::: مـنتدى قبيلـة الـدواسـر الـرسمي ::: - تبعثر حلمي قدامي وغديت بدنيتي منزوح

- :: قسم الـشعر العــام :: (http://alduwaser.org/vb/forumdisplay.php?f=16)

- - تبعثر حلمي قدامي وغديت بدنيتي منزوح (http://alduwaser.org/vb/showthread.php?t=59512)

رد: تبعثر حلمي قدامي وغديت بدنيتي منزوح

ضامي القلب من قـّل الفرح في زمانه
كل فرحه تضـمّـه يعتــبـرها الأخيــره
وإن فرح كـِّن وجدانه على قـّل امانه
طفل يلمس هدايا العيد في كف غيره

رد: تبعثر حلمي قدامي وغديت بدنيتي منزوح

آتهوزني بالهجـر ومفـارق العيـن
وماتـدري آن كبودنـا مستريحـه

روّح وسمّـح الله درب المقّفـيـن
مـن راح عنـآ فالـه الله يبيحـه

لابه توجد شـوق ومواجـه الشيـن
ومخدتي من كثـر نومـي مريحـه

رد: تبعثر حلمي قدامي وغديت بدنيتي منزوح

بـدايـة الحـلم مثـل اخـر نهـايـاته
تمـوت الاحـلام لا مـن جيـت احققهـا
الـعمـر راضـي رغـم حـزنه ومـاسـاته
والـروح ترضـى على تقـديـر خالـقهـا
عمـري قطـار السنيـن من الاسـى فـاته
ملـيت اذكـر عيـوني ليـن اضايقهـا
مليـت حتى وقـوفـي في محطـاته
وابلـش بعبـره بوسـط الحـلق خـانقهـا
حلـمي خـرافـه وانا راوي حكـاياتـه
وازريـت من زيفهـا لاقـرى حقـايقهـا
كتـاب الاحلام و سطوره وصفحـاته
حبـره خيـالي و دمعـاتـي توثقهـا
بدايــة الحلـم مثـل اخـر نهايـاته
قصــه لـو هـي ورق والله لاشـققهـا

رد: تبعثر حلمي قدامي وغديت بدنيتي منزوح

يـ صـاحبي وإن زاد ظلـم المخاليـق
فـلا تحسب إن الله عن الخلق سالـي
والطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انـه الى الحين غالـي

رد: تبعثر حلمي قدامي وغديت بدنيتي منزوح

أنـا مـا طحت مـن عـيـن المـواجـع يـوم أنـا مـكسـور
أنـا مـن كـثـر مـا فينـي مـواجـع طحـت مـن عـينـي

رد: تبعثر حلمي قدامي وغديت بدنيتي منزوح

تعبت أنزف جراحي حبر وأدور للألم أسباب
لجل أكتب شعر يحكي بعض أصغـر معاناتي
قفلت من الأسى بابي وسجنت الكون خلف الباب
وعصتني دمعةٍ فيهـا سؤال لكل اجاباتي
ملل أخبار حسّادي أحد صادق وأحد كذاب
وأحد ما طال تجريحي وأحـد عايش لزلاتي

رد: تبعثر حلمي قدامي وغديت بدنيتي منزوح

لا بـاس وإن طـاحـت عـواميـد بـاسـك
يضحـك احجـاجـك والمخـالـيـق عبـاس
ويـموت كـل الخـلق ويعيـش راسـك
والله لـو طيبـك يسطـر بقـرطـاس
كـان انقضـى حبـره على طيـب سـاسـك

رد: تبعثر حلمي قدامي وغديت بدنيتي منزوح

لا خـاب ظنـي بـالرفيـق المـوالي
مـالـي مشـاريهٍ على نـايـد النـاس
لـعـل قـصـر مـا يجيلـه ظــلالـي
ينـهد مـن عـال مبـانيـه للسـاس
لاصـار مـا هــو مدهــل للرجـالي
وملجـا لمـن هـو يشكـي الضيـم والبـاس

رد: تبعثر حلمي قدامي وغديت بدنيتي منزوح

احـرص تـوهـق تجـرح النـاس بـالهمـس
يجـرحـك مـن بـه عنـفوان وشـراسـه
وكانـك تشـيل بشنطتـك حـقـد قبـل امـس
يجيـك واحـد شنطتـه فـوق راسـه
وكـانـك جـديـد تـوك متعـلم الـدرس
حـنا عرفنـا الـدرس قبـل الدراسـه

