلام عليكم ورحمة الله وبركاته
إخواني أعضاء هذا المنتدى الغالي يسعدني ويشرفني أن أقدم لكم هذه القصيدة التي تفجرت بها قريحتي وهطلت علي بدون سابق إنذار وتوالت الأبيات هي لكم كما خرجت ولكم معها الود والورد بحّيت صوتك كف يازامر الحي = ما أحدٍ بيطرب لو فنيت المزامير لحنك حزين ونبرتك مابها غي = وصوتك تسلطن لا نشازٍ وتكسير تخاطب الإحساس ما تخاطب يدي = وهذا زمن صيحة وصفقة وتصفير غيرك مدح من يوصفه حاتم االطي = وبنى من أفعال الردي الأساطير وأنتا تخيط الجرح وتعالج الكي = وترقص بصوتك حمام وعصافير إلا متى ياصاحبي تحترق ضي = والمجد للي يسرق الضي وينير وإلا متى ياصاحبي تندفق مي = والناس تاخذ للسراب المشاوير وإلا متى ياصاحبي تنتظر ري = وكل ما استقيت المزن تهطل أعاصير إلا متى إلى متى قول ياخي = طيور طارت بالرزق أصح يا طير وين الإجابة انتظر قولها لي = مليت من قولتك : ياخي أنا غير نافق وجامل وأدّعي وهايط شوي = وإن مامشت مالك سوى دهنة السير لا تمدح الرجال لو مامعه شي = لو به كرم حاتم وبه نخوة الزير أمدح كثير المال مدفون أو حي = إن ماجنيت الفود مابه مخاسير كل لحم أخوك المسلم وأنهشه ني = ولا تقرّب صوب لحم الخنازير ولو كنت ما تضيّف ضيوفك على طلي = ذبايحك يشهد عليها الجزازير أكشخ تغنج بالدلع غير الزي = ولا ينفع الحلاق شفلك كوافير لا تدعم الناجح وإذا صافحك عي = وازرع إذا تقدر بدربه مسامير ياصاحبي الزمار مابك ترى بي = لا تستحي واحنا غدينا مخاشير تبغى تعرف اش فيك وتعرف وش في = السالفة "شلة" توجه جماهير يالله مشينا نترك الدار والحي = يمكن نلاقي عند الأجناب تقدير وسلامتكم أخوكم عبد الرحمن بن سعد الضحيان حزين الحرف |
رد: زامر الحي
إلا مــتـــى إلـــــى مــتـــى قــــــول يـــاخـــي=طـيـور طــارت بـالـرزق أصــح يــا طـيـر ويـــــن الإجــابـــة انـتــظــر قـولــهــا لــــــي=ملـيـت مــن قولـتـك : يـاخــي أنـــا غـيــر نـافــق وجـامــل وأدّعـــي وهـايــط شــــوي=وإن مامشـت مالـك سـوى دهنـة السـيـر لا تــمــدح الــرجــال لــــو مـامـعــه شـــــي=لــو بــه كــرم حـاتــم وبـــه نـخــوة الـزيــر أمـــدح كـثـيـر الـمــال مــدفــون أو حــــي=إن مـاجـنـيـت الــفــود مــابـــه مـخـاسـيــر حزين الحرف صح لسانك وسلمت ابيات جزلة من شاعر جزل تقبل ودي و تقديري ،،،، |
رد: زامر الحي
صح لسانك ياحزين الحرف على هذه القصيدة الرائعة وننتظر جديدك
|
رد: زامر الحي
يالله مشينـا نتـرك الـدار والحـي
يمكن نلاقي عنـد الأجنـاب تقديـر صح الله لسانك يابو سعد اتفقت معك فالجزالة والحسرة واختلفت معك فالمعنى.. وعلى قولة سبيعي رنيا: جـيت للدنـيا وأنـا ممعي شيّ وبروح منها ممعي شيّ منها لكن وجهة نظري لاتسيء للود قضيه مبدع انت كما خرجت منك قصيدتك واجزلت ورب البيت ورأيي ما ينقص من الجمال شيئا".. فانت شاعر شاعر شاعر يا عبدالرحمن تقبل مروري ورأيي المتواضعان.. اخوك.. |
رد: زامر الحي
أنت لست حزين الحرف
بل أنت رزين الحرف من أجمل القصائد التي مرت علي في هذه القضية وأتفق معك في كل حرف ماعدا شطر واحد قصيدة صادقة وواعية ومدركة لمفهوم الشعر الحقيقي وليس شعر الصخب والازعاج والحركات الجمبازية صح لسانك إلى أبد الآبدين |
رد: زامر الحي
حزين الحرف
صح لسانك واعتلى شانك على هذه الرائعه ابداع متناهي كما اشاروا الاخوان وهذه القصيده مبروكه اللي رجعت لنا ناقدنا المبدع خلاد الزايدي |
رد: زامر الحي
أخوي الغالي راشد
يسعدني ويشرفني أن تكون أول من يرد علي لك كل الود والتحية يا أبو عبد المحسن |
رد: زامر الحي
أخوي شافي
صح بدنك ولاهنت شكراً على الرد الوافي الشافي ياشافي |
رد: زامر الحي
حزين الحرف
صح السانك انا اشهد انك شاعر ومبدع صح السانك على ذالجزله وتقبل التقدير والاحترام. |
