من قبل ما ابـدى بالقصيدة واجيبهـا=فـي ليلــة(ن) للعــز جانــا نـديبــها
أبــدى بذكــر اللـي علينــا فضايلـــه=مـخفـف مصايبــها مهـون صعيبـها
اللــي إلى ضــاقت علــى العبد دنيته=ورفـع كفوفـه.... دعـوته يستجيبها
اللــي يبدل عســر الايــام باليــــسر=وياسعد نفس(ن)رحمة الله تصيبها
وبعــده ســلام يعم مـن كان حــاضر=في حفلــة(ن) كــل أبلجٍ ينلقـي بها
ســلام يـاهــل الحفــل كسابــة الثنـا=اللـي مــن الناموس تاخـذ نصيبهـا
وســلام للحضـــار مـــن كــل ديـــرة=اللـي بعيــــد جــدود واللـي قريبهـا
فـي ليلــة التاريخ والمجـد والفخـــر=نذر(ن) علي جزل القصايد لاجيبها
إن ماحضر شعـــري لتمجيـد لابتــي=باقي القصايـد خلها ويـش أبي بهـا
بـــالله ياتــاريــخ وقـــف وسجـــــــل=مفاخـر(ن) تبطـي الرواة تحكي بها
بالله يــــاتـاريـــخ واليــوم يومـــــــك=سجــل مواقف لابة(ن) فـاح طيبها
تعلم الاجيــــــال معنـــــى الحميـــــة=لاصاح من غارات بقعا... صويبها
سجل لنا بيـــن المناعيــــر وقفــــــة=يوم إن بعض الخلق ما ينغزي بها
وقفة شرف نفنـى وتفنــى عيـــالنــا=واحفــادنـا مـن بعــدنا تعتنـي بهــا
وقفة شرف من هامـة الـراس للقدم=للدوسريــة عــادة(ن)تشتقــي بهـا
من يوم ابن عــواد بالصــوت طـوّح=للابـة اللي فــاز مـن يعتـــزي بهــا
ينخى رجال(ن) جــدها دوسر الفحـل=... النفـس ياربعــي لحقـها طليبهـا
وماللحمول الكايــــدة غيـــر أهلـــها=ولالــي سواكــم لابة(ن) انتخي بها
جاته جموع(ن) كنها البحر لا التطم=كلــن يقـــول الطايلــة باغــدي بهـا
كلن بـــرك للحمل ويــدق صــــــدره=هذاك ابــو العليــا وهــذا صحيبهــا
كلن يقول المـال مــن دون ربـعـــي=والاموال غير اليوم وش ينبغي بها
ماعاد فيها اليــوم جـــدك وجـــــــدي=ياعـــزوة(ن)عنــد اللقــا يندعـي بـهـا
جينا صخابرة(ن) علــى صوت داعي=مثــل الــحرار اللــي تنصــت نديبــــهـــا
جينا صخابرة(ن) علـــى قــلب واحـد=والكايــدة لـــو هـي تعصّــت نجــي بهـــا
صخابرة جينا علــى شـــان صرخـــة=وسمــعــت مــن ديــار آل زايــد مجيبهـا
ويعيـــش منهــو حاز الامجــاد كلهــا=المــزنـــة اللـــي مايوقـــف صبيبـــهــــا
اللـــي لبس بشـت الامـــارة وزينــــه=بافعالــه اللــي كل حـــي(ن) دري بهــــا
عبدالعزيز الجود.. وابـــوه تــــركـــي=ورّث لـه العليــا.. وشبلــه رضــي بهـــا
عبدالعزيز اللي خواله هــــل الظفـــر=مــن روس قوم(ن) ما جهلــها حريبهــا
عبدالعزيز اللي خذا المدح في الصبا=وشــلون لـــو نفســه تقــارب مشيبـهـــا
عبدالعزيز يشاف في عينــه العشـــا=شيــخ(ن) يــروم الطايلــة ويهقـــي بهــا
الله لا يقطــع للابطـــــــــــال تـــــالي=شجــرة(ن) تظـــلل عن سمايــم لهيبهـــا
قلته وانا لي لابــــة(ن) لبــــت الـندا=عـــاداتـنــا هـي الاولــة ونحضــي بــهــا
مساعرة لامــن حضـــــرنا ظهرنـــا=وكلمـــة بـــلا بــرهـــان كلــــن يعيبـــهـا
مساعرة مشروبـنــا ساعة السطــر=مـــن صــافي الدلـــة ونتــرك ســريـبهــا
مساعرة هاماتنـــا فــــي الثريـــــــا=روس(ن) طنخها الحرب لا من عدي بها
نارد على الموت الحمر ورد ظامي=إلـــى اعتلينــا اللـــي تـركـــز سبيبهــــا
ونرعى صخاف الشول في كل ديرة=ومــــن خوفنـــا كــــل الاعـــادي تهيبهـا
والى عوى ذيب(ن) بديـــرة ذيابـــة=يبشـــر بهـــدات (ن) تحيـــــر طبيبــهــا
تجيك من زايد وتغلـــــب سرايــــــا=رجــال(ن) ثيـــاب الطايلـــة تكتسي بـهـا
بالله يـــاتــاريــــخ وقـــــــــف ودوّن=حقيقــــــة بيـــــن القبايــــل حكـــي بهــا
من حرم فزعات الغيارى آل زايـــد=نفســــه مـــن الحـرمــان وافٍ نصيبـهــا

