لافاتك الباص تصعب عندك الدشـــه = لاصارشغلك بعيد وموترك علــــه
تشين الاخلاق وعزومك تجي هشـــه = وتصير كنك اســـيروبارض محتله
الله على اللي الى منه عطا الدشــــــه = مشيه يريح النفــوس ومركبه فلـــه
اللكززاللي عليه الكبد من حشــــــــــه = والقلب كنه من اقصى جوفي يتلـــه
افجح الى من قفيته وارثم الخشـــــــــه = وعــــلامته كنها مقضابت الــــــــدله
يشبه قنيف السحاب اللي نثر رشــــــه = من شاف زوله يقفي عنه ماملــــــه
ودك تشوفه ومن حســادك تخشـــــــه = وان جيت بدق ســلفه قول بسملـــــه
ماهوب موتر فقارا شغل ومشــــــــــه = فخامتا تذهل التفكير وتشلـــــــــــــــــه
كامــل مزايــا ولــونه كنــه المشـــــــه = تقول مــن مــــدة الفصـــــام عبدالله
عطيته الاعطا ماهـــــــي بمنخشـــــــه = كريم ســـــبلا يسوق المال في حلــــه
يفداه لاش(ن)يصرالقرش في جشــــه = مـــا يـدري ان القدرسيوره يشلـــــــــه
يموت رعى القصور وراعي العشــــه = والمـــــال لابــد يورث دقــه وجلــــــه