|
كل شعراء المنتدى... مطلوب مشاركتكم (أجمل الأبيات)
فكرة بسيطة ( ترويحية ) أتمنى تحوز على رضاكم: ـ دعوة لكل الأخوة شعراء المنتدى للتعليق بـ (ثلاثة إلى خمسة أبيات) على هذه الصورة وما قد توحيه لنفس الشاعر : http://www.t7mel.com/Files3/be8b650e4c.JPG وبانتظار آرائكم أولاً ، ثم إبداعاتكم ثانياً وتقبلوا محبتي وتقديري ،،، |
رد: كل شعراء المنتدى... مطلوب مشاركتكم (أجمل الأبيات)
أفا أشوف القراء ماشاء الله كثر ولا تعليق من شعراءنا المبدعين على كل حال راح افتتح السوق بهذين البيتين التلقائيين:
جلسة(ن) في البر لو هي بس ساعة=منوة اللي عاش فازعاج المدينه مع خوي(ن) طايلن بالطيب باعه=سعد منهو صار بالطرقة يمينه ليت منهو جاير الايام طاعة=وشب ضوه في الخلا.. واسعد عينه |
رد: كل شعراء المنتدى... مطلوب مشاركتكم (أجمل الأبيات)
اقتباس:
الله الله الله يابوعبدالمحسن على هذي الفكره النيره فكره ممتازه وطرح متميز كالعاده وصح الله السانك وعتلا شانك على هذي الابيات الراااااااااااااائعه ومثل العاده الجزله ترافق دبرك يابوعبدالمحسن ونأما من الاخوان الشعراء التجاوب مع هذا الموضوع الطيب وتقبل مني ارق التحايا اخوك / ابوراشـــــــــــــــــــــــــــــد |
رد: كل شعراء المنتدى... مطلوب مشاركتكم (أجمل الأبيات)
ياليت منهو في الخلا شب ضوه=مابين بـر المستـوي والعدامـا يالله يابو مسرع نبي منك خـوه=الجيب عندك ياعشيـر النشامـا وانا علي عزبـه وكيـف(ن) يـدوه=وقصايد(ن) مابين ربع(ن) حشاما |
رد: كل شعراء المنتدى... مطلوب مشاركتكم (أجمل الأبيات)
اقتباس:
صح بدنك وطول الله عمرك يابوراشد والفكرة اللي تحوز على رضاك واللي شرواك نشتريها بفلوس ياغالي دمت بعافية وشكراً لمرورك من هنا وتقبل أزكى تحية ،،، |
رد: كل شعراء المنتدى... مطلوب مشاركتكم (أجمل الأبيات)
اقتباس:
الله الله يا بوجزاء بديت تخش في جونا ( شعراء المنتدى) وهذي الساعة المباركة ومن ناحية الخوة أبشر بسعدك وجهز عزبتك والجيب جاهز وعليك تحديد الجهة سعيد بتجاوبك طال عمرك وهذي الفكرة المباركة اللي بينت بعض الكنوز المخفية تقبل ودي وتقديري ،،،، |
رد: كل شعراء المنتدى... مطلوب مشاركتكم (أجمل الأبيات)
نايف كفو وابشر لاجيت صوب الرياض بس لاتنسى المشرفين نبي خوتهم كلهم
|
رد: كل شعراء المنتدى... مطلوب مشاركتكم (أجمل الأبيات)
السلام عليكم ورحمة الله وبركاته:
حبيت اشارك بهذه الأبيات وتسمحلي يااخوي نايف بأني زدت بيت عن الحد الأقصى:-
شاقتني الصورة وانا كنت مشتاق = للبر وابعد من ازعاج الخلايق يازينها جلسة بلا سور وارواق = اخير من جلسة بوسط الحدايق مع نشاماً تبهج الصدر لا ضاق = يعجبك زين علومهم والطرايق ننساك ياسعر البداية والإغلاق = والسوق كلّه لو يجي به حرايق ولا همنا وش صار فإيران وعراق = علوم السياسة وانطماس الحقايق لأنه زمانن صار ماعاد ينطاق = والرابح اللي فيه هادي وراااااااايق |
