العـيـد قــرّب والنـواظـر بــلا ضــي=أنـت الفـرح والعيـد وانــت الهـديـة
ودي بـشـوفـك ودي أقـولــك شـــي=مادامـنـي صــرت بغـرامـك ضحـيـة
من قبل عرفك كنت في مهجتي حـي=من كثر ما اسمـع عنـك هـذي وذيّـه
راقبت خطواتـك وكبـر الغـلا شـوي=كنـت أحسبـه عابـر وعــوّد قضـيـة
يـوم أحرقـت دنيـاي واحتجـت للفـي=لقيـت فـي قـربـك عــن الـنـار فـيّـه
ماهمنـي لاقالـوا النـاس: هــي هــي= اللي اسْبحت والموج ريحه عتيّة
ياعيـدي اللـي دونــه العـيـد لاشــي=أمـــا تـجــي ولا تـجـيـك الـوصـيــة
يموت زرع ٍ مالقى فـي الوصـل ري=وتطوى مع اهل الحب صفحـة نقيـة

والله أنها عيديه أحلى من حلويات باتشي يالشامخه:)

صح لسانك وسلم فكرك وبيانك ..

ياعيدي ألي دونه العيد لااااشي %%%% أما تجي والا تجيك الوصيه


ياسلاااااااااااااااااااااااااااااااااااااام على الشعر الذي يجبرك على تصفّحه بشغف:)

من قبل عرفك كنت في مهجتي حي=من كثر ما اسمع عنك هذي وذيّـه
راقبت خطواتك وكبر الغلا شوي=كنت أحسبه عابر وعـوّد قضيـة
يوم أحرقت دنياي واحتجت للفي=قيت في قربك عـن النـار فيّـه