حفل الوفاء بين الاصدقاء - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 30-04-2014, 05:56 PM   #1
 
إحصائية العضو







شافي بن راشد النتيفات غير متصل

وسام شاعر التميّز .: وسام يقدم لمن يستحق أن يطلق عليه وسام الدواسر الذهبي: للأعضاء المميزين والنشيطين - السبب: شكر وتقدير.. ونعتذر علي سقوط اسم
: 2

شافي بن راشد النتيفات has a spectacular aura aboutشافي بن راشد النتيفات has a spectacular aura about


افتراضي حفل الوفاء بين الاصدقاء

( حفل الوفاء بين الاصدقاء ) قصيدة تشرفت بالقائها في حفل الوفاء الذي اقامه الشيخ مشلح بن عايض ال صهرير النتيفات باسم قبيلة الدواسر على شرف قبيلة سبيع الغلباء تكريما للشاعر الكبير / فراج ابولسان ( لسان الذهب ) في يوم الجمعة الموافق 1435/6/25



باسم الرجال اللي تروم الطاله
اهل الوفا والمجد واهل القالة
ربعي وربعي من قديم وتالي
عون الرفيق وللعدو هياله
قبيلة ن تاريخها معروفي
في نجد حزنا المجد وإنا جباله
ياسعد منا محزمه في الشده
جمع يبشر بالسعد من جاله
ربعي نتيفات الفخر والمنسب
متسلسلين من زحول جماله
دواسر ياسعد منا ربعه
محزم ظفر عز لمنهو شاله
وقفت عنهم موقف يلزمني
موقف شرف واجب علي اسعاله
عن ناصر اللي يفعل الماجوبي
غيث يبشر بالروى هماله
واخوه حشر اللي ينومس ذكره
خصيمه يجفل عليه ظلاله
وعن مشلح اللي فعله ينومسنا
معرب ن من جده ومن خاله
مشلح ولد عايض عريب المجنى
البيض للي مثله تبناله
رد الوفا طبعه وطبع جدوده
ماهو غريب يوم يرخص ماله
الله يبيض وجه مشلح دايم
اللي يشرف لابته بافعاله
كلفني ويامر علي وينهى
يقول هذا الامر لك وانا له
وقفت عنه وحاضر له دايم
واقدم الترحيب من مدهاله
حفل الوفا قوم نهار الجمعه
على شرف منهو كفو لقباله
يامرحبا ياسبيع عند ربوعي
ترحيب طيب ماتثنى احباله
ياسبيع يارجال الفعول الجزله
صغاركم وقت اللقا خياله
ياسبيع ياجموع الظفر في الهية
قبيلة قدم العدو صماله
ياسبيع ياهل العزم والقوة
سميتو الغلباء على العياله
ياسبيع والله ماحدا يجهلكم
حدرى وعلوى للحمل شياله
ياسبيع يامجد يهول صيته
خلدتو اسما معتلي بالحاله
يامكرمين الضيف والجيراني
ويافزعة اللي غبنه يوراله
وياستر منهو يلتجي بحماكم
انتو ذراه وفزعته وظلاله
عوق الخصيم اللي عنا طمعاني
ياهمه وياغمه وسلاله
مهما كتبت من الشعر بالغلباء
ماتوفي حقوق الرجال اقواله
واللي جذبني وانتهضت بفكري
رد الوفا واجب على من طاله
واللي بدابه شاعر سبيعي
فراج يمدح له كفو بجزاله
يمدحك يامشلح ويمدح ربعك
ومدح الرجال يشرف اللي قاله
من قدم المعروف يلقى مثله
عند الرجال يحصله ويناله
يالعامري طيبك وصيتك بين
فعلك نعده للرجال رساله
والله العظيم اللي مانعبد غيره
اللي مانسجد خوف كون الا له
انك كفو ومجمل بعلومك
وانك سناد مايزعزع جاله
ياسعد من حطك سناد ومحزم
عز الخوي كم كايد ترقاله
واخر كلامي للنبي محمد
عليه صلى الله وسلم واله

الشاعر / شافي بن راشد النتيفات

 

 

 

 

 

 

التوقيع




لمتابعتي بتويتر

Shafi-1978

    

رد مع اقتباس
قديم 02-05-2014, 05:35 AM   #2
 
إحصائية العضو







سعود بطحيه غير متصل

سعود بطحيه is on a distinguished road


افتراضي رد: حفل الوفاء بين الاصدقاء

الله يصح لسانك يابوشالح ع هاالقصيدة الجزله ولاتستغرب من شاعر كبير مثلك الله يحفظك؟

 

 

 

 

    

رد مع اقتباس
قديم 08-05-2014, 11:20 AM   #3
 
إحصائية العضو







نآصر البدراني غير متصل

نآصر البدراني is on a distinguished road


افتراضي رد: حفل الوفاء بين الاصدقاء



صح لسانك مدد بلا عدد


وافي يبو شالح وقصيدك دوم وافي


بيض الله وجه الشيخ مشلح بن عايض النتيفات على فعله


وفراج السبيعي وربعه يستاهلون

 

 

 

 

 

 

التوقيع




استغفر الله لي ولوالدي وللمسلمين والمسلمات


المؤمنين والمؤمنات الأحياء منهم والأموات


    

رد مع اقتباس
قديم 08-05-2014, 11:32 AM   #4
 
إحصائية العضو







راشد المسعري غير متصل

راشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud ofراشد المسعري has much to be proud of


افتراضي رد: حفل الوفاء بين الاصدقاء

صح لسانك يابو شالح ملايين على هالأبيات
ويستاهل الشيخ مشلح وخويه ابو لسان هذا الحفل المميز الذي يليق باسمهم وبربعهم
دائمً جزل يابو شالح ولك حضور يميزك في المحافل
تقبل ودي وتقديري ،،،

 

 

 

 

    

رد مع اقتباس
قديم 12-05-2014, 10:53 PM   #5
 
إحصائية العضو







موسى ابومشهور غير متصل

موسى ابومشهور is on a distinguished road


افتراضي رد: حفل الوفاء بين الاصدقاء

الله الله يابوشالح دوما مبدع وشاعر جزل لك مكانتك والروعه
في قصايدك الشامخه صح لسانك شاعرشافي النتيفات

 

 

 

 

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
شيلة الدواسر كلمات ابن شلحاط : آداء: وجه الوفاء راشد المسعري قسم الصوتيات والمرئيات لقصائد شعراء قبيلة الدواسر 7 20-04-2014 02:15 PM
رحم الله سلطان العطاء وتحية لسلمان الوفاء أحمد الجردان :: قسم المـواضيع الـعامــة :: 8 02-11-2011 09:55 PM
تحية لرجل العطاء ولشقراء هذا الوفاء أحمد الجردان :: قسم المـواضيع الـعامــة :: 0 06-06-2011 10:03 AM
التغطية المصوّرة لـ إحتفائيّة شعراء قبيلة الدواسر بمناسبة قدوم (سلطان الخير) و (سلمان الوفاء) برعاية الشيخ محمد بن مرّان بن متعب بن قويد الإداره :: قسم اللقــاءات والفعاليات والتغطيات الخاصة:: 32 04-05-2010 11:37 AM

 


الساعة الآن 02:40 PM


Powered by vBulletin® Copyright ©2000 - 2024, Jelsoft Enterprises Ltd.
---