حنا العرب يامدعين العروبه=حنا هل التوحيد وانتو له اجناب
يوم الفقر شلتو علينا عيوبه=واليوم يوم النفط صرتو لنا اصحاب

صيـروم ضربـه بالـهـداد انقضـاضـي =مـضـرب كفـوفـه بالحـبـاري شنيـعـه
طـلـعـه علـيـهـن فــــزة بانـتـهـاضـي =يــردم ولــه كـسـرة عليـهـن سريـعـة

المهره اللي يتل القلب طاريها = عريبة الجد غاياتي ومنشودي

المراجل تبي من يرتكي للحمول = ومن يروم المراجل لا يمل السهر
ومن تكسر شدادة لايدور ذلول = ومن تردى نصيبه لا يسب الدهــــر
وزهرة العمر لاطاحت بكف الذبول = مابقى بالليالي مايشد الظهـــر

لبّيه ..واللّـي مـا يجاوِبْـك لبّيـه=عسى زمانـه مـا يلبّـي طلوبـه
ما دِمْت يا باشا ويا حضـرة البيـه=لبّيت له مـن بـدّ نـاسِ دروا بـه
عمري بـلا ملقـاك..والله ماآبيـه=والله لو أخطى عنك لأقـول توبـة
والله لا يرحـم جـدوده ولا أبيـه=انْ كان يكْذِب والتبس غيـر ثوبـه
يابنت جمر الشوق لاغبْـت شبّيـه=وأنا ليـا شبّيـت زيـدي شبوبـه
مِدّي بفنجال الغـلا لـي وصُبّيـه=نوبة وأنـا بأمِـدّ وأصُـبّ نوبـة
دلّة هوى..للـراس كيـفٍ وتنبيـه=والقلب يطرب يوم طابت شروبـه
يطْرُق هجوسٍ طايلة فـي مخابيـه=عبّر بها عقب البطى فـي سلوبـه
من يوم حدّه ورع يذْكُـر مرابيـه=الين قبـل شـويّ يـادوب دوبـه
طبّ الهوى واليـوم يابنـت طُبّيـه=خذيـه ضُمّيـه بحنـان وعذوبـة
الحب طفلٍ من على يديـك ربّيـه=خلّيه محضون بدلـع فـي قلوبـه
وعن شوف بعض الناس تكفين غبّيه=ولا يهمِّك لـو فرضنـا دروا بـه
غيضي مشاعِرهم وزيـدي وحبّيـه=كيدٍ لهُـم بنحورهم..يشبعـوا بـه
وأنا ادري انّي بسّ لو قلـت لبّيـه=ماتوا قهَر..يا خسّها مـن عقوبـة

يامرحبا ترحيبة تنصا الرجل من الرجال =من لابة تكره يسار الدرب وتحب اليمين
أعداد ماذعذع هبوب الخير من نو الشمال=وأعداد حجاج الولي وأعداد مايسجد جبين
ترحيبة ٍ فنجالها يطرب كريمين السبال=من دلة ٍ لاذاقها الضرمان نوخ ليليتين
في حفلة اللي هيبته مابين عم وبين خال=لاوالله ألا بين ناس بالفخر متوارثين

عسى الحـيـا بديـار وادي الـدواسـر ,, ,, ,, ربعي هل الطـالات يستـاهلونـه
ربعـي هـل الطـالات ربـعـي اكــابـر ,, ,, ,, يـطـاولـون الـغـيـم ويـزاحـمـونـه
ان قيـل حاتـم قلـت حـاتــم يـفـاخـر ,, ,, ,, وان قيل عنـتر عـنـتره يشبهونـه
وان قلـت وان ما قلت ياهم كواسـر ,, ,, ,, يكسـرون الـعـظــم ويـجـبـرونـه
وقت الرخا سمن وعسل والمخاطر ,, ,, ,, سقم المعادي لاحتمت يقهرونه
والـفـيـن نـعــم بـالـقـبــايـل قـواطـر ,, ,, ,, مدحي لربعـي حـق ماينكـرونـه



وسم العصا

كل الدواسر وكل الفخر وانسابه = هم ماكر الطيب والضيفان تطربها
خيالهم في عجاج الخيل يدرابه = شبابة الحرب يوم الحرب تطلبها
لا جاء نهارا يثور الجو بترابه = تثبت لضرب العدو ما هوب كربهــــــــا
قصيرهم في العرب ما توخذ اركابه = وسم العصاياجماعه من عجايبها

دعت سمرالجدايل وانتخت بالقذلة الهلة =تبي مني عروس للقصيد ازريت لاغويها
ويوم اني لقيت لها الخلود وجيت ابوصل له = تنحرك الكلام اللي فهقها دون مغليها
خضع لك راس مسبوق القصايد وانحنى كله = وانا بك شاعرالدنيا ومشغلها وماليها
يذكرني رحيلك مجلس باق على حله =مداهيل الرجال اللي تنومسنا مواطيها
هنا سليت سيف يوفي الثارين من سله = هنا علقت رمح يطعن الجوزا ويطفيها
هنا بينت مصحفك الكريم ودلنا دله =معك نبدا مواعيد الكلام وننتهي فيها
هنا ساقيت غصن من غلا كنا تحت ظله = نسولف بالغنا يا بايع الدنيا وشاريها
هنا كان الرجال جبال ما تقبل خنا الزلة =عمايمها سحاب وابله باقي مواظيها
رجال لو تشوف الماء غدر ما شربته لله=نبت عشب الرضا يا سيدي بأول مغازيها
هل التوحيد وكنوز العلوم ونصرة الملة =رجال يضحك التاريخ لولها وتاليها
هنا ماضيك ورياض الخليل اللي رعى خله = شربنا عذبها مدري لعبنا في مغانيها
هنا تخنقني العبرة وانا اكتب يا رسول الله =على قبرك نسيت الناس حاقدها وحانيها
وابو قبر يتيه من الفخر بالبيد وتجله = على حسد تبين من سمايمها وصاليها
ويهناك الوفا قبر يضمك في ثرا تله = ما دامه بين فردوس الجنان وبين منشيها
وانا لامن ذكرت فراقك اللي في يدي غله =نسيت ان الليالي شيبتني من بلاويها
على بعد الزمان اللي يعقد الحبل ويحله = ليامني ذكرتك طاحت الدمعة وراعيها
سلام الله ما هز الصبا نسرينه و فله =على الطفل اليتيم اللي عطى الدنيا معانيها