بسم الله الرحمن الرحيم

هذه قصيده قلتها رثاءٍ في الشهيد النقيب/ ضويحي بن سعود الصخابره يرحمه الله

سبحان من يعلم خفيات الاسرار = عالم نوايا الخلق محصي عددها
له الشكر تبجيل واجلال واكبار =بأمره سمك سبعٍ وسبعٍ مهدها
مستنسخاً مانعمله سر وجهار =واللي زرع فيها بخير حصدها
ياجنة الفردوس يادار الابرار =اعلا المراتب فاز منهو صعدها
من باع نفسه في رضا والِ الاقدار =انا اشهد ان نفسه تحصل سعدها
عساك يابو سعود بجنان وأنهار =ونفسك تحصل عند ربك وعدها
ارخصت روحك يوم عج الدخن ثار = وضرب القذائف مثل وابل وبردها
وغطا خضار الجو دخان وغبار = مخيلةٍ تمطر ويرزم رعدها
وردت حوض الموت بعزوم واصرار= وردة شرف تكتب المنهو وردها
أكبر عزانا موتة العز والكار = بدلتك دفنت معك داخل لحدها
حرٍ تسلسل من مواكير الاحرار =شقر الحرار اللي ينومس هددها
يوم الجهل ومصافق اسيوف ومهار= وخيلٍ تنير وخيل تعطيك يدها
انا ورثنا المجد شيبان وصغار = قبيلة يزهى المكارم ولدها
اولاد ابن صخبور وافين الاشبار =من فعلهم لاعدا تموت بكمدها
دواسر في الحرب يهدون الاعمار =في ساعةٍ يفخر بها من شهدها
ارواحهم دون الوطن ستر وجدار =ماغيرت ليام صادق عهدها

المشاركة الأصلية كتبت بواسطة عبدالله بن فهد (المشاركة 544890) ياجنة الفردوس يادار الابرار =اعلا المراتب فاز منهو صعدها من باع نفسه في رضا والِ الاقدار =انا اشهد ان نفسه تحصل سعدها عساك يابو سعود بجنان وأنهار =ونفسك تحصل عند ربك وعدها ارخصت روحك يوم عج الدخن ثار = وضرب القذائف مثل وابل وبردها وغطا خضار الجو دخان وغبار = مخيلةٍ تمطر ويرزم رعدها وردت حوض الموت بعزوم واصرار= وردة شرف تكتب المنهو وردها أكبر عزانا موتة العز والكار = بدلتك دفنت معك داخل لحدها حرٍ تسلسل من مواكير الاحرار =شقر الحرار اللي ينومس هددها

المشاركة الأصلية كتبت بواسطة خلاّد الزايدي (المشاركة 544917) الله يرحمه ويجعل الفردوس مثواه هذا الذي يستحق أن نفخر به ونرثيه صح لسانك وبيض الله وجهك لقد تحدثت عما في خواطرنا جميعاً تجاه هذا البطل الشهيد

المشاركة الأصلية كتبت بواسطة نسل الأجاويد (المشاركة 544921) بيض الله وجهك يبو فهد عز الله انك راعي احميه بدون نقص في الباقين تحياتي وتقديري عز الله قلت ووفيت وقلت اللي في خواطرنا على ماقال اخوي خلاد اشكرك من عميق قلبي يخوك تحياتي وتقديري لشخصكم الكريم والله يرحم ابوسعود ويحشره مع الانبياء والرسول انه على ذلك قادر

المشاركة الأصلية كتبت بواسطة صبي الصمايل (المشاركة 544922) صح لسانك واعتلى شانك فعلا هو من يستحق ان تقال فيه القوافي الرثائيه

المشاركة الأصلية كتبت بواسطة الشيخه ألفت (المشاركة 544924) قصيده رآآئعه لاهنت,,

المشاركة الأصلية كتبت بواسطة زهر النوّار (المشاركة 544926) بيض الله وجهك ياعبدالله بن فهد تسلم يمينك اللي خطت هالقصيدة الجزلة وصح لسانك انا جدآ سعيدة بهالقصيدة وهذي هقوتي في بني عمي الدواسر :) الله يحفظك اخوي وماااااااااااااقصرت

المشاركة الأصلية كتبت بواسطة غــلا (المشاركة 544947) عساك يابو سعود بجنـان وأنهـار ونفسك تحصل عند ربـك وعدهـا اللهم آآمين شاعرنا الراقي عبدالله بن فهد صح لسانك مدد لاعدد ويستاهل من يرخص روحه فداء للوطن رحمه الله رحمة واسعة وهذا ليس بغريب على عزوتي الدواسر الله يحفظهم تاج راسي تحيتي http://www.almlf.com/get-12-2009-almlf_com_0b5go53y.gif

المشاركة الأصلية كتبت بواسطة محمد بن سالم الخضران (المشاركة 545011) ابوفهد صح لسانك واعتلا شانك ورحم الله شهيد الواجب ضويحي بن سعود اللذي نفتخر به تقديري ,,