رد: زامر الحي
شاعرنا مبارك الجوير
شكراً لك على ردك وكلامك الذي أفتخر فيه وأتشرف فيه عرفت ملاحظتك على البيت ولكن لا أدري ماهي الملاحظة بالظبط فالقصيدة خرجت مني في موقف واقعي وليس مصطنع لأغير في الكلام فنقلته كما هو لا كما يجب وكلامك على العين والراس ملاحظة البيت الذي نقلته هناك خطأ في الوزن وخطأ في الكلمة الأولى يبدو أنه فقط خطأ إملائي البيت الصحيح خلقت في الدنيا وأنا ما معي شي 000 وباروح منها مامعي شي منها لك كل الود والتقدير |
رد: زامر الحي
أخي الشاعر والناقد خلاد الزايدي
يسعدني ويشرفني لقبك وردك أتمنى أن أكون عند حسن الظن وأتشرف بملاحظتك وحبذا لو ذكرتها فأنا ولله الحمد لا أعاني من حساسية ضد النقد فأتمنى طرحها هنا أو عبر الرسائل لأستفيد من رأيك ونقدك |
رد: زامر الحي
صح لسانك يالسنافي قصيده تحمل معنى الشعر الحقيقي
امتعتنا بهذه الرائعه اتمنى لك التوفيق تقبل تحياتي |
رد: زامر الحي
خميس الغييثي
صح بدنك ولاهنت أشكرك على ردك |
رد: زامر الحي
http://alduwasser.org/vb/images/misc...t-top-left.gif اقتباس: http://alduwasser.org/vb/images/misc...-top-right.gif
http://alduwasser.org/vb/images/misc...ot-by-left.gif المشاركة الأصلية كتبت بواسطة حزين الحرف http://alduwasser.org/vb/images/misc...t-by-right.gif http://alduwasser.org/vb/images/misc...p-right-10.gif أخي الشاعر والناقد خلاد الزايدي يسعدني ويشرفني لقبك وردك أتمنى أن أكون عند حسن الظن وأتشرف بملاحظتك وحبذا لو ذكرتها فأنا ولله الحمد لا أعاني من حساسية ضد النقد فأتمنى طرحها هنا أو عبر الرسائل لأستفيد من رأيك ونقدك http://alduwasser.org/vb/images/misc...t-bot-left.gif http://alduwasser.org/vb/images/misc...-bot-right.gif لاهنت يارزين الحرف وهذا من ثقتك في نفسك وشعرك والملاحظة اللي عندي ماقلت أنها نقدية قلت فقط أني ماأتفق معك في شطر يعني مجرد اختلاف أفكار أو ذائقة لاعلاقة له بالنقد والمقصود هو الشطر الثاني من البيت يالله مشـيـنـا نـتــرك الـــدار والـحــي يمكـن نـلاقـي عـنـد الأجـنـاب تقـديـر يعني الرجال ماله ألا ربعه وجماعته مهما حصل من الأمور بينهم أنا أدري إنك ترمي لمعنى أبعد من تفسيري السطحي هذا ويدل على معناك عنوان القصيدة (زامر الحي) ولكن يظل الأفضل تجنب مثل هذا من وجهة نظري الشخصية غير النقدية والله يوفقك لكل خير |
رد: زامر الحي
اقتباس:
بما ان الدعوة ذائقة و لست أجرؤ على التعقيب خصوصا ً على معرف كـ ( خلاد الزايدي ) و لكن هذا البيت يذكر بالبيت الراائع و الشهير
مــوتي عــزيــز عــنـد الاجناب بــرا =أشـــوى ولا عـنـد الرفـــاقــه ذلــــيــلي
وهو لنمر بن عدوان وصحيح قد يكون المعنى مختلف و لكن لها ابعاد تتصف بالحكمه |
رد: زامر الحي
حزين الحرف
صح لسانك قصيدة موثره وتحمل الكثير من المعاني والابعاد وزادها جمالن تكرار كلمة الى متى , وبلاشك انك شاعر من الطراز النادر الفريد . |
رد: زامر الحي
أخوي فارس الدبالين
يسعدني ويشرفني ردك اعتذر على التأخير في الرد |
رد: زامر الحي
أبو ضيدان
صح بدنك ولاهنت لك ودي |
رد: زامر الحي
ناقدنا واستاذنا خلاد الزايدي
مرورك للمرة الثانية شرف لقصيدتي ومادام كما قلت الشعر ذائقة فمن حقك ان تبدي رأيك وكما قلت لدي سبب يجعلني اقول هذا الشيء ولولا اختلاف الأذواق لبارت السلع لك كل الود والتقدير |
رد: زامر الحي
أبو زيد وفيت وكفيت
ومثل ماقلت الدعوة أذواق شكراً لتعقيبك وأختلاف الرأي لا يفسد للود قضية لك كل الود والتقدير |
رد: زامر الحي
محمد الخضراني
صح بدنك ولاهنت كلامك وسام على صدر يوتاج على رأسي لك كل الود والتقدير |
الساعة الآن 08:22 AM
 |
Powered by vBulletin® Copyright ©2000 - 2025, Jelsoft Enterprises Ltd.
---