لين العود قلبي بالغلا منصح له = اشهد انه تمكن في ضميري صوابه
يوم جاني جوابه رحت له في محله = عقب ماغاب من عيني وطول غيابه
يوم جيته تريضنا على شرب دله= ودي اجلس معه لا جيت واسمع جوابه
ناعس الطرف من يجلس معه ما يمله= لا تكلم كلامه فيه لطف ولبابه
زين مجدول اشقر فوق متنه يهله= والنهود الصغيره محفيتها ثيابه
صوبني عيون ناعسات مضله= لا شبحني بهن ما عاد رديت جابه
عودها عود الموز والسحايب تعله= وخدها برق صيف فالدجى ينسرابه
ياحسين الوصايف منك كبدي مغله= اوفني ديني اللي صار عندك طلابه
انت معطيك قلبي مير لا تستحله= الخطاء ياحسين الدل ما ينرضابه
هايف الخصر شيد وسط قلبي محله = لو تطول السنين ولو يطول غيابه
وسط قلبي نزل سمح القبل واستحله = وصرت كني مليك له ولاقول جابه
ماقويت الصبر ودموع عيني تهله = وماقبلت العزا في قلبي اللي غدابه
عذره انه يقول ان المجي ماحصله= والدقايق بوقته صار فيها طلابه
ما درى اني على المسيار كبدي مغله= ونتي كان شي مرني مادرابه
بعض الاحيان اجي من عند بابه وازله= وبعض الاحيان ماصحي كون انا عند بابه

المشاركة الأصلية كتبت بواسطة خيالية (المشاركة 453424) انـت معطيـك قلبـي ميـر لا تستحلـه الخطاء ياحسيـن الـدل مـا ينرضابـه صـــح لســااان الشــااعر . عذره انـه يقـول ان المجـي ماحصلـه والدقايـق بوقتـه صـار فيهـا طلابـه صـــح لسااانك الله لا يهينك ..

المشاركة الأصلية كتبت بواسطة حسن بن بطحيّه الودعاني (المشاركة 453460) صح السنتكم جميع ماقصرتو وابدعتو وفقكم الله تقبل ودي,,

المشاركة الأصلية كتبت بواسطة الجراح (المشاركة 453548) صح الله لسانك يابو سالم على الجزله وصح الله لسان شاعرنا ابن حشفل الخضراني تحيااااتي

المشاركة الأصلية كتبت بواسطة فتى الشكرة (المشاركة 453600) ابو سالم الله لايهينك وصح الله لسانك مدد ماهوب عدد ولايهون اخونا الشاعر /محمد بن محسن بن حشفل الخضران ولاتحرمونا من جديدكم

المشاركة الأصلية كتبت بواسطة بدر بن صقر العجالين (المشاركة 454380) صح الله لسانك يامحمد جاريت فأبدعت:) لله درك وإلى الأمام تقبل تحياتي،،

المشاركة الأصلية كتبت بواسطة راشد المسعري (المشاركة 455024) الله الله ، وش ذالوصف ذا كله يابو سالم :icon10: صح لسانك ولسان الشاعر القدير محمد بن محسن بن حشفل وبيض الله وجهك ووجهه على القصائد الجزلة . لاهنت يالقرم وتقبل ودي وتقديري ،،،