ولي حياة الندامه ويش تاليها= ضاقت علي الوسيعه وين بولي
اطمن النفس وادلها وارجويها=واقول يمكن لياليها بيصفني لي
مير الليال حرمتني من حلاويها=وصارت مع الهم والهوجاس خصمن لي
اون من ضيقتي واصت واثنيها=ولا مشيت الهموم القشر يبرن لي
لاضاقت النفس مابه من يسليها=ورفيقي اصبح مع حضي عدو(ن) لي
انوم مع الهم واصحى مع بلاويها=وهرج النفس وحدي مابه مسلي
ياموت روحي عليك اليوم بهديها=والله ان تقوم القيامه مابرد غلي
اخير من دنيتن مارتحت انا فيها=سمحت من زينها والدق والجلي
وانا ادري ان علم نفسي عند واليها=مير اتمنى وفاتي يومها اهون لي
تقطعت بي من الدنيا عراويها=انا ابرم الحبل واثر الحبل ينفلي
لاوالله الا خلصت ورحت انا فيها=من دون في دون لين اقفيت انا كلي
والله لول صلاتي يوم اصليها=ولله اهلل واسبحن عقب ماصلي
لصير من جملة اللي في ملاجيها=امشي بلا عقل وجناني حليفن لي
يالله ياخالق الدنيا ومفنيها=بامرك يغيب الهلال وبمرك ايهلي
نفسن لجت والتجت بك لاتخليها=ماغيرك احدن الا ناديت يفطن لي
ارحم مسيكينتن ترفع لك ايديها=واصلح لها الشان والترحال والحلي
ماغيرك احد عليه الحال اشكويها=يضيع من جنبك ويجيك من دلي