حفل ثلاب الهجيني

[معلومات العضو شافي بن راشد النتيفات]

يامرحبا باللي حضر حفل ثلاب
ترحيب طيب ن للنشامى يثنا
شيخ ن على فعل الوفا يبذل اسباب
ورى المراجل دايما ما تونا
كريم سبلا مشرع ن القلب والباب
هداج تيما من ورد له تهنا
يشهد على ماقلت ربعه والاجناب
ياقل شكله بالفعل ما تمنا
يقدم على درب المخاطر ولاهاب
زيزوم قوم ن ماشكى لاتعنا
الهيلع اللي موقفه يفحم اشناب
تضرب به الامثال زبن المجنا
وابوه نايف نايف بكل الاقطاب
شيخ ن خيامه بالمعزة تبنا
وجده عقيد فالجهل واسمه يهاب
ذكر الهجيني شاع بارجاء وطنا
من ربعي اللي خصمهم باللقا خاب
لاد الحريجي طيبين المغنا
اهل السيوف الحدب والشلف وحراب
حريبهم يبطي جريح ن يونا
انا اشهد انه من عريبين الانساب
معرب ن القرم منا ومنا
خواله اللي تنثني وقت الانشاب
اهل المدح فالماضي وفي زمنا
الاد عمار ن على الجزلة حضاب
ربع ن ورى الجزلات دايم تعنا


شافي بن راشد النتيفات

 

 

 

 

[معلومات العضو نآصر البدراني]

صح لسانك يبو شالح

ثلاب الهجيني كُفو علومه كلها طيبه ويستاهل الامداح