|
اقتباس:
صح لسانك يابومنيره وينك ياقهيدان الله لايهين ابو محمد شال الصفين |
ذبيت انا ياصاحبي فوق الجبال......واقول علم ماهو اضحوك ودلع.....يامسفر حنا عرفنا قرودها.....والي عقد روس الحبال يحلها
هرجي موكد ماهو هروج الهبال.... واشوف انا نار الملاعب تندلع......يقطع لسان ماعرف مقصودها.....والي عقد روس الحبال يحلها |
صح لسانك ياقهيدان و عساك على القوه في انتظار ابو منيره
|
ابو منيره سرى الليل
الدوام الساعه خمس عجل علينا |
خلووووها
وأنا ترا ياصاحبي سقت الحلال = والطير معروفٍ على شكله يقع قبلك عرفنا قرودها وفهودها = واللي عقد روس الحبال يحلها أنا بعد ما همني قيلٍ وقال = من نارها ياصاحبي ما ننصرع نرقا الجبال ولا نهدم رجودها = واللي عقد روس الحبال يحلها |
اقتباس:
الله الله الله يا شعار مسفر x قهيدان ويلي عليكم ياشعار مير مادريت عنكم رووووووووووووحوا وازهلوا الصفوف وطبعا حسب تفاقيه جنيف انا في صف ابو منيره اخوكم فتى الجود |
عسى الرجل لاصارت يمينه شمال.....عسى يمينه يالحبيبي تنقطع...مافدتك يمناه قصر حدودها...والي عقد روس الحبال يحلها
حنا عرفنا سبعها امن الغزال....ماقدر نوضح سبعها من الضبع.....لكن ليا هبت هبايب نودها والي عقد روس الحبال يحلها |
مرحبا مليوووووووووون بك يا فتى الجود أمسك الصف ولا تشتحن أخوك : مسفر المصارير |
اخوي مسفر المصارير انا استاذن
الرد يتاخر والله لايهينك والله اني اتشرف مع العب مع شرواك وراي دوام الساعه خمس اخوك/قهيدان |
خلوووها
أبطلب الله عزيز الجلال = يخزي الكفر ويذل أهل البدع البنت لا تغرك بكبر نهودها = واللي عقد روس الحبال يحلها أبنشدك يا الجعيدي سؤال = وبإجابتك ياصاحبي تقتنع خيمتك علامه طايحٍ عمودها = واللي عقد روس الحبال يحلها |
اقتباس:
أذنك معك يا قهيدان شرواك الطيب يا الغالي الله يعينك على ذا الدوام الرد يتأخر ( لان القافيه الله يجزاك خير تبي لها شوي من الوقت ) |
حنا منعنا كلمت فيكم تقال......وترك هروج مالها عندك سنع.... كان نسيت العلم ولع عودها....والي عقد روس الحبال يحلها
خيمة رجال الطيب فيها ماتزال....مبنيت من فوق راس في ضلع....اي والله انه زابنن مضهودها....واللي عقد روس الحبال يحلها |
الله لايهين الصفوف واخوي مسفر المصارير
وتصبحون على خير اخوكم/قهــــــــــــيدان |
خلوووووها
حنا نقهوي ضيفنا من الدلال = لا تبتدع فينا كلام لا تبتدع والنار لا من أخمدت نزودها = واللي عقد روس الحبال يحلها الصدق زين والصدق حلال = والكذب محرم وحرمه الشرع الله يحفظ المملكه وجنودها = واللي عقد روس الحبال يحلها |
وأنت من أهل الخير يا قهيدان المقصد من اللعب هو إرضاء أعضاء المنتدى الذين يعشقون المحاوره الله لايهينك أخوي قهيدان حقيقه كان لي الشرف لأني لعبت مع شاعر كبير والله لا يهين الصفوف المسانده أبن وتيد ** دغش البطي ** نمر بن الأشيب ** فتى الجود وتقبلوا تحياتي وتقديري أخوكم : مسفر المصارير. |
الساعة الآن 09:47 PM
 |
Powered by vBulletin® Copyright ©2000 - 2025, Jelsoft Enterprises Ltd.
---