ياأله الكون يالفرد الصمد رب الخلايق=اسألك ماغيرك اللي نسأله صبر وثباتي
مومنين بالقضاء يوم القضا ماعنه عايق=حكمة الله والقدر لاحان مامنها نجاتي
لو جزعنا في غياب اللي رحل والبال ضايق=مالنا غير التوجد والدعا له بالصلاتي
الفقيد اللي خذاه الموت والدنيا بوايق=راح جعله في جنان الخلد بأذن لله يباتي
ياحسن برثيك وعيوني من ادموعي غرايق=عقب فقدك ياحسن وش عاد باقي في حياتي
سيرتك والشاهد لله عند تفصيل الدقايق=سيرة عطرة وتحفضها دولايب الرواتي
اشهد ان ماعاد لامثالك على الدنيا علايق=كامل والكامل اللي حط بك زين الصفاتي
ياسلايل من بنا للسالفه فعل وطرايق=مودي جاره من جداره سنين ماضياتي
فيك منه وعنه وعيونك على العليا توايق=والحميه لبن عمك بالمراجل حاضراتي
مايفوقك بالشهامه والكرم والصدق فايق=غير من علمك معنا الطيب في عرض الوصاتي
المبادي ثابته والفعل مايبغي وثايق=ياعزيز النفس ماتصعب عليك الكايداتي
يوم غيرك سايقه للمصلحه عشرين سايق=يملكون المال لكن مايعرفون الزكاتي
انت بالنفس الغنيه شايقك للعز شايق=سمعتك يذكر صداها ياحسن باربع جهاتي
جعل قبرك من رضى لله روضة ازهور وحدايق=وصالح الاعمال خير الباقيات الصالحاتي
يابن جارلله مدام الشعر توثيق وحقايق=من غلاك الوصف يعجز ماتوفيه اكلماتي
كل ماكتب بيت اشوفه قاصر ماهوب لايق=انت فوق الشعر وبيوت القصيد الشامخاتي
قلت ابا كتب صادق اشعوري ولو مانيب رايق=المهم اكتب وعبر عن لهيب وسط ذاتي
ياعسى يجبر عزا قلب تواقد به حرايق=كلما تطري عليه يجر ونه وعبراتي

المشاركة الأصلية كتبت بواسطة سالم بن صمهود (المشاركة 328284) ابن بطيحه صح الله لسانك ورحم الله الميت واحسن مثواه

المشاركة الأصلية كتبت بواسطة أبونواف الدوسري (المشاركة 328286) لا هنت أخي حسن بن بطحيه..وصح لسانك... عسي الله يغفر له ومثواه الجنه بأذن الله..

المشاركة الأصلية كتبت بواسطة ابن دمجان الودعاني (المشاركة 328328) صح لسانك يابن بطحيه والله يرحمه ويسكنه الجنه،،،،،،،،،، تقبل تحياتي وتقديري،،،،،،،،،،،

المشاركة الأصلية كتبت بواسطة فهد مبارك الودعاني (المشاركة 328346) وعليكم السلام و رحمة الله و بركاته أبن عمي أبو محمد صح السانكـ وأعتلى شانكـ جزله من رأس جزل يالغالي وبيض الله و جهكـ على الشعور الغير مستغرب منكـ ورحم الله أبو فلاح رحمتاً واسعه والهم ذويه الصبر والسلوان. لـك كـل الأحـتـرام و الـتـقـديـر.

المشاركة الأصلية كتبت بواسطة السيف دايـم (المشاركة 328348) صح لسانكـ والله يرحمه ويسكنه الجنه

المشاركة الأصلية كتبت بواسطة نايف الخييلي (المشاركة 328367) صح لسانك ياحسن بن بطحيه على هذه المرثيه والله يرحم حسن بن فلاح يغفر له تقبل تقديري

المشاركة الأصلية كتبت بواسطة king (المشاركة 328372) صح الله السانك ورحم الله المتوفى واسكنه فسيح جناته

المشاركة الأصلية كتبت بواسطة ابو زيد الغييثي (المشاركة 329003) الشـــاعر الكبير / حسن بن بطحية الودعاني " الوحيد " صــح اللسانكـ وأعتلا شانكـ ولافض فوكـ سطرة ابيات معبره في الفقيــد فرحمه الله رحمه واسعه أن شاء الله وغفر له ذنبه . أخوكـ / ابو زيــد

المشاركة الأصلية كتبت بواسطة فتى الوداعين (المشاركة 329085) الاخ حسن بيض الله وجهك على المرثية وعزالله انك صدقت فكل معاني المرحوم والله انه اذا عديت الرجال اللي عليهم كلام عدبت ابو فلاح من اولهم وان اشهد انه راعي حمية جعلها برايدٍ عليه والله يخلف على هله خير شكرا لك اخو حسن ابن بطحية على الشعور وقد نقلت شعور كل رجل عرف حسن بن فلاح ال خليف الوداعين رحمه الله اخوك فتى الوداعين

المشاركة الأصلية كتبت بواسطة بدر بن صقر العجالين (المشاركة 329589) الله يرحم ( حسن بن فلاح ).. وصح الله لسانك يا بن بطيّحه.. بيض الله وجهك.. وتقبل تحياتي،،

المشاركة الأصلية كتبت بواسطة نادربن نادر (المشاركة 329598) اللة يرحم حسن بن فلاح ويسكنة فسيح جناتة وانت وافي يابن العم..........صح لسانك ويستاهل حسن اللة يرحمة تقبل فائق تحياتي........

المشاركة الأصلية كتبت بواسطة مبارك الخييلي (المشاركة 332266) رحم الله فقيد الدواسر وأسكنه جناته وألهمنا الصبر والسلون صح ألسانك يابن بطجيه وبيض الله وجهك تقبل شكري والتقدير

المشاركة الأصلية كتبت بواسطة فارس الكلمه (المشاركة 332284) ابن بطيحه صح الله لسانك ورحم الله الميت واحسن مثواه

المشاركة الأصلية كتبت بواسطة خالد بن محمد (المشاركة 332669) صح لسانك يابن بطحيه والله يرحمه ويسكنه الجنه،،،،،،،،،، تقبل تحياتي وتقديري،،،،،،،،،،،