رد: تبعثر حلمي قدامي وغديت بدنيتي منزوح

يقـولـون الـعرب صـدر الشمـالـي مـايضيـق بسـاع
وانـا اقـول الصـدور اليـوم مـا عـادت شمـالـيه
بـدت فـي داخلـي ضيقـه عجـزت القـى لهـا مطـلاع
تغيـب وتـرجـع وتـرجـع تغيـب ومـالهـا نيــه
عمتـني كـلمـه جتـني وضـقت وضـاق صـدر الـقـاع

رد: تبعثر حلمي قدامي وغديت بدنيتي منزوح

الصمـت حكمـه والحكي مــصـدر إفـلاس
ولقيـت فـي صـمـتـي يـزيـد احـتـرامـي

رد: تبعثر حلمي قدامي وغديت بدنيتي منزوح

سلم عليهم , قلهم إني إرتحت
مـا عاد لي فيهم من اليوم حـاجـه
علمهم إني لو يطيحون مـا طحت
جذع ٍ تصدا لـ الزمـان و عجـاجـه

رد: تبعثر حلمي قدامي وغديت بدنيتي منزوح

يـا صدمتـي فـي أكثـر احبابـي .. ويـا خيبـة ظنونـي
يا ضيق صدري .. لا ذكـرت انّـي عليهـم مـا كذبْـت

يـا طعـنـةٍ خلتـنـي انسى من سبايبـهـا .. طعـوني
يـا جـرح مالـه طـبّ حتـى لـو أقـول:- اليوم طبْـت

البارحـه والله يكـون بـعـون احاسيسي .. وعوني
أحاول اهرب مـن عمايلهم ولـكـن مـا هربْـت

ما كنت احسّ انـي أنـا أنـا .. وهذا الكون .. كوني
أمُـرّ فـي حالـة ضيـاع .. وشبـه غيبـوبـه .. وكـبْـت

أحباب اي أحباب ذول اللـي علـى موتـي خذونـي
الظاهـر انـي شبْـت .. ياعالـم .. وانـا مـا بعـد شبْـت

سألـت نفسـي هُـم يبونـي صــدق ولا ّ مــا يبـونـي
أجـبْـت نفـسـي وليتـنـي عـلـى سـؤالـي مــا أجـبْــت

اللـي لهـم مُــدّه وهــم فــي داخـلـي .. واستغفلـونـي
يـامـا استغـلـوا طيبـتـي معـهـم وكــل الـلـي وهـبْـت

وهبتهم قلبي.. وشعـري.. وكلما حولي ودوني
تعـبْـت معهم بس ما كـنّي رغم هــذا.. تعـبْـت

شعـرت فـعـلاً بالـعـذاب.. وغـصّـة الـدمـع بعيـونـي
قرّبتهم منّي وانـا اللي كنـت احسْبنّي قربْت

عشانهم قـررت ابـيـع الـلـي مــن العـالـم شروني
عشانهم بطّلـت لعـب .. وليـتني والله لعـبْـت

مادامهـم مـا قـدّروا صدقـي .. ومعـهـم جرجـرونـي
لـو ادري آخرهـا كـذا .. مـن أول الـدرب انسحبْـت

أحبابهـم واجـد .. ولا ادري ليـه بالـذات اخدعونـي
مع ان عمـري مـا خدعـت انسـان .. أو حتـى قلبْـت

يـا قوّهـا صدمـه .. وانـا لـون الغـدر مـاهـو بلـونـي
وربّـي مــا أنــلام لــو بـعـد الــذي ســوّوه .. غـبْـت

ماكنت ناقص صدمه اخرى في حياتـي واصدموني
مصدوم خِلقه .. لين مـات الحـب فيني وانعطبْـت

الحين مدري كيـف اعاملهـم .. وهُم ما قدّروني
ما استوعبوا للّي كتبْـت مـن الجروح .. ومـا كتبْـت

الله يجازيهـم عـلـى استنزافـي .. وحرقـة جفـوني
مـا كنـت حاسبهم يبيعون الغلا .. يومي حسبْـت

اثْــر الغـلـط مـنـي لأنــي كـنـت اسلّمهم جنوني
لكـنّـي أعلـنـهـا صـريـحـه "تبْت والله ثم تبْت"

ما عاد لي رغبه أجـدّد في علاقتـهم طعـوني
خسرت في هذا الطريق اضعاف ضعف اللي كسبْت

أحسن لي ابعد واشتري نفسي .. ولا خيبة ظنوني
إن طبْت من جرحي .. وإلا ّ.. جِعْلِني ما يـوم طبْت