لعل قصر مايجيله ظلالي=ينهد من عالي مبانيه للساس
لاخاب ظني في الرفيق الموالي=مالي مشاريه على نايد الناس

سلام ياشيخ عزيز وغالي =محمد الأحمد ولاله حتينا
سلام يابو زيد ريف الهزالي= من شانكم ياسيدي به عنينا
سلام احلى من حليب المتالي=لك يافخرنا ياذرانا الحصينا
الذ من صافي قراح الزلالي=هله على روس النوايف غشينا
في وقر صوح لاجي له ضلالي=بلسم على كبد القريح الحزينا
مني يخصك ياعشير الرجالي=ياللي تفوق ابطيبك الطيبينا
افخر بفعلك لاحصل له مجالي=فعل ينومسنا بعسر ولينا
الشاهد الله من قديم وتالي=ان حبكم واجب ولزم علينا
حنا بني عم على كل حالي=وانتو فخرنا من قديم السينينا
من عصر ابن بدران حزب اموالي=وامجادنا يفخر بها الفاخرينا
شيخ بنا مجده بروس العوالي=وزدتوا على البنيان بني مكينا
فلو الجماد يعد هول القتالي=لاكان وادي برك عد اليقينا
وقوز الشريف ومحتوى من رمالي=وماسال منها من يسار ويمينا
ومارد قاصي خرب واشمل شمالي=الى الخرج ماينزل بها الطامعينا
تشهد لمن رووا رهيف السلالي=عوق الخصيم وملتجا الخايفينا
نرسي كما ترسي رواسي الجبالي=ولو نبنا حيد من الهضب جينا
لازعزع الشايب يجيك العيالي= واللي حموا جداننا له حمينا
قصيرنا ينزل بها ميبالي=وان جاه سو من جداره ودينا
ناسم عصاه ونرقد بالحلالي=سلم بنوه اجدودنا لولينا
ارجوا المعذرة في ختام المقالي= انا بجهدي وانت من العاذرينا
واسلم لنا وايام عمرك طوالي =لاما التهمنكم بحال نصينا
وصلوا عدد ماهب نود الخيالي=على نبي خاتم المرسلينا

المشاركة الأصلية كتبت بواسطة لين (المشاركة 297186) مشكور أخ أبن محمد الودعاني على مشاركتنا بهذه القصيدة ويستاهل أبو زيد وصح لسان الشاعر