اغليت من بد المخاليـق قلبـك=ولا دريت ان بغلاتـك جريمـه
اسج والقى سجتي فـي مهبـك=واضحك واثر فالعين دمعه يتيمه
ياصاحبي والله ماغيـر حبـك=ينضح جديده بالغلا من قديمـه
شفني وانا من زود حبك اسبـك=يابن الذينَ حس حسه رحيمه

رافــق قــوي الديـن حـفاظ الأسـرار =ينفــعـك فــي يــوم تجـي بــه كــراره
تـرى الهـوا والـغي هن شر الأشرار = ومن داس عار الناس داسوا لــعاره
جنّـــب ردي الكــار ما فـــيه تعـــبار = ما فــيه مــن فــعل المـناعــير شــاره
جنـب عــنه خــله لقـصـاف الأعــمار = واحفــظ وصــاتي يارفــــيع المـــناره

يـم الملامـه لا تسـرِّح رعايـاك=شف المديح وسق رعايـاك يمـه
والمورد اللي وإنت عطشان يجفاك=طرد السراب أخير من قرب جمـه

عادني حـادي ركابـي علـى نفـس المسـار=حالـفٍ مـا احيـد عنّـه يسـار ولا يمـيـن
ماشـيٍ فيـه بقناعـه ، ورغبـه ، واختيـار=ما مشيته لجـل مـا آحـوز مـدح المادحيـن
انظـر عيوبـي بعيـن الأسـف والانكـسـار=واحسب ذنوبـي لا نامـت عيـون الغافليـن
وكلّما ازددت ارتفاعًـا عـن احقـاد الصغـار=كلّـمـا ازددت انحـنـاءً لــربّ العالمـيـن

ماني من اللي يرخص النفس لا ضاق=ولاني من اللي يرخص اليوم غالي
سبحان ربي كرم النفس بأخلاق=( الطيب ) عمي ومصدر الجود خالي

ياقلب لا تشرهـ على بعض الكلام = ماكل خَلق الله مع الدرب السوي
وإن ما حصل لك خوّه الناس الكرام =أحسن لك تعيش الحياة بلا خوي

الصبر محمود العواقب افعاله=والعقل اشرف ماتحلا به الحال
والصمت به سر سعد من يناله=والهذر به شر وشوم وغربال
ولا خير في اللي ما يصدق مقاله=فعل بحالات قصيرات وطوال

الذم مايهفي للأجواد ميزان= والمدح مايرفع ردي المهافي

الذل.. ما يحتاج طرد وتعني =والعز عسر، مهلكات، وقايعه
ولا فيه عز ما تداوى جروحه =ولا فيه ذل.. قد تداوت وجايعه
اللهُ اكبر يا زمااان تغير =شريت فرخ البوم، والحر بايعه
وقت على الأنذال.. ستر مضفى =ولا على الأجواد.. تظهر فجايعه