رد: كل شعراء المنتدى... مطلوب مشاركتكم (أجمل الأبيات)
لاهنت يانايف
والمعذره تو شفت موضوعك ونا مستعجل ودي كان اعلق بأفضل بس ألدخله الجايه انشالله
ياماحلا عن ضجة المدن مكشات=لامن نبات العشب شعشع خضاره في فيضةٍ مطارها سوق رشات=فيحاً يحيّر سيلها في زباره ابرك من السهرات واللف والشات=(خوة نشاماً معرفتهم تجاره) |
رد: كل شعراء المنتدى... مطلوب مشاركتكم (أجمل الأبيات)
بيض الله وجهك يا نايف على الفكره الرائعه ،، فكره في قمة المتعة ،، لا هنتم جميعاً ،، ننتظر التفاعل من جميع الشعار ،، تقبل مروري، مع خالص التحية والاحترام. |
رد: كل شعراء المنتدى... مطلوب مشاركتكم (أجمل الأبيات)
الاخ الغالي / أ. نايف بن مسرع اسمحلي بهذه الابيات المتواضعه والبسيطة والتي قلتها على عجله لعلها ترقى الى ذائقتكم
اللي مهيضني على بدع الأبيات = شوف الحطب ويا الدلال المباهير لاخلا ولاعدم من ملاحظاتك يا ابو محسنو يا ما حلا عقب الكدر والدوامات = سوق القدم يم النياق المغاتير من فوق جيبٍ صمموه الخواجات =ثم وردوه لدارنا بالبواخير ومعيه نشاما ماتحسب الخسارات = شروى أبو محسن(1) زبون المخاسير (1)-نايف بن مسرع والسموحه على القصور |
رد: كل شعراء المنتدى... مطلوب مشاركتكم (أجمل الأبيات)
اقتباس:
الله الله الله وش ذالزين يابو سالم وصح لسانك وسلم بنانك شرواك الطيب طال عمرك ولا أقول لك إلا مثل ما قلت لفيصل بن جزاء الجيب جاهز وانتو تحددون اليمة بس. وهذا والله الموضوع المبارك اللي كشف لنا عنك وعن فيصل وراح يكشف لنا عن غيركم من الشعراء اللي حنا بحاجة لتواجدهم في هذا المنتدى الحلم...... ولذلك أعدكم بالاستمرار في طرح مايستثير قرائح الشعراء اللي شرواكم. تقبلوا ودي وتقديري ،،، |
رد: كل شعراء المنتدى... مطلوب مشاركتكم (أجمل الأبيات)
يانايف ارجوك تكفا لاتهيضنا=يكفي عنا الوقت يالغالي ولوعاته ياليت منهو بذا المنظر يعوضنا=في وسط عشبن بعيداتن مسافاته ودلال كيفن الا ضقنا تروضنا=بحضور فيصل(1) عسى الله يرحم امواته ومسعود(2) يلي على القلطه يحرضنا=والمسعري(3) دوم يطربنا بأبياته وابن الشرافي بوسالم(4) هو مفوضنا=في وسط برن يطيب اليوم مكشاته مرباع طيب وفيه الله حافظنا=وارجي من الله يجمعنا بطاعاته وأسمحولي على القصور... (1): فيصل بن جزا الغييثات .. (2): مسعود بن سعد المقابله.. (3): راشد المسعري.. (4): عبدالرحمن بن سالم الشرافي.. وطبعا نايف بن مسرع اولنا...... وكل المنتدى بس اني طريت اللي مشاركين بالموضوع فقط... ولاهنت يابومسرع على الفكره الطيبه... |
رد: كل شعراء المنتدى... مطلوب مشاركتكم (أجمل الأبيات)
حسيبك الله يانايف ***تفرك على الجرح ليمونه:( دوكم ولاتدققون على مالم ينقّح ..
