قالوا دعيت لحفلـةٍ عنـد اغـرره=وش عندك بنسمع من انتـاجٍ جديـد
في ليلة والها مـن العمـر ثمـره=عسى هجوسك من نوادرها تصيـد
قلت البداية بـا شكـر الله واذكـره=الواحد الرحمن فاعـل مـا يريـد
الواحـد اللـي نعبـده ولـم نـره=الله يجملـنـا بميـقـافٍ سـديـد
سلام يا هل الحفل من قلـب شـره=على قصيدٍ غاب في يـوم القصيـد
وسلام للي ساق رجلـه وحضـره=في ليلةٍ كنهـا مـن الايـام عيـد
واللي قرا في خافي الفكره اعذره=إن كان عجز اليوم عن نظم الفريد
موتة دغش تسوى من الناس اعْشره=أنا اشهد إنـه فاجعـه وانـه فقيـد
وانا اشهد انه صعب تضنا به مـره=وصعبن نحصل له مثل شخصه نديد
الله يبيحه كـل مـا البـال اذكـره=ويالله تبيحه لا طرق بابـك وحيـد
واختامها وان كان جينا يا غـرره=كلمة نعم لأمثالكم شيـك ورصيـد
واللي عرف وش خافي القلب اعذره=أرجو المعذره..كان ما تم القصيـد

المشاركة الأصلية كتبت بواسطة wolf (المشاركة 136387) اولاا عظم الله اجركم يا دواسر في الفقيده دغش بن بطي انا والله لا اعرفه ولكن ارى ردوده ومشاركاته اللي تدل على طيبه اسكنه الله فسيح جناته بأسمي ممثلا عن قبيلة بني هاجر اقدم واجب العزاء الله يرحمه ويسكنه الجنه ويلهم اهله الصبر والسلوان وثانيا بالنسبه للقصيده فأنها تدل على المصاب الجلل ولانيب لايمك والله يلوم اللي يلومك وصح اللسانك يا دوسري اخوك ذيب الهاجري

الغالين:
فالح الشكرة
سالم الغريري
هايف العماني
الركن
خالد الخييلي

الشكر كل الشكر لتفضلكم بالمرور
والتكرم بالتصفح لمتواضعتي
وكلي امتنان لحلاوة تعليقاتكم وحسن ظنكم
تقبلوا وافر تحياتي
أخوكم ( نايف )

الغالين
أبو زيد الغييثي
wolf
الواضح
عبدالكريم البليهي
فهاد الغييثي
أبو عبدالرحمن الودعاني

شاكر لكم كريم التصفح ، وجميل التعليق على هذه المقطوعة المتواضعة التي لا تفي بحق أخونا المرحوم دغش ، ولا بأبناء العمومة (الغررة)
دمتم بعافية وتقبلوا محبتي ،،،