الله على الي ركوبه دوم يطربني=من بدكل المواترجايزليه
شكله ونوعه وصنعه حيل مقنعني=اكسل جمس انفوي بالانجليزيه
صناعة المصنع الي يتقن الفني=يرصدله الكنجرس اكبر ميزانيه
مايركبه غير بوش الاب والابني=رمزالولايه بوجه الجمس ماريه
امريكي الصنع والتكنيك والتقني=هامه وخامه وقامه عنفوانيه
تصميم فنان وكلاسيكي الذهني=ابداع روعه معا لمسات سحريه
تشكيله الهندسي راقي ويبهرني=عراقة الاصل برسومه خياليه
لونه ذهب والذهب غالي ويعجبني=كنه اشعة غروب الشمس عصريه
اليانطحته تبارك وجه خالقني=ماكنه الاعقيد كاسب هيه
والاقفيته عن الماضي يعلمني=يحكي عن المجد ميلادي وهجريه
والا كشفناعن الكبوت يذهلني= ألية الشغل بأجهزه أكترونيه
قير ودبل والمكينه يامثبتني=يقطع تهاتيه جيان خلاويه
واما الغماره ومافيهايحيرني= كنهاكبينة مكوكات فضائيه
من داخل اللون لابابيض ولابني=متناسق اللون يعكس ذوق راعيه
كلش تماتيك مابه شي يجهدني=يعمل على المس في خفه وحنيه
تكييفه المركزي خطرن يثلجني=في كنة القيض كنها المربعانيه
والبوصله في سماسقفه توجهني=بحروف وارقام طوليه وعرضيه
ومساحتينه الا اشتغلت حسب ضني=علامة النصرمرفوعه ومثنيه
واللي ورا كنها تأشربمايعني=لالاتحاول تحدا مثله وزيه
همسات صوته يدوب اميزه بأذني=همسة فتاة بهادين وحياويه
ماشوف غيره ولاغيره بمشحني=كل المواتر تجي عقبه بدائيه
اليوكن اكبرخوانه مايناسبني=مافيه من ذاك لاهذي ولاذيه
مامثله الانفوي لاحد يجادلني=رق رود وبلاك تب فيه انسيابيه
ارسامن طويق لاجا الخط متثني=واخف من سرعة ارياح شماليه
يعمي عيون الحسود اللي يراقبني=مايذكرالله بشوفه من ردى النيه
مافيه عذروب غير القسط متعبني=ولا معا الخط له هيبه واريحيه
من كد يمناي مالحد علي منّي=ماجا عطيه ولافزعه وعانيه
ماقبل ذا الجمس قلت الشعرمتغني=لكن هذا بعيني له خصوصيه
لاضاق صدري من هموم تولجني=دقيت سلفه وخليت العضيليه
نصيت ربع بفعل الطيب تغلبني=لاد الغريري لياكل ذكرحيه
انشهدان ماحدفيهم بلايمني=والنفس بالله مأموره ومنهيه
اعجابهم في بلاشك يشرفني= علاقة بالوفا والعزمبنيه