آه من قلبٍ هواجيسه تدّكه=من غرابيل الحياة ومن شركها ولاَ تفكه لين سجاّنه يفكه=من زنازين الرياض ومعتركها ون فتح باب الفرج ماعاد أصكه=أكفخ الجنحان في نجد وفلكها مع ربوعٍ طيبهم مافيه شكه=لين ندهل خبةٍ محدن سلكها عقبها جوّد أبويحيى وذكه=لذة الدنيا يبن مسرع ملكها |
رد: كل شعراء المنتدى... مطلوب مشاركتكم (أجمل الأبيات)
اقتباس:
صح لسانك ياراشد على هالابيات الجزلة ، والزود ولا النقص ياطويل العمر دمت ودام شعرك الجميل والسلام |
رد: كل شعراء المنتدى... مطلوب مشاركتكم (أجمل الأبيات)
اقتباس:
وصح لسانك على الأبيات الرائعة واللي مهيب غريبة من شاعر مثلك سلمت وبانتظار عودتك ،،، |
رد: كل شعراء المنتدى... مطلوب مشاركتكم (أجمل الأبيات)
اقتباس:
مرحبا ومسهلا يا صالح وشرفت المتصفح وراعيه بمرورك الغاالي ياغالي سعيد بإعجابك بالفكرة ولاتحرمنا شوفتك ،،، |
رد: كل شعراء المنتدى... مطلوب مشاركتكم (أجمل الأبيات)
اقتباس:
هلا وغلا يابدر والحمد لله أنت ثالث شاعر نكتشفه في هذا الموضوع المبارك اللي كشفكم شكراً لمداخلتك وتعليقك وشكراً لأبياتك الجميلة وصح لسانك ياغالي |
رد: كل شعراء المنتدى... مطلوب مشاركتكم (أجمل الأبيات)
أخذت من روحي ألروحي نصايح........ثلاث يرضن النفوس الضياقي
جمع الحطب ومعلقات الذبايح........وحذف النشاما للغتر والطواقي |
رد: كل شعراء المنتدى... مطلوب مشاركتكم (أجمل الأبيات)
فكره طيبه من رجال طيب
وموضوع اكثر من جميل يـــــــــازين جذب الدلي على واهج النار&&&يوهج خوافي القلب ثم يظهر سرايره ويـــــــازين جذبتها معا بــــن وبـــــــــهار&&&يذهب وجاع الراس ثم يجلي سعايره ويـــــــا زين ليل السمرعلى حطب ووجار&&&وعلى مجالسن مابها النمامه دايره |
رد: كل شعراء المنتدى... مطلوب مشاركتكم (أجمل الأبيات)
اقتباس:
صح لسان يابو بحيى والحقيقة مشاركة مثلك في هذا الموضوع مكسب طال عمرك دمت ودام إبداعك وتقبل محبتي ،،، |
رد: كل شعراء المنتدى... مطلوب مشاركتكم (أجمل الأبيات)
|
رد: كل شعراء المنتدى... مطلوب مشاركتكم (أجمل الأبيات)
شكرا لكل من شارك شكراً لكل من علّق شكراً لكل من أطرى شكراً لكم جميعاً وأعتذر في التأخر عن الردود عليكم وللجميع عظيم الود والمحبة ،،، |
رد: كل شعراء المنتدى... مطلوب مشاركتكم (أجمل الأبيات)
كل الشكر لمن مر هنا ( تصفح ـ شارك ـ رد ) ودمتم بعافية ،، |
رد: كل شعراء المنتدى... مطلوب مشاركتكم (أجمل الأبيات)
اخو
|
الساعة الآن 03:52 PM
 |
Powered by vBulletin® Copyright ©2000 - 2025, Jelsoft Enterprises Ltd.
---
