قم يانديبي على الفكسار ودبله=بامر ٍ من المنتدى تمشيه بالحالي
وامر ٍ من المنتدى ملزوم تفطن له=رسالهٍ عاجله مرسومها عالي
مرسومها بالشكر ياصل على حله=شكرٍ وتقدير للي فعلهم طالي
يامسندي دبل الفكسار ثم تله=ونصه الي يزبن لازبن جالي
نصه دغش يومها دايم تقدم له=رجلٍ تعرفه جنوب وشرق وشمالي
راعى الجزاله وابو حجاج منفله=شيخٍ بفعله وعلمه دايم جزالي
عطه الشهاده وقله ياولد قله=لو نجزي القرم ما نلقى له جزالي
ثم عقبها درج الفكسار وامهله=ثم نصه الي على الطالات مستالي
فهد الغريري وكل الناس مدهله=يدهله من نصا للطيب فعالي
شيخٍ ولد شيخ والافعال مندله=انشهد انه يفك الي بها جدالي
عطه الشهاده على المجهود تبذله=قله على شكركم يالله نحتالي
خصيتهم يومهم ربعٍ على المله=ربعٍ تعزوابهم لحدك الصالي
في فعلهم جاتكم الابيات منهله=حبر القلم سال والابيات تقدالي