قالوا دعيت لحفلـةٍ عنـد اغـرره=وش عندك بنسمع من انتـاجٍ جديـد
في ليلة والها مـن العمـر ثمـره=عسى هجوسك من نوادرها تصيـد
قلت البداية بـا شكـر الله واذكـره=الواحد الرحمن فاعـل مـا يريـد
الواحـد اللـي نعبـده ولـم نـره=الله يجملـنـا بميـقـافٍ سـديـد
سلام يا هل الحفل من قلـب شـره=على قصيدٍ غاب في يـوم القصيـد
وسلام للي ساق رجلـه وحضـره=في ليلةٍ كنهـا مـن الايـام عيـد
واللي قرا في خافي الفكره اعذره=إن كان عجز اليوم عن نظم الفريد
موتة دغش تسوى من الناس اعْشره=أنا اشهد إنـه فاجعـه وانـه فقيـد
وانا اشهد انه صعب تضنا به مـره=وصعبن نحصل له مثل شخصه نديد
الله يبيحه كـل مـا البـال اذكـره=ويالله تبيحه لا طرق بابـك وحيـد
واختامها وان كان جينا يا غـرره=كلمة نعم لأمثالكم شيـك ورصيـد
واللي عرف وش خافي القلب اعذره=أرجو المعذره..كان ما تم القصيـد

لا والله إلا بين الشيب يا شجاع=وجالك مجال تعذرب الشيب في راسي
تقول: الشباب أقفى ولاعاد له مرجاع=...لزومن تشوف اللي بك يروف ويواسي
ولاتدري إن القلب يا مسندي ملتاع=وخاطر رفيقك من لياليه منحاسي
إلى زل نصف الليل والنايمين اهجاع=تململت من نومي ولا ذقت الانعاسي
تهز الفواد أفواج همٍ تجيه أتباع=إلى شاق ولد اللاش نومه وهو ناسي
أشوف الليالي حكمها يا ولد ينطاع=وحلو الاماني يصدمه وقتي القاسي
أجاري زمانٍ كل ما قلتنا إنه طاع=ظهر لي رصيد الحلم في بنك الافلاسي
عسى اللي حفظ يوسف على والده ما ضاع=ورد أبرهه ـ من دون بيته ـ وهو خاسي
يهوّن شقا قلبن بنا الهم فيه شراع=توارد عليه هموم بقعا وهو راسي
وهذي نصيحة: إحذر الشيب يا شجاع=وخلك خلي البال يا طيب الساسي

بديت الطويل وكن وسط الخفوق اصداع=إلى كن جوفي تنحبس فيه الانفاسي
تنقض علي جرح الهوى اللي حسبته ضاع=واثر مستكنه في الشرايين حساسي
فيا مل قلبن ولع الشوق فيه اولاع=تويلاع جمرن تشعفه ريح نسناسي
يا نايف المسرع: ترى القلب فيه أوجاع=ترى نس حالي من هوى البيض نساسي
ترفق علي يا نايف بسيفك البتاع=ومن لايدوس الراي من قبل.. ينداسي
أنا مقصدي بالشيب لامن غزاك اتباع=يشين مزاج البيض ترفات الالباسي
فيا وجد حالي وجد منهو بغى الاطماع=عليه الخفارة والمراقيب حراسي
ويا تل قلبي تل جمسن عليه شراع=عليه النشامى اللي على الطرد مراسي
أسولف لعل القلب يدله لكن ما طاع=وترى اللي غشيم يقول ذا جاه وسواسي
وانا دمع عيني بالخفا دايماً نباع=كما جم بير(ن) هابها كل غطاسي
بغوا طولها لكن ما وصلوا للقاع=مسايل بحور(ن) مالها عد وقياسي
على اللي تمريع بالهوا عودها مرياع=عليها الضماير والمعاليق يباسي